ممكن تساعدوني

السلام عليكم
انا وحده ما اعرف اكتب مقدمات فراح ادخل في الموضوع على طول
انا متزوجه صارلي سنه وكل يوم انا وزوجي مشاكل ماعمر مر علينا يوم الاتمشكلنا
ومادري القاها منه او من اهله الي نفس الشي كل يوم معي مشاكل والا مرت اخوه واخوه نفس الشي مشاكل
وكل هذا صار مع اهله عشان اخته طلبت مني اطلع معاها مع واحد وانا رفضت صارو اهله يكرهوني
ويوم قلتله انو اختك طلبت من كذا مارد وكنه ماسمع شي
وانا من يوم ماتزوجت الين اليوم وهو موعارف ينام معي زي باقي الرجاجيل
والله يابنات انو صارلي 9 شهور على نفس الحاله موقادر يسوي معي شي
وبعد 9 شهور جى مره ودق على امي وقالها تعالي شيلي بنتك ويوم امي جت انا انقهرت
رحت ناديته وقلتله انت الي زيك يبوس الارض الي امشي عليها وانت كذا مافيه وحده بتستحملك
حتى اقوله روح الدكتور مو راضي
وامي فهمت وش قصدي وانا والله ماكان ودي امي تدري
وامي قالت حق امه وامه فضحت الدنيا وراحت علمت كل الناس انا رحمته وقلتله تعال معاي لبيت اهلي
وهو مو راضي يقدرني والله شفت اشياء مايرضى فيها يهودي
لدرجة والله من يوم تزوجنا وحنا ساكنين عند اهلي ناكل ونشرب ونام
والبيت هناك مافيه مقاضي ابدا واذا طلبت مقاضي قام يطاق معي واهله يتخانقون معي
ويطردوني من البيت
ولا من زود الوقاحه اذا اهله طردوني يجي يقعد معي عند اهلي
معا انه له حق في البيت من ابوه عشان ابوه ميت
ومره اخوه يجي يتهجم علي ويقولي افتحي الباب لا اكسره عليك
ومره اهله يتبلون علي ويشتكون علي في الشرطه من دون سبب والله ما اكذب
حتى والله من كثر ماتمشي وتتكلم فيني عند الناس صارت الناس تكرهني
وحتى في الاعياد ماعمره دخل علي بهديه ولا اول يوم زواجنا جابلي هديه زي الناس
حتى يوم الزوج انا الي دفعت نص الفلوس حقت تكاليف العرس وهو بس معطيني 30 الف
والله احترت مادري وش اسوي كل يوم مشاكل كل يوم
والله حتى مصروف للبيت مافيه
واذا عطاني مصروف لي انا يجي ثاني يوم يقولي عطيني الفلوس
والله فشلني قدام اهلي دايم اخذ من امي فلوس واعطيه وهو مو حاس فيني
ومره تتصل علي وحده وتقولي انها تعرفه وتقعد تتحسب علي وتدعي علي بالموت
ومره القى سجل المحادثات حقى المسن يكلم خويه عن وبنات ويقول لا تقولهم اني متزوج
والله لو وش احكي ما اقدر اوصفلكم العذاب الي عايشه فيه حتى سفر زي الناس مايسفرني
الا على حسب اهلي وماعنده رومنسيه ابدا تخيلو اقعد البس واتعدل واذا جى يا ينام يا ينزل عند امه
او يقعد عند الباب يهندس في سيارته واذا قلتله خلينا نطلع والله يابنات انه ياخذني يمشيني بس في السياره كني ولد
وحتى اذا طلعنه اقعد اساله انت تحبني يقعد يضحك ويطول على المسجل او يتكلم عن اخوياه
واذا فكر مره يطلعنا سوق ياخذ احد من اخويه معانا
واذا طلعنا نتعشا انا الي ادفع اذا طلعنا بنتقضا انا الي ادفع واذا جينا نشتري اي شي حتى المصروف حق دوامه انا الي اعطيه
والله يابنات اني ماكذب
ودايم يقولي انا كنت احب فلان وكنت معجب في فلان واذا طلعنه يقول شوفي هذا انا كنت احبه ويالبيه ويا مدري ايش
والله تعبت ودايم اهله ضالميني حتى بعض المرات يقلون له طلقها وحنا نزوجك
اهله مره ناس رايحه فيها حتى انا صرت اخاف على نفسي منهم
اخوه يحشش والثاي يسكر وامه واخته ومرت اخوه حقين شباب والله يبنات اني ماكذب
وعشان انا رفضت اني اصير معاهم كرهوني حتى اثاث البيت كله ماخذه مستعمل
والغرفه ماخذ حقت اخته
وحتى التحف مخذها من عند اهله مكسره وحاطه عندي
وباقي الاثاث امي جابته
وامه كل شوي تتصل وتقول وع من زينها مرت اخوك احلى منه
معا انه والله يابنات وربي يشهد علي اني احلى منها بمليون مره والدليل انا زوجها قاعد يتهجم علي كل شوي
وحتى الناس يشهدون اني احلى
عشان مرت اخوه كانت تبي تزوج زوجي اختها وماقدرت
قامت تتبلى علي وكل شوي تنزل حق اهله وتقول انى انا سكرت الباب في وجها واني انا سويت وحطيت
وانا والله ماسويت شي
ويوم زوج اخته مات رحنا نعزيهم امه واخته منقلبن علينا ومايكلمونا بنفس
ويوم جى اليوم الثالث للعزاء الي هو اليوم قم من النوم لقى امه راسلتله رسائله تقوله تعال سلم على عمتك
وانا ماعمري شفتها
وهو طبعا كان قاعد عند اهلي قام وهو معصب وقالي انا بروح
قال يعني ماتبيني اروح وقام يصارخ وانا والله ماتكلمت ولا قلتله لا تروح ولا شي
بس قلتله بروح معك اسلم على عمتك طلع وخلاني وادق عليه مايرد
وشوي رستله رساله ومارد وبعدين امه دقت علي دقه وتسكيره
وادق عليها تعطيني مشغول
وهو مايرد
بليز بنات سعدوني انا والله ماشكيت لكم الا عشان حسبتكم زي اخواتي
والله اكتب الموضوع وانا دمعتي على خدي