من علامات ملل الزوج من زوجته تعالو اقرو وساعدوني00

الله يفرج همك يارب ويصلح بينكم والله يكتب الي فيه الخير لكم يارب

حبيبتي مافي حياه مثاليه ومافي وحده بتجيك وتقول انا عايشه حياه افلام
لابد من المشاكل او من البرود العاطفي ....>>ولله الحمد مابعد جربتها وجعلني ما اجربها يارب....
بس اذا كنتي تحبينه وتشوفين انه يحبك وحنون معك لاتخربين بيتك ولا تشوفين السلبيات فقط وتخلين ايجابياته
واذا بجد ما ارتحتي معاه امسكيه وصارحيه وقولي اللي بقلبك له لا يصير بينك وبينه حواجز وبعدين ياقلبي اذا كنتي شاطره وذكيه بتعرفين وشلون تكسبينه وتقربينه منك لا تفكرين بلأنفصال ليش ماتفكرين تتغييرين تتشكليين ع اللي هو يحب او يبي ترى الزوج مثل البيبي عطيه اللي يبي ودلعيه وصدقيني بحبك ويدلعك مثل ماتسوين معاه هو بيسوي مثلك
واخيرا...الله يعطيك لين يرضيك يارب
موفقه ياقلبي

قبل لاتتاخذين اي قرار وتندمين حولي تثقلين عليه وفي نفس الو \قت خليك مدلعه ترى الرجال مايبغى الحرمة اللي بس تهتم بالبيت والتنظيف الرجال يبغى الحرمة اللي تهتم فيه وتدلعه وتتدللع عليه هذي يموت فيها طول الوقت البسي له وتشيكي واغريه وخليك واثقة من نفسك قدامه وارقصي له وسويله ليله ليله ولا في الاحلام يعني غيري جو ترى الملل يجي لان اليوم نفس امس وامس نفس قبل امس ولاتتسرعين ترى والله تندمين ماحد يشيل احد خليلك عالاقل اسم ان عندك رجال وموفقه حبيبتي ودعواتك لي ياقلبي

انتي تقولي صرح لك بالسبب الاول بدايه حياتنا
ايش هو؟؟؟؟؟؟؟؟؟؟؟؟؟؟؟؟؟؟؟؟؟؟

ياقلبي لو سمعنا الكلام اللي فوق كنا كلنا مطلقين هادا كلام فاضي مايسير الا ازا انو سار الزوج عبد لحرمته وهادا شي نادر وازا كان عالكلام كل الرجال كلامهم قليل مع زوجاتهم بس انتي تحيني الفرص اللي مايكونو عيالك فيها موجودين وهدوء والله يقدملك اللي فيه الخير

حبيبتي ارضي ربك بيرضى زوجك
خلي كل همك رضا ربك راح يرضي عنك الملائكة والناس وزوجك أولهم
ماراح تصدقين كيف راح يحاول يرضيك ويسعدك
صلي وادعي ان الله يرضى وعليك و بس
الله يوفقك فحياتك ويصلح حالك

حبيبتي انت فاهمه الموضوع غلط
ركزتي على نقطه وحده وسويتي فيهاا قضيه
هما قصدهم اذا اجتمعت كل ذي الاشياء في زوجك اعرفي انه متملل
مو نقطه وحده
ونصيحه لا تفكري وامسكي بيتك

