ملكتي قربت

الف مبروك ياقمر
وبالنسبه للفستان على حسب
اذا الملكه في البيت ينفع يكون هادي وناعم
بس اذا فقاعه احس احلى لمن يكون فستان الشبكه فيه نفشه لو خفيفه
ولو الفستان مو عاجبك استشيري اللي عندك يمكن يقنوعك ويعجبك وتكوني دحين بس مع التوتر مو داخل مزاجك
ما ابغى أأثر عليكي بس انا احس لونو شويه غامق وحلو انو يشوفك اول مره بشي مفرفش ههه
واذا مره مااقتنعتي ارفعي الفستان لجهازك او اذا عندكم مناسبه قريبه وخديلك فستان تاني تكوني مقتنعه فيه مليون في الميه عشان لاتقعدي تقولي ياريتني اخدت غيره وتندمي
الف مبروك مره تانيه
واي شي محتاره فيه اسألي واعتبرينا اخواتك

الله يوفقك ياأخت ورد ويفتح علكي دنيا وأخره لأنك رديتي علي هي الملكة في البيت وشكل فستاني بلوزة وتنورة ومن فوق مطرز ومن تحت سادة بس أش أسوي تسريحة مناسبة ؟؟؟؟للأسف مأقدر أغير الفستان لأن هذا ثالث واحد أخذه أحس أني ذوقي صعب ؟؟

التسريحه ياعسل على حسب موديل الفستان.. وعلى حسب وجهك ايش يناسبه
لاتنسي تسوي مسكه<<كثير عرايس في الملكه ينسوها..
احجزي كيكه واكتبي اسماءكم عليها...تقطعوها مع بعض وقت التصوير..وتتسلو بأكلها لما تجلسو لحالكم بعدين
هذا كل اللي في بالي الحين
لو اتذكرت شي ثاني حارجع ياعسل..
اتمنى لك التوفيق..

موفقه ياعسل
والفستان على حسب الملكه اذا كبيره وفيها معازيم كثير او مختصره
واى مساعده في الزفات او طلتك على المعازيم امرينا واحنا بالخدمه
اروع الزفات ودخلات العرايس مع شبكة غنوه
www.***********

حبيبتي الله يوفقك ويسعدك
ألف مبروك الله يجمع بينكم على خير
بالنسبة للفستان زي ما اتفضلوا الأخوات لو في البيت حلو يكون ناعم وذوق أهم شي تكوني مرتاحه فيه وواثقة من نفسك
والتسريحه فعلا على حسب موديل الفستان بس أنا أنصحك بتسريحة ناعمه ما فيها شد ومد واسبري كثير
ونصيحتى لو فستانك بسيط سوي تسريحه بسيطه زي تسريحى ساندريلا وحطي تاج متوسط على في التسريحه يعطيها هيبة العروس
ولا تنسي الطقم اللي بتلبسيه مع الفستان يكون فخم شويه علشان برضوا يعطي هيبة لفستان العوس وفخامه مع نعومه
والمسكه تكون الورود الوانها فاتحه شويه علشان فستانك عودي ويكون عليها فصوص بسيطه جدا باللون العودي علشان لا يكتم لون الفستان
والصندل انتبهي يكون ماهو مريح ولا تقولي مو مشكله ما راح امشي كثير لالا لا زم يمون مريح علشان لو قالولك ارقصي تكون خطوتك واثقه وبخجل ودلع في نفس الوقت
ولا تنسي كاسة العصير ممكن تستأجريها أو تسويها بنفسك في البيت طريقتها سهله وبسيطه بس أهم شي الذوق
ام ايوا صح وجهزي سي دي رتبي فيه الأغاني الزفه وتلبيس الدبل والطقم وشرب العصير وكم أغنية دلع وحب ومن ذا الكلام طبعا لا تنسي الأغاني اللي ترقص
وبالتوفيق يا رب ولو احتجتي أي شي أو بتسألي أي شي ارسلي لي على الخاص يمكن ما ارجع للموضوع
ام كمان لو إنك في جده أنا ممكن اعمل لك نسخه من شي دي الملكه حقتي أغاني زفه وحركات
ولا تنسيني بدعوة في ظهر الغيب ،، بالتوفيق لي ولك وللجميع يارب

لما تحطي مكياج مزبوط وتسريحه
تفكي شعرك وتنفخيه يعني مو رفع
راح يكون شكل نعوم

بالتوفيق يارب
وعقبال الزواج

بسم الله على قلبك
ماشاء الله تبارك الله
لاتشيلي هم
ان شاء الله امورك راح تصير تمام
الاخوات ماقصروا
وان شاء الله راح تكوني احلى بنت
ربي يسعدك ويوفقك
وعقبال الزواج ان شاء الله

انا اتفق مع ام عمر222 ميه بالميه
وياقلبي انتي اللي تحلي الفستان
والف مبروك والله يوفق الجميع