منقهره وعجزت انام من القهر

بسم الله الرحمن الرحيم
والصلاة والسلام على نبينا محمد وعلى اله وصحبه اجمعين
استغفر الله الذي لااله الاهو الحي القيوم واتوب اليه
انا جيت لمكم لاني عضوه هنا
اول شي اي احد دخل وقراء مشكلتي ورد رجاء ابيه يرد ويكون مع الحق يعني رايكم ابيه بصراحه مب تجي وحده تدافع عن الباشا والله لااطب عليه تكفيخ >>تراي غيوره لا والله امزح معكم قولو كل الي بقلبكم
يعني حتى لو تحسون انه انا الغلطانه وتنصحوني تراي عادي اتقبل
باختصارانا الحين متزوجه لي 5سنوات تقريبا عندي ولد وبنت زوجي حبيب وغالي وله معزه بقلبي مايعلم به الا الله وكل الي اتمناه فيه لكن لابد
مافيه احد كامل بس فيه شي قاهرني عنيد واذا غلط لايمكن يعتذر ويطنش ومايطلعني وهذي الخصله هي الي قاهرتني اكثر شي لان انا بالبيت اغلب الوقت
يعني يشوف اني دايم بالبيت ودي لو نطلع نروح نتمشى يكشت بنا قليل بعد مساحر وتكفى و و اشين يوم عندي الي اقوله بطلع لانه داريه بيصير فيه زعل
ونقاش عشان ساعتين بس وتقل لاطلعت الحالي الي بستانس مدري ليش الطلعه مب سهله عليه يعني مثال اخر طلعه لي رحت للسوق
ويدري اني ماطلب السوق الا لاحتجت شي منه يعني شي ضروري اهم شي الطلعه ذي رحت ومعي عيالي على طول دخلنا اذن العشاء راح يصلي
اخذ الولد معه والبنت الصغيره متعبه الله يصلحه معي قالنا اقعدو هنا وراح يصلي اهم شي من راح وانا ركضه مع البنت ماتبيني اشيله وتبي تمشي لحاله
وتصارخ تعبت معه ماتبغاني اخر شي بعد مشقه صارتلي رحت لم بنده الي بالسوق اخذت عربيه وقعدته به ارتحت دقيت عليه عشان اقوله اذا طلع من
الصلاه يجي عندي لكن جواله مشغول اومقفل نسيت مدري المهم ارسلت قلت انا عند بنده يعني ماطنشته مقدرته وقعدت احتريه لمين جاء بس
تصدقون ماعرفته وجهه معتفس ويحلطم مدري شقول والعيون ياربيه انا وش سويت لاتحسبوني عبات كتف وراعيه حركات لاوالله عباتي راس ونقاب حق السوق
بس كل هالحمق عشاني ماقعدت بمكاني طيب شلون اقعد ومعي هالبنت تنشب بذي وتروح من وهناك يعني صعب ماقدر وكله كوم لاراحت لرجل فشيله شلون اروح اخذه يعني ماعندي الا هالحل ويوم سويته زعل مايحس بي وبعدين انا ماطنشته ارسلت على طول يوم مارد والمكان حول
بنده يعني مب بعيد ولا كان عذرناه عاد لو هو شايب نقول تعب ولا مطلعته من المغرب عشان اقول يمكن الرجل طفش
اييه وفيه شي ثاني امس ذي صايره نفس الحكايه عن الطلعه سبحان الله لازم تصير فيه مشاكل العصر قالي بطلع و المغرب بجي نتقهوى قلت خلاص احتريك
وسهجن ماجاء الابعد صلاه العشاء طالع ادق جواله مغلق ويدري اني جوعانه ماتغديت بس كل شوي اقول الحين يجي طيب كان كلم وقالي من اول انه
بيجي بعد العشاء آاكلي شي تراو مب ناسي بس مدري وراه هو كذا عجزت افهمه المهم جاء مستانس لقاني قاعده احتريه وحاطه القهوه وايدي على خدي جاء
وحب راسي وانا ادفه يقالي حمقه بس كان تقريبا زعل خفيف المهم جاب جواله يصور الصينيه جازتله الحركات
كنت قبله بيوم قلتله نبي نطلع قالي خلاص اوكي بعد صلاة العشاء لاحضو هو الي يحدد عنتر زمانه لان فيه مباراه الهلال ونجران ايقاله مهمه داريه ان الهلال بيفوز وانا مالي بالكوره يعني مب مباراه حماسيه
عشان يشوفه كله
وحنا نتقهوى قلت الحين ماتقل نسيت شي داريه انه مانسى بس وده يطنش قال ايه لمن تخلص المباراه قلت طيب يجي يمره واحد ونزل لمه يجي
