من بعد مزح و لعب بالدآخل تجربتي مع أولى ثآنوي بالتفصصيل

1. وكيف تفرقي بين الفهرس والفهرسة ..

السلآم عليكم وَ رحمه الله وبركآته
يَ بنآت آنآ حبيت أكتب تجربتي عشآن أفيد البنوتآت المحتآرين
وآنبههم على بعض الأشيآء اللي حصلت لي ..
آولى ثآنوي من أكتر السنين اللي مرت عليآ سهلة
والحمدلله من نآحيه الموآد ، نآس كتير خوفوني أنو صعبه
ومني عآرفه إيه والله يعينك
بس بعد مآجربتهآ شفت أنو موآدهآ غبية بشكل !
آنصحكم يآ بنآت تزآكروآ من فم سآكت حتمر عليكم أ شياء مآل آمهآ دآعي ّ !
بلاش تدوشو نفسكم زي مَ عملت !
وحطو فبآلكم أنو السنة فيهآ ضغط مو طبيعي !
إحنآ آبلاتنا كآنو يآخدو من حصص النشآط خصوصاً في الفيزياء والكيميآء
بس الشي الحلو إنو كل دروس الفيزياء زي بعض ! اللهم إختلاف التمآرين
طبعاً الموآد اللي حتكون معآكم كتيره ! رح آقولهآ وآقول بعض الملآحظآت عليهآ
وطبعاً منهجي مطّور مو مقررات تطوير يعني بس الكتب الجديدة في الموآد العلمية
1 | الموآد العلميّة :

• الفيزيآء : طبعاً دي المآده جميلة وممتعه

بس لو راح عليكِ شي خلآآص آحلمي تفهمية بعد كدا !
آنصحكم ركزوآ من قلب وزآكروآ آول بأول وترى كل الدروس مرتبطه ببعض
والترم الأول أسهل من التاني مع انو الفصول كانت أكتر
أحفظوا القوانين وطبقوهآ وكل حاجه حتمشي زي العسسل ..

• الكيمياء : الترم الأول كآنت سهلة سهلة لدرجة كنآ نزآكر فالحصه الي قبل الاختبار

بس طبعاً كنا مركزين لمآ تشرح الأبلة وفآهمين إجمالاً كآن الترم الأول
مدخل بس ! جينآ الترم التآني عرفنآ إيش يعني كيمياء
والسبب إننا مآ سرنا نزآكر آتعودنآ على سهولة الترم الأول ..

• الريآضيآت : كآن حلو وخفيف بس طفشنآ من كتر الاختبآرآت الدورية !

في موقع حلو في شرح وحلول الكتآب ممكن تستعينو فيه ..

• * ملآحظة : رآجعوه عشآن في الموقع بعض الأخطآء

ودآ الرآبط :

• الأحيآء : مآدة عآدية زي العلوم بالضبط ..
• الإنقلش : سهل للي تذآكر أول بأول ..
• الحآسب : العملي سهل والنظري حفظو كتير ..

2 | موآد الدين :

• التوحيد : سهل وحق المتوسط مكرر !
• الفقة : الحدود والقصاص اشياء سهلة بس فيهآ حفظ ..
• الحديث والثقآفة الإسلامية : قسم أحاديث وقسم ثقافة

عن اليهود وعن الكذب كان ممتع صرآحة ..

• القرآن : زي العآدة حفظ وتقييم ..

3 | الموآد الأدبية :
طبعاً أنا مآ آحبهآ من الأصل

• المكتبة : مآدة مآلهآ دآعي عن الفهارس وايش هيا المعلومات

وكيف تفرقي بين الفهرس والفهرسة ..

• النحو وَ الصرف : زي القواعد بالضبط !
• البلاغة وَ النقد : يعني سهلة بس كلامها كتير !
• الأدب العربي : زي النصوص وفية دروس عن تآريخ الأدب ..
• الجغرآفيا : كان في شوية فلك والتآريخ الجغرآفي

وآشياء عن القياسات والمساحه كآن بايخ وممل
بس لاتخآفوا رح تمشو فيه وتحسسوه سهل

• التآريخ : معآرك وآشياء خفيفة مآشي حآلو يعني !

4 | مآدة العملي :
تختآري بين التربية الفنية أو التدبير المنزلي أو التفصيل والخيآطة

• أنا عن نفس أخترت التفصيل والخيآطة عشآن مآ آحب الفني

ومآلي بالرسم ، والتدبير المنزلي عارفين عناصر الغذآء وطبيخ
والقروب دآ اليوم عليه الغسيل والتنضيف !!
التفصيل الترم الأول عملنآ تنوره لزيزه والتآني آشتغلنآ بالأبليك والكروشية
لآيفوتكم الكروشية يَ بنآت فن رائع بس صعب
طبعاً زي مآقلت السنة فيها ضغط كبير بسبب كترة الموآد
نصيحه قد مآتقدروآ آبتعدوآ عن الغيآب !
اللي يروح مآيتعووض !
وترآ هيآ زي أي سنة درسنآها من قبل اللهم توسع بالموآد !

• * ملآحظة مهمة جداً : اللي حاطة ف بآلهآ تدخل علمي تزآكر وتشد حيلهآ

كتير من صحبآتي رفضت الأدارة تدخلهم علمي لأنو نسبهم وآطية
وكدآ نكون خلصصنآ من آولى ثآنوي
وأتمنى لكم التوفيق ، وسنة حلوة يَ رب

• رجاءاً النقل بالمصدر : Sos <3 @ alfrasha