مليت في حياتي زوجي قاهرني كرهت الدنيا

1. السلام عليكم


2. إني اهملك


3. بقول لكم شي

السلام عليكم

ببدأ بقصتي والله مقهورة تعبت الحياة صارت صعبة مع زوجي مللني عيشتي.....مافيه صلة قرابة بيني وبين زوجي أمه وخواته شافوني في عرس وتعرفوا على امي وبعدين جاء هو ابوه وخطبوني ... وبعد ما سأل ابي عنو سمعته طيبة ويصلي..وافق عليه
بعد الزواج فعلا ونعم الرجل كل شئ فيه حلوا وعشت أحلى أيام عمرري معه كان همه عمله وبيته .. هو اكبر إخوانه وعنده سبع خوات واحة متزوجة وعنده اخ واحد ثاني ابتدائي أصغرهم.. بعد الزواج سافرت معه لانه يعمل خارج جده .. كل شي تمام ولا يعكر صفونا شئ .. بعد سنة من زواجنا صار لابوه حادث وجلس 17 يوم في المشفى بعدين توفي رحمة الله عليه ..عاد زوجي طلب نقل لعند أهلوا وفعلا نقل بعد وفاة أبوه عشان هو اللي يعول أهله.. من نقلنا جدة عند أهله أصبح زوجي انسان ثاني همه امه خواته وانا راكني كاني قطعة اثاث
في البداية قلت ماعليه تو أبوه مات .. صح تأثر بموت ابوه بس وش نسوي هذا حال الدنيا بعد مانقلنا سكنا في نفس عمارة اهله عشان يكون قريب منهم ..اهله بالدور الرابع وانا بالثالث والدور الأول والثاني شقق مأجرة. العمارة لأبوه ... يابنات والله محسد أهله وماأكرهم بس كمان انا لي حقوق عليه..صار كل شئ قال أمي وخواتي نبي نروح كذا قال امي وخواتي ..صرت دايم خصام وكل مرة يقول تبيني أتركهم مالهم غيري
طيب خلاص عارفين بس شوفوا
جاء مرة وقال انا والله احبك واقدرك بس تكفين كوني لي عون شايل هم بعد ابوي مابي خواتي يحتاجون شئ ومابي ينقصهم شئ مصيرهم يتزوجوا ويروح واخوي بيكبر وبيشتغل ويروح اصبري معي والله إني ماقصد

إني اهملك

بطلعك مرة وهم مرة بس زي سفريات لازم مع بعض ونزول السوق يوديهم قبلي مع انومايردني عن شي
طلبات خواته منفذة حتى لو طلبوا غرض يصحى من النوم يركض يجيبه وانا احيانا اطلب شئ يقول طيب اصبري واجلس يوم يومين بعدين يجيب اللي طلبته في العصريه يصلي في المسجد ويطلع عندهم وانا اسفل واذا قلت طفشانه قال تعالي عند امي وخواتي .. بنات والله مقهورة اذا طلعنا نتمشئ بسرعة حد الساعة 8 ليل ونرجع طيب ليه يقول خواتي امي كلهم بنات اخاف عليهم .. والله اسكت واحيانا اتكلم ودايم يقول يوم ابوي حي عادي كنت وقتي كله لك بس دحين اصبري نجلس دايم شايل همهم والله يابنات
تخيلوا يقول عند أهلي غرفة فاضية بسويها غرفة نوم ونطلع بالليل ننام عندهم قلت ليش قال مو مرتاح انام بعيد
وتزاعلنا وبعدين قال خلاص ننام هنا في بيتنا وليلة من الليالي كنا نايمين وصحي مفزوع قلت وش فيك قال كأن وحده من خواتي تصيح وهو يروح يلبس ملابسه ويطلع عندهم ..طيب ليش وانا عادي وخواته لهدرجه يفكر فيهم وكلما نتخاصم قال هذولا ست بنات والزمن تغير لازم أحافظ عليهم لين أزوجهم تعبت معاه أحس كل شئ مرتبط بأمه وخواته قلت خميس وجمعة خلينا نروح مكة هنا قريب نروح الحرم قال خلاص بشوف بعدين جاء قال والله ياحبيبتي صعبة خلينا نشوف البنات يمكن نفسهم يروحون وراح قال لهم ووافقوا
جاء قال لي خلاص بروح أجيب الجمس عسان يوسعنا وبنروح كلنا قلت مين كلنا قال امي والبنات عصبت قلت والله مارأروح خلاص روحوا أنا بجلس هنا لازم كل شي فيه امك والبنات.. طبعا طلع وبعدين رجع وقال يايمه احس اني تعبان وبطلت نروح مكة .. بنات حسو بي كل شئ لازم امه وخواته
بس عشان أكون صادقة امه وخواته ماعمر صار بيننا صدام ولا مشكلة يعني كافين خيرهم وشرهم
خواته جدا فرفوشات ....
والله يعلم ماأكرهم بس بنات أحيانا أرحمه وأحيانا أقوول يمكن يتعود على هالحال ويصير مطنشني

