مميز تعالوا شوفو كيف سويت هديه آغلى إنسانه

مدخل }
حشا لولا عشر خصك بها ربي عن الباقين ~
أبد ماكان من شافك تطيح الناس من عينك
دلع ولين وشقا وخوف دم ومخمليه عين
خجل ملح وجمال وصدق هنا للي تحبينه
مساء الورد ~
كيفكم صبااياا
زواج بنت عمي بعد كم يوم وحبيت اهدي لها شيء انا مسوياه
خاصه اني في الملكة اهديتها من نكتار واحيان اهديها اشياء جاهزه
قلت ذي المره بجرب واسوي شيء من يدي
واكيد ما استغني عن رآيكم عشان هيك صورت لكم اللي سويته بالخطواآات
طبعاً الهديه عباره عن ساعه واكسسورات ملونه انا وهي نحب الاشياء ذي
كمان تعليقه للجوال عشان تكشخ وتطقم في شهر العسل ~
بسم الله نبدأ ~
الادوات ؛
علبه على شكل قلب وردية
ورق كريشه عودي
ريش وردي
ورد صناعي وردي
غراء مسدس
الاكسورات اللي بهديها ,
لفيت العلبه بجزء من الريش وثبته بالغراء
كذا طالعه
بعدين آخذت غطاء العلبه وسويت بالكريشه على شكل فيونكه كبيره
ثبت فيها ورد وريش
غطيت قاع العلبه بجزء من الريش وثبته
رتبت الاكسسوار ولصقته
اخذت بطاقه من النت جاهزه سكرابز وكتبت عليه طبعاًكتبت اسمها واسمه واسمي تحت بخط صغير
وآخيراً طالعه بذا الشكل
اتمنى تعجبكم
اي انتقاد هادف بناء دون تجريح
مخرج }
ظلمتي من يجي بعدك يجون وكنهم مقفين
قهرتي من يجي قبلك لو أنه شمس تخفينه
يغاير كوكب الأرض السما الدنيا متى تمشين
يقول أنه حظيظ اللي تواضعتي تدوسينه