مكياج العروس بالتفصيل ياريت تساعدوني

1. ياريت تقولولي ايش الاشياء المهمة اللي اشتريتها


2. بالنسبة للكونتور والهايلات :

السلام عليكم ورحمة الله و وبركاته
اخواتي ياريت تساعدوني
باقي على زواجي شهر ومااشتريت اي مكياج
وابدا ماعندي خبرة فيه ابدا ابدا
انا معتمده على امي تشتري لي لكن امي من سنين مااشترت مكياج وماتعرف انه المكياج تغير في هذه السنوات الاخيره وصار في هايلايت وكونتور للوجه وماتعرف لمعه الخدود وماتعرف الماركات الجديدة اللي طلعت.....الخ
وطبعا ماعندي اي خلفيه عن ماك او بنفت او elf او نيكس هذه دايما اسمع عنهم
انا مابغى اشتري ماركات غاليه اذا في اشياء بديله من هذه الماركات قولوا لي
قولوا لي فقط الاشياء المهمة واللي ماحصل لها بديل
ايش المهم اللي اشتريه من ماك وبنفت ونيكس ؟؟

ياريت تقولولي ايش الاشياء المهمة اللي اشتريتها

بالنسبة للفرش هل اجيب (ياريت تقولوا لي الفرش اللي ماتستهلك كثير من مستحضر التجميل وتكون ماتضر للبشرة):

• طقم كامل من بودي شوب (اتوقع سعرها معقول )
• طقم كامل من ريل تكنيك (ايش رايكم فيها شفت مشاركات عنها هل الشعر في الفرشاه جيد وطبيعي )
• طقم كامل من elf (هل جودتها كويس )
• فرش من سيجما (ماابغى اشتري الطقم كامل لانها غاليه اعتقد ب 500 ممكن اشتري منها بعض الفرش اذا كنات عندهم فرشة كويسة ومااقدر احصل لها بديل بنفس جودتها وايه تنصحوني فيه ياريت تدلوني )

بالنسبة للحواجب ايش اجيب لها :
(قلم او بودرة حواجب او عجينه حواجب او صمغ حواجب ؟؟؟؟)
الكونسلير :
ايش اجيب كونسلير سائل او كريمي او اصبع ؟؟؟
(انا سمعت انه الكونسلير الثقيل زي كونسيلر كارولاين يجيب تجاعيد للبشرة اذا استخدمتيه كثير ؟؟؟؟ ياريت تقولوا لي على انواع ماتضر البشرة )

بالنسبة للكونتور والهايلات :

ايش اجيب اشياء ايش المنتجات اللي اجيبها وايش الالوان اسمع اشياء كثير ماك وبنفت و elf ولاجربت شي منهم ولااعرف من اي محل تنباع اصلا وموشرط اشتري من هذه الماركات الغالية ياريت اذا المنتجات الرخيضه زي بورجوا وريميل وريفلون لها منتجات جيدة وبديل عن الغالي ياريت تقولوا لي اذا الغالي افضل منهم قولوا لي الغالي (اتمنى تكونوا فهمتوا قصدي )
بالنسبة لكونسلير كارولاين كيف طريقة استعماله عند استخدامه للهايلات والكونتور هل بعد مااضع الفاندويشن والبودرة اضع كارولاين او اضع كارولاين واسوي كونتور وبعده اسوي بودرة للتثبيت
ايش فايدة البودرة المعدنيه :
وايش من نوع تنصحوني اجيب ؟؟؟؟
في منتجات مشهورة زي دريم كلور بيس من ماك هو عبارة ايش ؟؟؟ هل له بديل في الماركات الثانية ؟؟؟
مثبت الماكياج هل هو ضروري ؟؟والمشهور المثبت من ماك هل له بديل في الشركات الثانيه ؟؟
بودرة البرونز هل هي ضروريه ؟؟لايش استخدامها ؟؟
لمعه الخدود ؟؟؟ هي عبارة عن ايش ؟؟؟ اضاءه او بلاشر كريم او برونزية ؟؟؟؟؟
ا لظلال في منها انواع مطفي ومخملي ومائي وكريمي ايش اللي اشتريه ؟؟؟؟ وايش الماركات اللي تبين لون الظل وماتكون خفيفة
(طبعا ظلال ماك وانجلوت غالية بصراحة مافكر اشتريها ابغى علبة فيها كل الالوان وبسعر معقول )
ايش فايدة هذا المنتج :بودرة مينراليز سكين فينيش من ماك ؟
هل تنصحوني اشتري بيس او برايمر؟؟ او استخدم مرطب بدل البيس ؟؟
ماهي اللمسة الاخيرة
انصحوني باساس كويس للجسم ؟؟ وهل استخدم بعده بودرة للجسم زي ايش ؟؟
الاضاءه عبارة عن ايش (هل هي الاضاء عند عظمه الحاجب فقط ولافي اضاءات للوجه ؟؟؟
ايش الارواج اللي تثبت لونها اكثر من غيرها (من غير مثبت طبعا )
ماكس فاكتور او نيفيا او برجوا او ريفلون او ريميل او نيكس
الجلوسات ايش الماركات اللي تدوم ثابته اكثر من غيرها
بالنسبة للظلال العين ماركة كوستال هل الوانها واضحة وثابته ؟؟
هل تنصحوني فيها ولا اشتري من الموجود في السوق
ملحوظة (نوع بشرتي مختلطة )
رجاءا حتى لو كانت عندكم معلومة بسيطة لاتبخلوا بها
انا جدا متوترة لاني مش بس مااشتريت مكياج حتى الملابس لسى ماخلصت تقضيتها