يكلم واحد ثاني ويسهج المباراه ويروح يكلمه بعدين رجع يعني خوش متابعه والمكالمه مب مهمه وهو توه طاف بالمباريات المهم قضى مكلم
قعد عند الكمبيوتر انا انقهرت لانه عشان العيال يطنش المباراه وهو مأاخر طلعتي الي اخذت اذن من امس المهم جيت رحت طبعا هو قاعد
عند الكمبيوتر الظاهر شغل للي كلمه يقطع قلبه للعالم رحت انا تجهزت ولبست العيال ولبست عباتي مابقى الاالغطى
قلت يلاه قال لا ماقضت المباراه (الحين هو عند الكمبيوتر )الساعه مدري كم اطلعكم قلت فكنا بس مابي لك طلعه حوم كبدي قسم بالله
ياربيه بس خلاص جزمت الحين ماراح اقوله طلعنا طابت نفسي اطلب منه طلعه
جاء بيكمل المباراه لقاني جالسه اشوف برنامج يجي يبي يغير قلت لا ابشوف وهو اقول غيري ازين لك انا عييت وانا مكشره قلت ابشوف البرنامج
وهو مثل ماقلت عنيد وراسه يابس الحين طلعه ماطلعنا جاي بعد ينافخ ويسوي هوشه خلاص طيب ليه هالانانيه ابفهم ترى الحياه قصيره وراح نفترق غصب
ويمكن انت تموت قبلي <وش ازين اصير ادعي لك بكل وقت وصورتك بعيوني وقلبي وماراح احد يصير مكانك ولا فتره احزن عليك بعدين انساك >يارب انك تهديه وتسخره لي
المهم صار فيه مناقر وهوشه وعضه وقبصتين مع بكس بس مايعور والله هو وده يلفعن بصطار لاني جاريته بس الى متى وانا ساكته السكوت مانفعني
معلومه عنه كان اول ملتحي الحين قصره قبل مايقصره يقولي بتغير واكثر من بيفرح بهابتغير انتي وصح هو تغير ومافرحت ابد بهالتغير لانه صار للأسواء
اول ازين مبسوطين والله ماكان فيه مشاكل بس كل الي صار مكتوب ومقدر
المهم طلعن رحت انا للكمبيوتر قلت طيب ابفصل الجهاز رحت وهو بتل يعاند وماستانس الايوم خلاني اصيح قسم بالله يقهر تغير علي صاير شر مدري ليش
هو يخطي ويخطي بس يكابر مايشوف اخطاؤه ابد يقدر يعدل نفسه بس لان اخطاؤه مااحد يشوفه الاانا قعد يستهتر
المهم انا جلست على الكمبوتر وهو يوم خلصت المباراه جاء قعد على الابتوب حقه قال تبين تطلعين امشي عقب وشو يالحبيب ماقلت خلاص طابت نفسي
المهم جالس يتغرج على الصور الا صورة روحي وتاج راسي ابوي الله يخليه لنا هو وامي وتطول بعمرهم بزود عمل صالح قالي شوفي وياشر
بالسهم على ابوي قال يانا ودي اطحنه ادري يحبه بس يبي يقهرن بس عيب والله ماذكر اهلي سبوه حتى لو مزح لاتحسبونه بزر ترى عمره29
وتراي بوسط الهوشه احاول احره لانه رفع ضغطي حيل يعني يوم هو يدور يبي يحط على المباراة وقفت على قناه اثر به شيخين قلتله شف الرجال مب مثلك
بس اول شي ماكنت اقهره بس عقب ماطفشت منه
تكفون عطوني حل تعبت وانا اكتب فياليت اشوفكم متفاعلين معي وتبون لي الخير ابيه يتعدل ويصير
رجل بمعنى الكلمه بس شلون ودي اغير طبعه
قررت اطنشه ومثل مايسوي اسوي له
من الطرائف خل نوسع صدوركم عقب النكد ولدي يقول لابوه خلاص ترى اوديك للوحش يبيه ينتهي بس مافاد
وانا رحت عقب ماشفت انه مافيه امل يعتذر ولا يتناقش معي بجد رحت انام اهم شي انتبهت الا صوت المواعين تطقطق قلت شكله يغسل المواعين >>يعني يعتذر
بطريقه غير مباشره بس طلعت اوهام هالفكره والله قلبي صافي يعني لاتجي ياحبيبي ترز خشتك عندي تعتذر باي طريقه ترى راح اقبل اعتذارك لو تكتب بورقه اي
شي بس اشوفك مهتم لكن تغلط وماتتأسف شينه وتبقى بالخاطر
الله يوفقكم ويجعلكم بالفردوس الاعلى