مكياج صيني

ليش كذا مافي أحد رد علي؟؟؟؟ على الاقل تسجيل الحضور؟؟

السلام عليكم ورحمة الله
عزيزتي توتوه
دوري في موقع جوجل(google )
عن مكياج صيني

اهلين توتوه
لما تروحي للكوافير راح توريكي الكتلوجات اكيد حتلاقي غرضك
تحياتي .........ان شاء الله تلاقي الى يرضكي وتصيري في الفرح التب

شكرا خواتي على الرد يعطيكم الف عافية... بس مدري وين باقي البنات اقصد الفراشات..

عزيزتي بالنسبه للاكسسوار الشعر مثل هذه تكون
كان ودي افيدك اكثر بس ان شاء الله اذا صادفت لك تسريحه او مكياج ما راح اقصر

ماعندي فكرة

عزيزتي بحاول افيدك
انا طبعا اشتغل بكوافير وصادف ان جاتني وحده لابسه لبس صيني
وكان اسود وتركواز وفضي
سويت لها مكياج بسيط الجفن المتحرك لون اسود دخاني مع رسم كامل للعين بالكحل
الاسود ومديت لها زاويه خارجيه طويله شوي برا العين...مدري اذا فهمتي او لا
بعدين جبت التركواز وموهته فوق الاسود الدخاني بالخط الفاصل بين الجفن المتحرك
والثابت بس ركزي على التمويه عشان لايصير سموكي
ونفس الشي حطيت خط تركواز تحت الكحل تحت العين
وفوقه قليتر تركواز وطرف الزاويه الخارجيه موهته بخط تركواز ايضا
وطبعا تحت الحاجب لمعه فضيه قويه
ولاتنسي الماسكرا والكحل داخل العين بلون تركوازي وليس اسود
وتحديد الحواجب
وبالنسبه للخدود والروج انتي مخيره بين الوردي والموف
وبعدين بالاخير رسمت لها بوجهها على طرف الجبهه رسمه نازله الين طرف الحاجب وبداية الخد
وهالرسمه مثل النقوش اللي بلبسها عارفه القماش الصيني يجي مرسوم عليه نقشات والوان الرسمه تركواز
وابيض وزينتها بكرستال فضي
المهم انتي عشان تبرزين المكياج الصيني حاولي تركزين على المطه..اقصد الزاويه الخارجيه للعين..
وهاليومين ترى راجعه موضتها
اتمنى اكون افدتك وعلى فكره ذي اول مشاركه لي بالمنتدى الرائع هذا

الله يعطيك الف عافية حبيبتي فديت الشرقية.. ياليت لو عندك صورة قريبة من المكياج تحطينها... والوان القماش اسود واحمر وذهبي فكيف يصير احطه؟؟؟
وسالفة الرسمة مافهمتها ياليت بعد لو تحطينها؟؟؟ معليش حبيبتي طلباتي كثيرة...

معليش حبيبيتي تاخرت بالرد لاني قليل ادخل..
المهم ماعندي صوره والله..وحتى لو فيه مقدر ادخلها بالمنتدى
لان ماعندي خبره..
قلتيلي لون فستانك احمر واسود وذهبي
اول شي حطي احمر على الجفن المتحرك وموهيه على كامل الجفن الين
الخط الفاصل بين الجفن المتحرك والثابت
بعدين حطي لمعه ذهبيه تحت الحاجب مع تحديد
الحاجب طبعا بعدين ارسمي عينك كامله بالكحل وحاولي تمطين الزاويه الخارجيه
لبرا بموازاة نهايه الحاجب وادمجيها مع اللون الاحمر
تحت العين ارسمي بالشادو خط احمر وعليه خط اخضر وادمجيهم
وصدقيني بيطلع شي بس انتي خلك جريئه وحطي اللون الاخضر بس
اهم شي الدمج خلي الا خضر يضيع بالاحمر....بعدين حطي خط قليتر ذهبي تحت العين
ولاتنسين الماسكرا المكثفه من هيلينا او لانكوم
بعدين ارسمي وردة روز باللون الاحمر عند الحاجب وخليها نازله الين الخد
وحطي خط حلزوني اخضر نيابه عن ورقة الشجر الملصوقه بالورده...وانثري عليها شوية قليتر ذهبي
اتمنى اكون وصلتلك الفكره كويس
ولو كنت اعرف احط صور كان احسن
مع ان الصوره يمكن صعبه الاقيها لان طريقة المكياج
ذي من ابتكاري
وشكرا