ممكن تساعدوني

1. بسم الله الرحمن الرحيم

بسم الله الرحمن الرحيم

• أنا جالسة في بيت اهلي فترة عشان مشكلة جدة وزوجي هناك
• كان زوجي قبل كم سنة يقول لي ابعدي عن خالتك عشان عندها ادعية غريبة وكلام كتير
• بنت عمتي وزعت علينا أدعية مهمة لكل زوجة وانا اخدت من الانترنت كمان شوية ادعية للزوجةمثل (اللهم حببني إلى قلب زوجي وحببه فيه

اللهم إني استودعتك قلب زوجي وسمعه وبصره ولسانه وفرجه وشهوته ان لا يرى ولا يسمع ولا يحب ولا يكلم ولا يضاجع ولا يشتهي من نساء الدنيا ورجالهها غيري فاحفظها لي يامن لا تضيع ودائعه
اللهم سخرلي زوجي في قلبه وماله وهكذا وحطيتها في دولابي تحت الملابس وضاعت قبل فترة لقيتها طايحة جنب الدولاب شلتها وحطيتها مكانها
كلمني اليوم زوجي وقالي كيف حالك متى اخر مرة شفتي فيها خالتك متى اخر مرة كلمتيها اعطتك شي اخدتي منها شي لعبت في راسك وقالتلك شي
قلتله لا ما افتكر اني كلمتها قريب ولا افتكر اني اخدت منها شي
المهم قاللي انا حلمت انها اعطتك شي
قلتله شي زي ايش قال ما ادري المهم بعدين قاللي يمكن اعطتك شي من الخبال حقها قلتله اش قصدك يعني ادعية قال ما ادري يمكن
قلتله لا بعدها حسيت انه شاف الدعاء اللي في الورقه قلتله يمكن شفت الدعاء اللي في الورقة اللي في دولابي قبل ما تنام وعشان كده حلمت
قلتله الورقة كتبتها من النت ودعاء عادي ما فيه شي لا سحر ولا شعوذة ولا كلام فاضي
وكل الحريم بتدعي زيه ما فيها شي واصلا اي كتاب دعاء تلاقي فيه دعاء الزوجة ودعاء الزوج ودعاء الأزواج
ولو دورت في الانترنت ادعية هامة لكل زوجة كنت لقيته
واصلا انا شفت عندك قبل كم سنة بين اوراقك دعاء قريب منه ( كان بين الدعاء مكتوب اسم بنت ومشخمط عليه ) .... ماقلتله الكلام اللي بين القوسين هو قطعها ورماها انا شلتها عشان كانت مرة غريبة وماجبتله سيرة
وبعدين قلتله اكيد الدعاء ليا تبغا ربنا يحببني فيك ويحببك فيا ويصير نحب بعض على طول
قاللي في اوراقي انا قلتله ايوا
وبعدين قلت له ورقتي فيها دعا عادي الله يحنن قلب زوجي عليا قال لي يعني انا موحانن عليكي قلتله الا بس انا ابغا زيادة وزيادة
قاللي خير ان شاء الله
قلتله حتى بنت عمتي وزعت علينا ادعية زي كده انا واختي وبنات العيلة قاللي عشان كده خرب بيت اختك
انتي ما تدري اش بين السطور مكتوب يمكن اشياء تخرب بيتك
وتاني مرةلو عندك شي لا تخبي حطي فوق التسريحة قلتله اصلا انا مني خايفة وماخبيت شي ولو شاكك شيل الورقةة ووديها لشيخ وهو يقولك ازا سحر او دعاء او اي شي تاني
انا واثقة من نفسي ولو خايفة كنت دورتها في الدولاب وجبتها معايا بيت اهلي
بعدين يقوللي خلاص كلامك كتير فهمت
قلتله لا بس عشان اوضحلك
سالته فيها شي لو دعيت يارب اجعلني لزوجي كما يحب يعني البس زي ماتحب واسوي كل شي زي ما تحبه قاللي لا ما فيها شي بس انتي شاكه فيا؟
بعدين سألني الورقة فين قلتله في الدولاب دورها بنفسك وسوي فيها زي ما تبغى ووصفتله مكان الدولاب بالضبط
بعدين سألني ليش ما خرجتي اليوم قلتله عشان تعبانة
قاللي اخدتي معاكي حفايض الاولاد قلتله بس شوية عشان احسب نفسي جالسة 5 ايام بس انت خليتني اكتر من كده عشان السيول وما كنت حاسبة حساب كده
قاللي اصلا حتى دحين بتصب مطرة
يالله خليني اروح اصلي المغرب
فين بنتك قلتله نايمة قاللي طيب بوسيها عني قلتله ان شاء الله
بعدين قاللي مع السلامة مارديت
قلتله مع السلامه في الاخير
قاللي لا اله الا الله
قلتله محمد رسول الله
اش قصده بالمكالمة هادي كلها ؟