منقطعه عن الدارسه بحاجه الى مشورتكم

مرحبا بنات
كيفكم
بنات أنا محتاره في أمري وضايقه فيني الدنيا وقلقانه والله العظيم إني 24 ساعه تفكير وهم وقلق وتوتر وخوف وحيره
بنات أنا صارلي سنين موقفه دراستي لأسباب خاصه .... والحين أفكر أرجع لها لأني خايفه على نفسي أحتاج لها مع هالزمن العجيب ... خايفه على حياتي على مستقبلي على كل شي
أنا درست أولى ثانوي ووقفت بدون سابق إنذار << قدّر الله وماشاء فعل
شرايكم أكمل ؟
طيب أحس نفسي خايفه وكل شي مستنكرته ؟
حاسه كل شي علي صعب ؟
لا دراسه لا مذاكر لا صديقات .... كني بسافر مدينه لحالي ماعرف عنها شي ابد ولا معي احد
حاسه بروعه بضيقة صدر .....
كان نفسي أدرس أهليه يمكن أهون علي ( لأن دراستها سهله ) فرق عن الحكومي ، بس ما الله كتب
طيب بنات وش أسوي دقيت على المدرسه قالت المديره مانقبلك تدرسين لا انتظام ولا منازل لأن صار لك تاركه أكثر من سنه ، تقول خلي ولي أمرك يجيب خطاب من وزارة التعليم .... ذيك الساعه نقبلك إن شاء الله
آه بس المشكله أبوي مشغول ويومه سنه ،،، قلت له وقال إذا فضيت رحت للوزاره .... << ماودي تروح علي هالسنه دام الدراسه جت فبالي ..... يارب تسخر لي والدي
اهئ حاسه نفسي ضايعه خايفه ....
طيب إذا أبوي جاب لي الخطاب وقبلتني مدرستي الحكوميه .... كيف نظامهم الحين .... وش تغير فيها بخصوص الدراسه ؟؟
(( انصحوني ، أكمل دراستي !! ))
(( ريحوني ، أولى ثانوي صعبه وإلا وشي ))
= معليش يابنات لا توآخذوني والله غصب علي لو انتو بمكاني عذرتوني =
=من فرج عن مسلم كربة من كرب الدنيا فرج الله عنه كربة من كرب يوم القيامه =
يارب الناس بالعطله تتهنى وأنا بجلس شايله (( هم وغم )) 3 شهور
الحمدلله على كل حال

• تراي قاعده أستخير ربي لي 3 أيام لعل الله يكتب اللي فيه الخير *

ماخاب من استخار الله و شاور المخلوقين