من الشرقية حياك أختك عروسة ومحتاجتك بكم سؤال

1. ======================


2. مين فيكم تعرف خياط شاطر وأثق فيه اسلّمه الفستان بالخبر او الدمام ..


3. ======================


4. ======================


5. يكفيني بس كل بنوته تقولي لو حركه وحده اسويها له ..

صبآحكم ومسائكم رضا .. :ق1:
بنات محتاجه أعرف كم شغله .. وياريت تساعدوني ..
وأدري ماراح تقصرون الله يعطيكم الف عافيه ع الاهتمام ويجعلها في ميزان حسناتكم ..
انا مملكه وزواجي قريب ان شاء الله .. بس ابي أسألكم كم سؤال :

• ببجد نات ترى انا مخي إنفك .. انا زواجي بدآية شهر 3 عربي

يعني أبي اعرف موقعي المناخي في الحياه
أشتري ملابس صيف ولا اشتري ملابس برد << ادري إنسأل هالسؤال مليون مره
مو مستوعبه كيف بداية 3 بيكون برد وكلكم تقولون لي أقضي ملابس صيف !!!!!!!!!

======================

• فستان حفلة ملكتي صاير يسبح فيني .. فديتني صرت رشيقه الله يتتم علي وانحف زياده يارب ياكريم ياقادر على المُعجزات << جسمي علق مو راضي ادعولي

الموهم فستاني رغم انه سمبل وحرير بس مكلفني .. وخايفه أوديه عند اي خياط يضيقه لي وانكب لا قدر الله خاصه انه فيه من الجوانب تطريز يعني ابي خياط شاطر يضيق لي الفستان بدون ما يخربه او يخرب شكل التطريز ومن فوق برضه يبيله تضييق وفيه سيور سوارفسكي يعني ال ال عفسه

مين فيكم تعرف خياط شاطر وأثق فيه اسلّمه الفستان بالخبر او الدمام ..

======================

• بابا لقى إستراحه مره كوشخه عشان حفلة ملكتي وفيها مسبح وخيمه وسوالف سنعه .. لكن ما أكدنا حجزنا بس أبي أسألكم وش الاستراحات الكوشخه الي رحتم لها وعجبتكم يمكن تدلوني على وحده بسعر حلو .. صغيره تنفع لملكة عائليه جداً .. < المسبح عشان ناويين نطب فيه ع الفجر

تبعا في الخبر ولا الدمام .. << الأرجح كل استراحاتنا بحي الفيصليه بالدمام
======================

• انا ناويه اسوي كيكه وعليها صورة << مين المخبز الي يظبطها وتكون لذيذه وتستاهل الي بدفعه فيها .. !!!

======================

• مشغل النصف الاخر كثير مدحوا نانا في الميكب عندهم وكاريمان في الشعر حمستوني عليه .. وين موجود في الخبر ولا الدمام وإيش قريب منه عشان أدِلّه يعني

======================

• انا دايم أحف عند ( سروج أو روج ) < هذا محل الهنديات .. فيه وحده كنت أحف عندها وماشاء الله نظيفه وآخر مرتين رحت ماكانت موجوده ..

وبالمرتين الاخيره يحفون لي وارجع البيت انتبه انها ما نظفتني وارجع انا بنفسي انظف بقية الشعر .. والله انقهر ع الفلوس الي أدفعها ..
الي متعوده تروح هناك تقولي إسم وحده فيهم تحف وتنظف ما تأذيني وتبقي نص شعر ايدي ولا نص شعر ساقي .. لاني بروح لهم هاليومين ..

======================

• اليوم حضرتي يقالك ابسوي عروس وابحط خلطات بشعري .. بيني وبينكم ماما خبصت في الخلاط ( ثوم وبصل وجرجير وزيت زيتون ) عشان شعورنا انا وخواتي ولقيتها جاهزه قلت يالله خليني اشفق على هالشعر الناشف مسكين ولاني قربت اصير صلعه من قدام فأستسلمت للامر الواقع وحطيت الثوم والبصل :(

وتروشت وغسلت شعري بالشامبو 3 مرات والريحه صامله في شعري .. حطيت دهن عود حطيت عطر حطيت الي حطيت مالي أمل في ريحة هالثوم ..
بنات أنقذووني وش اسوي وش احط خلطه في شعري ولا أي شي عشان تروح الريحه .. كرهت نفسي
بس وقسم بالله يا شعري انه حرير ماشاء الله تبارك الله وربي في النعومه ولا أحلى مع اني كنت احط جرجير وزيت زيتون أو كنت احط موية البصل لحالها .. بس هالاربع مكونات مع بعض اول مره أجربها ..
======================

• بنات تكفون .. تعبت وانا أدور على مثل هالليقنز بكل المحلات العاديه وحقة الشرابات .. ومالقيت .. ابي نفس الموديل ونفس خآمة القماش الي تجي ستريتش وشوي ثقيل وفيه لمعه خفيفه ..

مابيه قطني وثقيل ولا أبيه شفاف وخفيفه ويبرق :( ولا ابيه جلد ..
بليز أحد شافه في مكان أو محل معين !!
مثل هالقماش
ومثل هالموديل ..!!!!!!!
======================
وآخر وآهم سآلوفه

• بعلولي العزيز جايني ان شااء الله هالويكند .. وانا من مبطي ما شفته

وطول الاسبوعين الي راحت كان بيجي بس تصير ظروف قاهره ..
الموهم انا قلت احسن خيره .. عشان أرتب لزيارته واسوي له ( مفاجعات ) وحركات دلع وسوالف هالبنات السنعه ..

يكفيني بس كل بنوته تقولي لو حركه وحده اسويها له ..

على فكره انا وزوجي حيل نمون على بعض وهو يحب هالحركات يعني لا تقولون لي بيفهمك غلط وحلاة البنت بحيائها ترى اسوي له حركات خنفشاريه بس برضه مسويه البنت الدلوعه الي تستحي بس اسوي له مفاجعات لانه يحب هالسوالف
الموهم من التحضير غير المفاجئات
سويت له اخر مره جاني على اطراف كاسة العصير سكر وكان شكل العصير مره حلو حتى هو علق انه الحركه مره خقق ومستانس يتأمل بالكاسه << فديته قروي
طبعا غير القهوه والحلا والشاهي والموالح .. ابي افكار جديده ..
ماحبيت فكرة الكبتشينو والكوكيز .. ابي اشياء ثانيه ..
انا في بالي .. بطلب من وحده تسوي فطاير ومعجنات وورق عنب بالبيت << طبعا ابي منكم ارقام وحده طباخه شاطره في الشرقيه هذا مع العشا
وبجهز على طاولة العشاء شموع ومره خاطري اسوي الحركه حقة ( سطل الثلج وبوسطه علب العصير الي يجي شكلها يشبة الشمبانيا )
هذا الي ببالي .. عاد انتم قولوا لي وش الحركات الحلوه اي شي حتى لو بسيط او تجهيزات في المجلس << غير شموع والاشياء المعروفه
او حتى العاب حلوه .. < يعشقها قمة الرومنسيه عنده تشغلين له شمعه :ق1:
ولأنه بجد كتوم وباطتن تسبدي ما يقولي على الي يحس فيه الا إذا أنا سألته
نفسي اذا جاني العب معه لعبه تطلع كل ابو مشاعره ومشاعرينه وما يجول في صلعته الجميله أقصد الي يخطر في راسه
======================
وبس وأخيرا ربي فككم مني بس بليز لا تطنشوني الي تعرف جواب واحد لأي سؤال لا تقصر