ملكتك شوفتك ادخلي شاركيناا

السلام عليكم يسعدني اكون اول من يرد عليك
انا في ايام الملكه خطيبي الي اهو زوجي الحين وقالي سوي القهوه وجهزي الحلى اناجاي فالطريق المهم رحت واتجهزت وسويت القهوه وجهزت الحلى وابوي يومها كان طالع لمزرعته وقافل باب الحوش الرئيسي وكان عندنا مفتاح ثاني ويجي خطيبي ويدق الباب وادور على المفتاح وادور ماله اثر اسال الخدامه تقولي ماشفته ياربي وين يروح وخطيبي ياحرام يستنى عند الباب خ واخر شي طفش وراح وبعد ماراح والا الشغاله اطلع المفتاح تقول لقيته وهي الي شايلته لانها كانت عارفه انه بيجي غارت مني ههه وتعالي شوفي اسبوعين ماشفته ولا كلمته ههه
وسلامتك

خ
وش هجري الشغاله غبيه
يللآ يانوتات ننتظر موافقكم

واو حمستيني كثير
شوفي أنا في يوم شوفتي بالظهر قبل مايجي رحت للمجلس وشلت كل الطاولات اللي فيه قلت ماابي أحوس وانا داخله وماخليت غير طاولتين بس وحده عليها فازة كبيرة والثانيه بعيده شوي ..
الموهم لما جاء دخلت عليه بالعصير ومعاي الصينيه اللي شايله بها العصير وأدور مكان أحطها عليها مافيها جلست أدور في مكااني وبموت من الفشله وهو يناظر فيني وارتبكت مره في الآخر حن علي خالي وشالها عني وربي وربي للحين يذكرها ماهو قادر ينساها ..
وسلامتكم ..

ههه
اهم شي انه رحمك..

مشكوره اختي على الموضوع حلو
انا قضيت يومي من فشله بفشله لأنها كانت ملكه بزواج طربقه بطربقه لكن كلها ذكريات حلوه لي وله
في اول جلسه بيننا يوم الحفله وكنت منبهه على اخواني ينشبون له ومايطلعون ويخلوني
معه لوحدنا لكن تفاجأت انهم يقولون لي مع السلامه نخليكم لوحدكم تاخذون راحتكم
ولمّا طلعو كان يسألني عن اهتماماتي ودراستي وكنت أجاوب ايه لأ ايه لأ
بالترتيب شك في وضعي اني ماشيه بالترتيب بدون ماانتبه حب يتأكد راح سألني
تقرأين القرآن وكان ترتيب جوابي لأ فقلت لأ وعرف اني شبه غايبه عن الوعي
وانه ماراح يطلع بنتيجه من كل كلامه بهالجلسه وقال انا بطلع للرجال ولاتطولين
عند الحريم حتى نرجع نجلس مع بعض واتصل على ابوي وطلع
وماانتبهت لنفسي اني اجاوبه بالترتيب إلا بعد شهرين تقريبا يعلق علي ويقول رحمتك
لو قلت ارمي نفسك بالنار غير تطيعيني واقول ماألوم ابوها يوصيني عليها ويقول انها
صغيرة على الزواج الحين بس اقتنعت
آآسفه طولت عليكم

ههه
حالتك صعيه..الله يوفقكم يالغلا..

انا بيوم الشوفه دخلت عليه وهو جالس ووقفت عنده ابيه يوقف ويمد يده وماوقف انحرجت ورحت جلست وبعد الملكه كان يكلمني وجبنا الموضوع يقول ماقدر يوقف انبهر بجمالي

خ سوالفكم تضحك يابنات والله احراج
احنا قرويه ماعندنا هالسوالف
خذوه فغلوه ههه
بس اول الزواج احراجات اشكال الوان الخبيث مره لقمني شيبس برينغلز تعمد يبعده عن فمي وطاح وقام يتتريق : عمرك ماكلتي بطاطس
لئيم