مميز يستحق المشاهدةكيف تصنعي اكياس هدايا من ورق المجلات

صباحكم / مسائكم فل و ياسمين
نورتو الموضووع ..
بوريكم كيف تصنعو اكياس الهدايا بورق المجلات ..
و كل الصور من تصويري معليش اذا ماكانت واضحه لانها تصوير جوال
يارب تعجبكم الطريقه
يلا نبدأ ياحلوين
الادوات :

• مجله < اي مجله بس يكون فيها ورق ثقيل ..
• شطرطون ..
• مسطره ..
• مرسمه ..
• خرامه ورق ..
• اي كرتون صغير فاضي عندك > فقط عشان تاخذي القياس ..

خطوات العمل :
اول حاجه نجيب المجله
طبعا اوراق المجله الي من جوا ماراح تنفع > لانها خفيفه فراح تنشق بسهوله
راح ناخد غلاف المجله الي برا عشانو سميك
بعدين راح نشق الخلاف
ونرسم بالمسطره خط مستقيم عن المكان الي شقينا منوو
ونبدأ نقص ..
وبكذا سارت حواف الورقه متساويه
دحين راح نستعمل الكرتون الي عندنا و الورقه الي قصيناها
نجي لشرح الصوره الي فوق :

1. راح نحط العلبه في وسط الورقه

3- نساوي الورقه من الجهتين
4- نطوي الورقه على حواف الكرتوون
1-نشيل الكرتون و نطوي المكان مزبوط << من الجهتين
2-نستخدم المرسمه ( قلم الرصاص ) ونضغط على الحواف عشان تنطبق مزبوط << من الجهتين
3-حيكون الشكل كذا من برا
4- والشكل من جوا بعد التطبيق
1- بعد ماطلعلنا الشكل بهذه الطريقه راح نتوجهه للخطوه الثانيه
2- وهيا انو نطبقها من الطرفين بشكل متساوي >> ممكن تستخدمي العلبه اذا تبغي
3-نستخدم المرسمه زي ماسوينا اول
4- نطبق الورق على شكل كيس ونحط في الجنب شطرطون > من الجهتين
1- هذا الشكل النهائي بعد ماحطينا اللصق ..
2- نجي ذحين نستخدم الخرامه .. نخرم خرمين جنب بعض فوق .. ونفس الشي في الجهه المقابله
اخيرا ممكن اننا نستخدم اشياء كثير عشان نخليها حبال الكيس
ممكن سلاسل
او خيوط
او ممكن لو كان عندكم كيس فيه حبلين تاخدوها وتحطوها
و هذا الشكل النهائي
يارب يكون الموضووع عجبكم ..
واستمتعتوا فيه ,,
وكل الموضوع هوا من مجهودي الخاص