منتج لإنبات الشعر وانا مجربته والحمدلله

مرحبا خواتي الفراشات الحلوين
انا شعري وخصوصا من قدام خفيف حيل لدرجة اني بالأعراس اجيب شعر من ورا
قذلتي وازيده عليها لان المنظر ما شالله بديع بعد ما كان شعري كثيف بس يالله
المهم ما في شي نفع معاي اقط فلوس الدنيا لغاية ما استخدمت
امبولات فيجي
وهي من الصيدلية وسعرها بالكويتي 12 دينار واحيانا بصيدليات ثانية القاها ب11 دينار
المهم السعر ما يهم دام انه فيه العلاج باذن الله وانا اقولكم عن تجربة جد وكل خواتي لاحظوا.......
الاستخدام:
اول شي لمدة شهر ونص او شهرتستخدمينها يوميا وبعدين الاسبوعين اللي بعدهم يوم وترك وبعدين بالاسبوعين
اللي بعدهم مرتين بالاسبوع وهكذا ليما توصلين لمدة مرة اسبوعيا وعلى فكرة مالها ريحة كلش
وهذا اهم شي لاني اداوم بالجامعة وانتوا عارفين مع الحر ماشالله تطلع الريحةاللي تجنن من بعض منتجات الشعر
وبعد معلومة ان كل علبة فيها12حبة يعني لما توصلين لمرحلة مره كل اسبوع راح تقعد معاك العلبة
3 شهور........
والله يشهد على اللي اقوله بدأ الشعر ينبت من أماكن كانت فاضية صحرا قاحلة والحمدلله الحمدلله الحمدلله ..
تقبلوا فائق احترامي لكن جميعا......