ممكن مساعده

ياربي
قهر بصدق..
والله ماادري شقولك بس 200 ماتكفي..
ياليت البنات يساعدوونك..

حبيبتي ممكن تأخذي عطر بحدود ال 150 وتحطيه بصندوق حلو وبداخله قش وورد مجفف ومايكلفك اكثر من 30 ريال
واذا عطرك ارخص اشتري بعد بوك (محفظه) وحطيها مع العطر بداخل الصندوق وغلفيها وكلها مراح تكلف اكثر من ال200 ان شاء الله
انا زواجي بالقعده بس جاني زوجي قبل اسبوع وسويت الهديه مثل ماقلت لك بس انا العطر اشتريته غالي من وجوه ب 257 ولقيته بمحل عطور عادي الكبير كمان بسعر 180 يعني انتبهي للمكان اللي بتشتري منه العطر
واخذت له بوك من الجلد الفخم من قزاز كلفتني 170 وتخيلي والله لقيت مثلها وقريبه منها امس بالسوق بمحل عطورات قالي ب70 ريال
يعني اهم شي اختاري المحل اللي بتشتري منه ولا تروحي للمحلات الكبارر
والله يوفقك يارب

قهههر
تسلفي من امك او ابوك 500 تراه تكفي..
وان شاء تلقين من يسلفك..

انا من رائي انك تشرين ساعه لانه بطول معه يعني مو مثل العطر شهر ومخلص ..
واذا كنتي من بريده فيه ساعات حلوات على 150 او170 وغلفيه واضيفي عليه عطر يكون رخيص تلقين عند مرايا عطورات حلوه ..
ملاحظه :عطورات مكياجي تلقينه مرايا ورخيصه..

حتى انا بقالي 15 يوم
وراحت عن بالي الهديه ...!!
الله يستر بس

مشكورات حبيباتي
شكلي بحط بوك وعطر بصندوق
بس اللي عندها افكار تقولي لاني بكرى ان شاء الله بطلع اسوق واشتريها والله يبارك ب 200 يارب

الله يرزقني الزوج الصالح واجي ابدع معكم هنا يابختكم ومبروك عليكم

امين أن شاء الله
ماتدور السنه الا وانتي ببيت زوجك
الله يرزقك الزوج الصالح يارب

حبيبتي البنات كفو ووفو مثل ماقالولك اخذي عطر وخذيه من محلات الجمله او محلات عاديه مو كبيره وحطي معه بوك كشخه مو ضروري ماركه او كبك للثوب يلبسه ثاني يوم من زواجكم ...
ورتبيها انتي بنفسك في صندوق واشتري الورود المجففه والتغليفه وبطاقه اكتبي عليها بخط يدك الاهداء....وحطي داخل الصندوق شموع بروايح عطريه تلقينها بلايف ستايل ...(سيتي بلازا)
وحاولي انك تاخذي من امك 100ريال على الاقل وحطيها على 200وان شاءالله ربي يباركلك فيها ...