ممكن مساعدة من فراشات البحرين عن افضل الصالونات او وحدة تجي تسوي مكياج

والله انا اعرف ناس بس ناسيه اساميهم لابد اني أسأل وبرجع ارد عليك بأقرب وقت ممكن حبيبتي ... في هم صالونات مشهوورة يعني مثل العفراء في مدينة حمد وصالون نجلاء في عالي وصالون آنسة البحرين في سترة هذول مكياجهم حلوو والله بس كله عام ومتروس المكان لازم بالحجز ووحده اسمها ناريس بس ناسيه رقمها بالبيت هذي الله يقدرنا ونوصل الك المعلومه يا رب

مرحبا اختي روز مثل ما قالت اختي خليجية في صالونات وايد هني في البحرين مكياجهم حلو مثل العفراء ومثل نجلاء وسلوى وآنسة البحرين وفي لو تسألين تحصلين وايد الي يجون إلى البيت وبالنسبة لناريس احين فاتحة له صالون في السنابس مقابل مركز المعارض تقدرين تروحين له
وعندي رقم وحدة فاتحه له صالون في بيتهم ومكايجه كلش حلو روعة
واذا محتاجة إلى اي شي انا في الخدمة

مرحبا
اضيف على ما ذكر
صالون بنت سهيل في عالي مع خبيرة الممكياج
أميرة آل مبارك
تحياتي
الوديعة

مرحبا في صالون فاطمه شويطر بالرفاع شعر ومكياج روعه في وحده ام سلمان في عالي في فردوس بعد مكياج لمياء بوجيري مع فاطمه شويطر نفس الصالون وان شاء الله انالون اعجابج

صالون العفراء
صالون نجلاء
عايشه البلوشي
فردوس
ابتسام السويدي
سلوى

ياهلا فيك يااختي
وان شاء الله البنات يفيدونك
وسعدتُ بوجودك في المنتدى
والله يوفقك والى الامام
الصغيرونة

اضافة الى صالون
نسيمة في المحرق
والجازية في عراد

حبيت اضيف صالون اشرقت في الرفاع لنوره الكعبي المكياج عجيب
واذا تبين اعرف وحده بس مكياج اسمها فايزة تروح بيوت لكن مكياجها حلو
اذا تبين اي استفسار انتي تامرين بس
شكرا

هلا حبيبتي مبروك للممناسبة اللي عندج ان كانت اختج او اخوج المهم مبروك
سمعي مثل ماقالت وحده من الاخوات ان سلوى مكياجها معروف واول ما بتدشين الحفله بيعرفون ان مكياجج عند سلوى و نحلاء روعه و العفراء صار بالنسبة لي عادي بس في وحده اسمها ايمان تمكيج في المحرق مكياجها فضي ي يع و على ضمانتي و الله انه روع ه اذا رحتي لها بالمناسبة اللي عندج الكل بينبهر فيج و بتحسين انج غير غير و الحين هي توها فاتحه لها صالون و على فكرة ما تحصلينها بسهوله ناس وايد عندها و زحمه ة لازم تروحين من وقت
و صالون الاميرة بعد مكياجهم روعه و حتى الشعر يعجبني عند الاميرة
اما بالنسبة حق صالون نسيمه لا تفكرين انج تروحين لهم انا اشوف مكياجهم على طول حماتي كل تتمكيج عندهم ما يعجبني مو حلو و لا يتطور
حبيبتي اذا عندج اي استفسار راسليني على الخاص اذا كنت تبين الرقم مثلا