بقول لكم شي

في إجازة شهر 4 قالت أمه بنسافر الخميس عشان أخوها مسوي عملية قال لها طيب وسافرنا كلنا وبصراحة السفرة كلها ضحك وفرفشة وتنكيت وصلنا لبيت خاله الساعة 6المغرب وسووا لنا عشاء بعد العشاء دق عليه قال يالله ياعمري استأجرت شقة مفروشة بنروح نبيت هناك قلت طيب وشوي والا أخوه
الصغير جاي قال ماما تعالي بدر يبغاكي طلعت عنده في المقلط ماكان أحد هناك ودخلت عندهم والا هو يقول ماما حبيبتي انبسطي مع خالي وعياله الليلة وسولفي اما انا وزوجتي والبنات بنروح نبيت في شقة
والله يابنات لا تقولون غيورة ولا حسودة بس انقهرت ليه ماياخذني وخواته يجلسون مع امهم عند خالهم وش فيها ..الموهم رحنا الشقة وبعد مادخلنا غرفتنا بننام شافني متضايقة قال أدري بتقولين ليه مو انا وياك بس
مابي اثقل على خالي وبعدين خالي عنده عيال وما بي خواتي هناك أدري ماهم داخلين بس اما واحد يدخل بالخطا أو شئ قلت أمك أحرص عليك منهم قال صح بس اسكتي لا يسمعون البنات خذتهم وخلاص كانه يقول عاجبك والا موعاجبك .. صراحة فار دمي ذيك الليلة
مدري ليه صرت أعصب وخلاص ماعد اتقبل شي .. الصبر له حدود حتى بعد ما أعصب مايرد عليه ودايما يسكت لين تنحرق اعصابي ما يرد والله احيانا اجلس ابكي لوحدي
أمي دايما تخاصمني تقول موقاصرك شئ اعقلي ...معقولة انا غلط والناس صح .......احترت
ماتهنيت بحياتي يعني بقضي عمري كذا مع زوج همه خواته وامه وكل ما أقول له يقول والله العظيم مانا مقصر انتي بس تشوفين اني مقصر واصبري وانا احاول ومدري ايش من هالكلام ...
يوم الثلاثاء لي موعد في المستشفى الساعة عشرة ونص متفقين انه يستاذن من العمل ..وش صار
جاء اخوه من المدرسةيوم الأثنين قال فيه تكريم مدري حق آباء مدري وشوا الموهم جاب دعوة من المدرسة .. يوم جينا ننام قال تكفين ياعمري لا تزعلين بس يزن يقصد أخوه جاب دعوة بروح معه .. بصراحة ماسكت قلت انت انسان الطيب مايجيبك انا ليه شهر محدده الموعد ودحين تقول يزن جابلي دعوة وجلست اسب واسخط لين نمت ..بالله عليكم قولو الحق انا ما معي حق أأجل موعد أسناني عشان خاطر أخوه..
انا مابيه يتركهم ماقول اتركهم بس يعني دايما اقول لك حياتك الخاصة ..
دايما خصام مشاكل مليت من العيشة يعني انا انسانه ابغي احس انو يهتم فيني انا لي حقوق
وش تنصحوني يابنات ...