ملف إستعلامات القطريات الجديد للمكياج والشعر بنات ديرتي الكل يشارك فديتكم

السلام عليكم ورحمة الله وبركاته
حياكم الله خواتي وياهلا ومرحبا في كل زائر
طبعاُ حبيت أجدد هالموضوع اللي متأكده أنه طرح أكثر من مره لكن
آخر ملف كان بتاريخ قديم والمناسبات ولله الحمد متجدده والله يديم الأفراح يآآآرب ويجعلها عامره في كل بيت
ولكن هالملف فيه شرووط أكيد الكل يعرفها ولكن بعضها متجدده بإقترحها عشان يترتب الملف بإذن الله
والكل يستفيد :
أولاً : ممنوع وضع الأرقام في الموضوع الأرقام ترسل عالخاص طبعاً
ثانياً : تمنع الدردشات والسوالف عن مواضيع أخرى غير المكياج (لأن هناك ملفات خاصه للدردشه ) وحتى
لاتتراكم الردود بغير هدف
ثالثاُ : يفضل كل وحده أن تكتب ستايل المكياج اللي تحب ومن تنصح فيه لأن الأذواق تختلف يرجى مراعاة
ذلك يعني مثلاً : الستايل الكويتي أو الستايل اللبناني أو السموك أو الناعم جداً أو المائي وهكذا
عشان يسهل على الكل فهم نوعية المكياج اللي يناسب بعض البنات قد تذم مكياج لأنه مب نفس ستايلها
فلازم نراعي هالشي
وأتمنى من الكل أنه يشارك وياخذ راحته بالشرح عشان نفيد ونستفيد
راح أبدي أنا لكم وشوفي مثالي :
أنا عن نفسي أحب الستايل الكويتي والسموك والشغل المرتب اللي تكون ألوانه حلوه
حبيت شغل شووق روعه شوي عليها ونفسيتها ماشاء الله بودرتها مر تبه وثابته تستخدم
كنيبو بس ترى شوي تطول عشان تدقق يعني لازم تروحين لها من وقت إذا أكثر وهي ببيتها اللي جنب اللولو
يعني ماتجي البيت رقمها عندي للي تحب طلعتني أنا وخواتي كل وحده غير وأسعارها حلوه بعد
بس كله فل عندها أحجزي من وقت إذا تبين
آمنه شاهين شغلها روعه بعد والألوان واو ونفسيتها بعد روعه وتجي البيت مع الشعر
تسريحات تهبل والناس اللي يقولون عن مواعيدها ماعليكم منهم أصلاً إذا أنتي مهتمه بحجزج لاتنامين في
العسل كل شوي تشيكيه وأكديه بس أخذوها وأنتوا مغمضين ترا بعد الحجز فل عندها
تماضر شفت شغلها من كم سنه على بنات من أهلنا حلو يهبل مع أن البنت كانت لابسه
زيتي يعني مب أي حد يضبط هالألوان بس مسويه لها زيتي مع ذهبي ولمعه ذهبيه على الشفايف نفس
ستايل حنان دشتي تقريباً والبودره ثابته ونفسيتها نفس شوق وآمنه عسل
عسى ربي يوفقهم يارب
وكل الأرقام عندي للي حابه
أتمنى ماكون طولت عليكم بس هذولي اللي تعاملت معاهم وحبيت أفيدكم بالتفصيل
والموضوع لكم ولنا تفضلوا حياكم
أتمنى أن تدعون لي بالتوفيق وأن يحقق الله مرادي أمانه <<< والله الدعوه ماتكلف شي
تحياتي الأميريه
World Princess