من بعد المغرب الى الفجر وفمي مايتسكر اش هذا وش صاير

فراشه تركواز

15-01-2022 - 05:12 pm

يابنات خلاص قربت اوصل ال120 وش اسوي كل يوم اكل على الفطور كل شي ماخلي شي وبعد ساعه اكمل على الباقي الى أذان الفجر وربي بموت خلاص واحس من زود قهري أكل أكثر وكل يوم اقول بكره ابدا بكره أبدأ قربت اوصل 120 ونا الان 118 بموت خلاص
من بكره اللي هو الخميس الى آخر رمضان بمشي على نظام انا بسويه من خبرتي وكل يوم بكتب لكم وش ناكل يالله يابنات اللي تبي تقولي وان شاء الله باذن واحد أحد نحط يدنا بيد بعض للآخر

التعليقات (9)

so0oso0o9

15-01-2022 - 08:25 pm

مرحبا فراشه تركوااز
مايصيير كذا هذي من القعده بالبييت وماشااء الله الاكل اللي ينحط عالفطوور وااجد وكلنا كذا برمضان نجلس ناكل من اذان المغرب الين اذان الفجر
بس انتي قللي من التلفزيون واشتغلي نفسك باي شي تراويح ولا اعملي رياضه ولا السوق بس لاتجلسين انتي والاكل والتلفزيوون انتبهي هذي غلطتي انا السنه اللي فاتت بس ماكان برمضان كانت ايام عاديه والله وزاد وزني
تحياتي

المكاوية السمرا

15-01-2022 - 09:26 pm

الله يكون في عونك ويساعدك
وعندي مشكلة مشابهة لمشكلتك وهي اني ايام تجي احس بجوع غريب وأيام تعدي أحيانا اسابيع ما اكل غير نواشف
وتلاقي وزني طالع نازل
الله المستعان

فراشه تركواز

15-01-2022 - 10:27 pm

مشكورين سوسو ومكاويه على الرد بس والله المشكله مو في القعده لاني بقوم واتحرك المشكله فيا انا ماني قادره اقاوم الاكل وكمان لاني تعبانه نفسيا من جسمي باكل اضعاف اضعاف ابغا بنات معايا ابغا حماس على الله وعسى نقدر نساعد بعض ونسوي شي وخصوصا اذا كانو نفس حالتي فوق الميه الله يبعدها عننا اوف والمصيبه عمري 26 سنه :(

دمـ ع ـهـ

15-01-2022 - 11:28 pm

فراشه والله انا مثلك وش رايك نسوي لنا نظام انا وياك وياويل اللي تخربه ونشوف مين تنزل اول انا راح اكون متابعه معك يوميا وش قلتي ترى عندي نظام رهيب
انتظر ردك

دلع طفوله

16-01-2022 - 12:29 am

الله يوفقنا يا بنات

فراشه تركواز

16-01-2022 - 01:30 am

هلا والله دمعه ..شوفي ياعسل انا من النوع اذا قلت بلتزم بنظام معين وربي اعرف نفسي اخرب من أول يوم لكن انا عندي فكره مره ممتازه خلي النظام بكيفنا شوفي الى الان انا وانتي اللي راح نبدأ عشان كذا يوم انتي تحطين جدولنا ويوم انا ...وش رايك؟؟؟؟ وبعدين قوليلي كم وزنك؟؟؟ انا طبعا الحين 118:(

فراشه تركواز

16-01-2022 - 02:31 am

دلع طفوله
تسلمين ياغلاهم..ويوفقك يارب...

فراشه تركواز

16-01-2022 - 03:32 am

المهم انا بقوم انام مره تعبانه....ووقبل ماانام وانا على السرير اباتخذ قرار في داخلي وعهد مع نفسي اني بكون جاده هالمره... وبكره جدولي بيكون كالتالي واللي تحب تشاركني حياها واذا مابتشاركوني انا برضو راح ادخل كل يوم واقولكم وش سويت...
الفطر بيكون اول مايأذن من كاسه الى كاستين مويه وبروح أصلي.. وأرجع وباكل شمامه كامله وخلاص...الساعه 11 بسلق بيضه مع ربع رغيف عيش حب صغير جدا وشريحة طماطم.. وقبل أذان الفجر بشرب كاسة لبن كبيره ومويه وبصلي وأنام ......... هذا نظامي بكره ....يالله يابنات تعالو نساعد بعض ونكون صاملين هالمره شوفو كيف رمضان قرب يخلص وحنا بدال ماننزل جالسين نزيد...ارجوكم اتخذو قرار نهائي ومن داخلكم قبل ماتدمرنا السمنه....

زهرة الكون

16-01-2022 - 04:33 am

الله يعينكم ياارب
بس عطوني من شهيتكم المفتوحه ولو ربع
شهيتي كلش مسدوده الله يعين بس

ادخلوا اعطوني رايكم في سر لتنحيف الكرش←
حبوب خل التفاح→