من دبلة الخطوبة إلى يوم الزفاف لأجمل عروس

لكل فتاة تترقب ليلة العمر .. الليلة التي تتألق فيها نجمة أولى لحفل زفافها
اليك هذا الملف .. بمساعدة مني عضووكل من تساهم هنا ليتضمن كل شيء .. من الاستعداد النفسي والجسمي لليلة الزفاف .. وانواع الطعام المناسبة والى فستان الزفاف الملائم لشكل جسمك
والماكياج الأجمل للعروس .. وتصفيفة الشعر الملائمة والاكسسوارات التي تتماشى مع فستان الزفاف و .. و .. و ...... !
اتمنى من كل واحدة تتواجد هنا أن تضيف شي لو بسيط ممكن أن يفيد العروس
بانتظاركم
يادبلة الخطوبه .. عقبالنا كلنا
كان ياماكان في قديم الزمان .. كان فيه وحده تقطّر حكمه << اي بالحيل .. وتوته ياتوته وخلصت الحتوته
رح ابدأ من قبل الزواج " بما ان الموضوع زواج "
بعد مايتقدم الخاطب .. ويبدأ ابو البنت واخوانها بالسؤال عنه وعن صلاته و اخلاقه
ومنهم خواله ومن يصيرون و وين يشتغل و مين هم اصدقائه
وبعد ماتتم الموافقه الأولى عليه
ويخلص المهم
ويجي وقت الشوفه الشرعيه " الأهم ".. ويبدأ القلب يدق صدق << يعني قبل يدق استهبال
هنا يكون الشعور بالراحه النفسيه و الهدوء
يوم الملكه
اول شيء بتحمل همه البنت .. فستان الملكه وطلّتها
اهم حاجه ..
اختاري لون يناسب بشرتك .. وموديل يرسم جسمك .. وميكياج يبرز ملامحك الحلوه ..
الألوان الدارجه في فساتين الملكه " الوردي بدرجاته / الذهبي / البيج الداكن شوّيه / الأخضر العشبي "
وبيوم الحفلة .. خليك رايقه قد ماتقدرين
بعد كذا الأفضل البنت وخطيبها يحددون ايام يزورها ..
بعضهم يحبون يطلعون مطاعم وغيره " بوجه نظري خلوها بعد الزواج "
وتبدأ تسأله اسأله اختباريه " حتى تفهم شخصيته وافكاره "
وتكلمه عن نفسها وايش تحب وايش تكره
حتى تكون واضحه وصريحه من البدايه
ولا تخلي .. لاازم تنبسط بايام الملكه وتفرفش
وخلال هالأيام تبدأ تجهز لزواجها وليوم فرحها
برأيي قبل لا البنت تبدأ تجهيز تشوف الميزانيه اللي بتصرفها
وتحدد مشترواتها على اللي عندها
وهنا جدول عملته لكم .. محاكاه لبعض مجلات العرايس الأجنبيه " فكره مستعاره "
خذي قد حاجتك ولاتكثرين و برأيي ..
مجوهرات تناسبك وعلى ذوقك أو ساعه عليها القيمه
وشنطة مكياج من MAC مرره مميزه وعمليه وتصلح للي توها تتعلم او البروفيشنال و معها كل الفرش المهمه
الميكاج خذي الألوان الاساسيه وفيه مواضيع كثير في المنتدى تفيدك
العطور .. فيه ناس تحب تكثر عطور .. وانا اشوف خلي لك ريحه مميزه بشهر العسل .. وبعد شهر العسل غيري هالريحه حتى لو حبيتي بعدين ترجعين الذكرى
الملابس سواء تاييرات فخمه او تاييرات سبور
فساتين السهره " على حسب مناسباتك ولاتكثرين (لان بعض البنات تحمل بسرعه و تخسر فستان تعبت عليه)
الجلديات من شنط وجزم " تكرمون "
قبل 3 شهور من الزواج
تبدأ الحجوزات
من كوافير / تنسيق الحفله / طقاقه / صالة الافراح بالنسبه لي احب وافضل زواج البيت
حافظي على برنامج غذائي و برنامج لجسمك ولبشرتك
وماننسى روحك وشخصيتك الطيبه .. غذيها بالمفيد
و تذكري اختي انك خرجتي من العش الذي فيه درجتي
الى وكر لم تعرفيه .. وقرين لم تالفيه
اصحبيه بالقناعه والسمع والطاعه
اهدئي عند منامه و عند طعامه
لا يشم منك الا اطيب ريح ... و لاتقع عيناه منك على قبيح
كوني له امة يكون لك عبدا
وانصحكم باشرطة الدكتور جاسم المطوع
الطريق الى السعادة الزوجيه " سلسه للزوجه وسلسه للزوج "
قبل اسبوع من يوم الفرح
تأكيد حجز الطقاقه
تأكيد حجز موعد الكوافير
تأكيد حجز محل الورد او منسق الحفله
لازم تتأكد ان فستانها جاهز ومكوي والطرحه كذلك
تعمل البديكيور والمنكيور ومساج لوجهها حتى يزيل الارهاق والقلق
× فيه ناس تحب تعمل ليلة حناء .. ومن جد حركه دلع .. يجون اهل العروسه واي وحده حابه تتحنا وينقشون يديهم وسيقانهم و واحيانا الظهر ونفس الوقت العروسه يحنونها ×
تشيك على شناط السفر " وخلاص تشطب على شناطها "
فيه ناس يقولون لاتكثر شنط معها حتى مايصير الوزن زايد
لكن انا اقول .. خذي اللي تبين ووسعي صدرك
لاتنسين "تآخذين نسخ من صور الجواز / بطاقة العائله / الكريديت كارد " وتحطينهم في ثلاث شنط مختلفه
يوم الفرح
تضبط شنطة يدويه متوسطة الحجم و تحط فيها (شنطة ميكياج صغيره / عطر / حلويات بنكهة النعناع / كلينكس/ مناديل معطره وكمان نسخ من الجواز وو)
الأفضل تكون البنت مرتبه هالشطنه حتى ما تتخربط وتنسى شغلات مهمه
تيك ات ايزي
يوم في العمر ما رح يتكرر وبتبقى لك ذكرياته ومواقفه
حتى في الأكشن اللي فيه .. روقي واضحكي
ولاتنسين تقرين الأذكار على نفسك
والله يوفقك ويتمم عليكي بالخير
بانتظاركم