منتج روعة من كلارينس لقبل المكياج يخلي البشرة مخملية

السلام عليكم فراشات
هالمنتج الروعه اللي من جد يخلي البشرة مخمل
وينحط قبل المكياج يعني قبل كريم الاساس وفوق الكريم المرطب
وهو من ماركة كلارينس
اسمه Clarins Instant Smooth Perfecting Touch
علبته صغيرة بس هو تحتاجين منه شوييه يعني مو تلطخ وسعره ما اذكره بالضبط لاني ماخذة اغراض وايد وماحفظت الاسعار بس مو غالي
بالنت سعره $27.
هو وظيفته انه يوحد ملمس البشرة اذا عندك جفاف او حفر او حبوب بتصير البشرة ناعمه والمكياج بيطلع روعه
وترى بعد فية كريم مرطب للنهار روعه وفي منه لليل
بالنسبة لكريم النهار اذا استعملتيه بتحسين بنعومة وترطيب حلو وحتى ملمس البشرة يصير حلو
واذا حطيتيه تحت هالمنتج وفوقهم كريم الاساس بيطلع مكياجك شي
عيب كريم النهار ان مافيه حماية بس ملمسه روعه ويرطب بطريقة حلوة
اسمه
Clarins Multi Active Day Cream Gel
لاحظوا انا اتكلم عن الجل لان في منه كريم مو جل والجل يصلح لكل انواع البشرة
اتمنى المنتجات تعجبكم
منقول