حبيبتي الازوج هم مملين مو احنا يالحريم لاتشكين فابكي

نتكلم في البدايه عن النقاط اللي كتبتيها
اولا/ من متى الرجال كان كثيرالكلام مو معروف الرجال بسكوته والمرأه بكلامها
ربي خالق البشر باساليب مختلفه وتعابير مختلفه وهو يعبر او يشاركك باسلوبه الرجولي واحنا الحريم مانرضى بأي اسلوب غير اسلوبنا انا اعبر له بالكلام اذن هو لازم يعبر لي بالكلام لا ياحبيبتي انتي اطلعي على كتب تخص الرجال وتلقين تكوين الرجل يختلف عن المرأه واول هذا الاختلاف في طريقه تعبيره
ثانيا/تكبيره لاخطاءك في ناس سوا كانو رجال او نساء من اسلوبهم النقد على الصح وعلى الغلط وهذا يدل على ان زوجك من النوع اللي مايشوف احد احسن منه واذا قلتي له شي زين يحاول ييب اللي احسن واذا ماقدر قال هذا االلي قولتيه خطأ ومهما كبر اخطاءك انتي صغريها وقولي اعذارك المقبوله
ثالثا/وجلوسك عند اهلك ويبيك تجلسين كثير هذا وعلى حسب تفسيري للموضوع انتي اللي عودتيه من البدايه انك تجلسين عند اهلك مده طويله ويوم تبين تجلسين عنده هو خلاص تعود على غيابك الطويل يعني هالغلط انتي السبب الاول فيه وحاولي تقللين روحاتك لأهلك وماتطولين وشوفي كيف يتعود على وجودك ومايبغى فراقك
رابعا/خروجه مع اصدقاءه يمكن ياعسل يلاقي عندهم اللي مايلاقيه في البيت مثل :الهدوء - المواضيع اللي يتكلمون فيها- حاولي انك تعرفين وش اللي يحبه زوجك ويعجبه الكلام فيه اي شي سواء كان رياضي او فكاهي او من اللي يحبون الافلام واي نوع يفضل الاكشن ولا الدرامي والا الرومنسي الخ الخ وحاولي قد ماتقدرين اذا طلع مع اصدقاءه انو مايرجع الا والاولاد نايمين يرجع يلاقي البيت هادي وانتي لابسه لبس النوم وتنتظرينه بريحه عطر تذوب وخليه يتعود على هالحال يصير والله متلهف يرجع للبيت بسرعه ومو اول ماتشوفينه جاء تروحين تتلصقين فيه لا التغلي مطلوب في اغلب الاحيان مع الرجال مايحب الحرمه اللي تتلصق فيهمره تحضنيه ومرات خليه هو يجي يحضنك
خامسا/زي ماقلت شكل زوجك من النوع اللي يحب التلفزيون والالعاب الالكترونيه شوفي وش يحب يشوفه في التلفزيون وحبيه معاه والالعاب الالكترونيه وش يفضل اشرطه واشتريها له وفاجئه وشاركيه يااما بالمشاهده او اللعب
سادسا/المصروف اغلب الرجال ماعندهم فكره عن متطلبات الحريم بس انتي لازم يكون عندك اسلوب في الطلب ياتقولينه بدلع او اذا شفتيه مبسوط منك بقوه او اطلبيه باسلوب انو يعني عادي اذا عندك اعطيني والا اذا كان الطلب كبير اجلها متى مايصير عندك وشوفي كيف يطلع لك الفلوس
سابعا/ انتبهي تحطين هالفكره في راسك استحاله الرجال يعاشر وحده وهو مايحبها ولو ذره من الحب لانو اذا ماحبك وش اللي حاده يعاشرك وهو اذا شافك تفكرين بهالطريقه راح يسترخصك ويحس انك حتى انتي تفكرين بهالطريقه لا حبيبتي اذا تاخر اطلبيه لو برشة عطر او بلبسك لقميص النوم ابد لاتخلينه يحس انك ماتحبين الجنس والرجال مايسحره الا هذاك الشي وانتي تعرفين زوجك اذا يحب هذا الشي ولا لا ومن هنا يبدا شغلك
ثامنا/غيري جو البيت وغيري طبخاتك غيري ديكور البيت غيري بخورك او الفواحه غيري في شكلك قصه شعر او طريقه اللبس مهما كان شكل جسمك في اشياء بالسوق تناسب كل الاجسام
تاسعا/مايرد على الاتصال اذا كان اتصالك محتواه وينك؟ وليه تاخرت ؟ولاتنسى تجيب الشي الفلاني!
اكيد ماراح يرد واتحداك مايرد على اللي تساله وينك وحشني حضنك ؟منها تسألينه ومنها تتغزلين فيه
ولا مو كل مره تتصلين ارسلي له رساله مابغيت ازعجك باتصالي يمكن وقتك مايسمح بس تراك محبوبي الاول والاخير
واخر شي اذا كل وحده تبغى تنكد على نفسها وتبغى النكد يدخل بيتها بتشوف كل هذ الامور تسير عندها بس تعوذي من ابليس ومافي اللا كل خير لان كل بيت في مشاكل وكل ماكانت المشكله كبيره كان التسامح بعده احلى ولا تنكدي على نفسك وتخلي بيتك بيت النكد وفرفشي ومن هاللحظه حاولي تصيرين وحده ثانيه ومهما كان اسلوبك غيريه
ان شاء الله اكون افدتك ومو طولت وشرحت عالفاضي واتمنى اسمع عنك اخبار حلوة وتسر
وعلى فكره كلنا نجتهد في ارضاء ازواجنا والله يعطينا على قد نياتنا ويعمر بيوتنا بالحب و الانس والرضا
ودعواتكم لي بالقناعه