من بعد 4 سنين كل شي يتغير صدمة اليوم

شلونكم يا بنات
خليني أقولكم الصدمه اللي صارت لي اليوم :
اختي تشتغلي في مختبرات في مستشفى
و سمعت عن دكتور شاطر بالمستشفى اللي هي فيها ( حكومي)
و قالت لازم تجين تتعالجين عنده
قلت : لا .. أنا منتظره اتعالج في مصر ان شاء الله بعد 3 شهور لما تجي خالتي ترجع لمصر
لكنها قعدت تزن علي هي و امي
و رحت له تقريبا الشهر اللي طاف و طلب مني تحاليل
و قال : لو المشكله من زوجج راح أعطيج منشطات و أعمل لج تلقيح صناعي
انا فرحت
لانه انا و زوجي فينا مشاكل ... و الحمدلله راح يسون لي تلقيح ب بلاش ههه
اليوم رحت للموعد و معاي كل تحاليلي اللي طلبها ( ملاحظه : كان فيني ضعف تبويض و هرمون حليب و زوجي فيه ضعف بسيط)
لكن لما رحت له اليوم ... كل شيء تغير
تخيلوا .. قال الدكتور : انتي مضبوطه و زوجج فيه نشوهات كثيره و ضعف بالعدد لكن الحركه جيده
سبحان الله ... الحال تغير
و قال لي : ما راح أسوي لج تلقيح صناعي
قلت : ليش
قال : ما راح ينفعج الا اطفال الانابيب
راح أحولج على مستشفى ثانيه و هم يسون لج العمليه
لكن طلعت المستشفى ... اني اخذ دور و انسى اني اخذته
يعني تطول جدا في مواعيدها
ل درجة اني سمعت انه واحد شخصيه يقرب لوزير الصحه ... أنتظر دوره لعملية اطفال انابيب في هذي المستشفى لمدة : سنه و نص
تخيلوا !!!!!!!!!!!!!!!!
يعني ما احط امل اني اسوي فيها شي
لكن لزيادة التأكيد راح أراجع لفتره بالمستشفى
عشان اكون سويت اللي علي
و ما يقولون نفس كل مره : دلوعه و ما تتحمل العلاج
تخيلوا يا بنات .... من أول ما عرفت المستشفيات ... كل ما اروح لدكتور يقول لي : الحكايه سهله و راح تحملين الشهر هذا
لكن بعد 4 سنين يقول لي الدكتور : ما راح ينفع معاج الا اطفال الانابيب
ياه ... كان وين الكلام هذا من قبل 4سنين ؟
ليه ما اختصروا علينا الطريق و وفروا فلوسنا ؟
بس ان شاء الله انها خيره
طبعا ما اقولكم عن نفسية زوجي .... هو ما يبين لي لكني حاسه فيه
مو راضي يزعلني لان اليوم ذكرى زواجنا ... كملنا الاربع سنين
يا رب تعوضنا ولا تحرمنا
يتبع ::::::::::