مقهورة من زوجي

1. السلام عليكم

السلام عليكم

بنات أنا وايد منغاضة من زوجي .. زوجي مطلق وعنده طفلان الكبير عمرة 9 سنوات ونصف والصغير عمره 8 سنوات الحين جاين زياره عندي البيت بأمانه اني اعاملهم كأنهم أولادي وأحاول أني ما اقصر في حقهم بشي للعلم بأن أمهم مب مهتمه فيهم ابد ومعتمده على الخدامة في تربيتهم .. أنا احب زوجي وأقدره وأحترمه وما مقصره معه بشي ابد ابد اعمل اشياء فوق ما تتصورون عشانه لدرجة اني اتسلف له عشان يدرس اخته مع العلم بأنه هو راتبه اكبر من راتبي بس بسبب الظروف المادية ما قدر يدرسها وقالي اتسلف له .. قبل اسبوعان اشترالي هديه تليفون سامسوج ببطاقتين واشترى حق نفسه بلاك بيري امس انصدمت بشي كنت رايحة أنا والأولاد السيتي عشان يلعبوا وأحنا بالسياره كنا نتكلم عن التليفونات وكنت اسألهم امكم شو عندها من التليفون قالولي بلاك بيري بعديها تكلم الولد الكبير قالي صح بابا خبرنا ما نخبرج أنه ماما عندها بلاك بيري والله يا بنات انصدمت وصارت نفسيتي متعكره للأخر ومنصدمه من زوجي ليش مخبر الآولاد ما يتكلموا هل أنا ما استاهل أو هل أنا مب من مستواهم أو هل هم ارقى مني وانا لا شي والا شو بالضبط على طول بعثت له مسج كتبت له أحبك بس خاطري اعرف ليش مخبر الأولاد ما يخبروني أن امهم عندها بلاك بيري جاي راد علي تعرفي شي انا تعبان من البارحة مانايم وراسي يعورني ومافاضي حال عقل الحريم الصغير ما رديت عليه ولا بكلمه ولا كلمته ولا فاتحته في الموضوع رجعت البيت حصلته نايم صليت ونمت واليوم من الصباح وبين فترة وفتره يمسج انه يحبني بس ما ارد عليه عن جد بنات مقهوره من تصرفه وهذه مب اول مره يسويها كان يشتري حقها اغراض بمبلغ هائل وبنفسه يقولي كان يدفع حق اغراضها وأنا ما مسولي اي شي ولما اريد اروح اخيط ولا اشتري شي من مكان راقي يقولي اغراضهم غاليه بتقدري تشتري!! ليش يعني أنا ما استاهل ولا شو مع العلم بان طليقته كانت مب مهتمه فيه ولا في بيته ولا في عياله والحين أنا غيرت حياته 180 درجة بس مب عارفه ليش يعاملني بهالطريقة؟؟؟؟
ودمتم بود