منك اشتكي ياويليقصه روعه

مشكوره على االقصه بس لها جزء ثاني ولالا

العفوو حبيبتي مرورج اسعدني والأجزاء جايه في الطريق
أبشروا بالخير

يلا عاد لاتطولين علي ..!!!
<<<<<<<<<<<< تنتظر

مشكوره اختي,,
وبنتظار الباقي

العفو اصلا انتي السبب في نزول الجزء الجديد
مرورج اسعدني يالغلا

مشكوره اختي

مرحبا أختي داجه ومن المدرسه هاجه
نزلت الجزء عشانج بس اصبري علي شوي
الجزء الثالث
++::يوم الجمعه في بيت بوسالم++::
ام سالم:بوسالم
بوسالم:هاه
ام سالم:بغيتك بسالفه قبل لا تدخل على العيال
بو سالم(خايف):صار شي
ام سالم:ما صار شي
بوسالم:عيل
ام سالم:بخبرك ولدك فيصل يريد يخطب
بوسالم(فرحان):لاوالله ترمسين صدق منو يبا ماقالج؟؟!!
ام سالم:قالي عني ماخلى منه
بوسالم:منو يريد قولي
ام سالم:يريد مريم بنت عمه محمد
بوسالم:الله يبشرج بالخير واليوم هم ياينا على الغدا برمس ابوها وبنتشاور
ام سالم:ان شاء الله بس لا ترمس جدام العيال الحين سو عمرك ماسمعت شي
بوسالم:ان شاء الله
دخل بوسالم الصاله وكانوا فيصل وسالم وخالد وحمدان وشيخوه قاعدين
بو سالم:السلام عليكم
الكل:وعليكم (ساروا يحبون راس ابووهم)
شيخوه:ان شاء الله بسير
++::سارت شيخوه توعي اختها++::
سالم:حمدان شو رايك انسير بانكوك
يلتفت فيصل يطالع حمدان للي منزل راسه : لامب ساير
سالم:اشعنه مب انته تحن على اريد اسافر
حمدان: اريد اقعد عند قوم ابويه محدعندهم
سالم:عندهم فيصل وخالد
حمدان :فيصل مب طوال الوقت اهنيه في الدوام وخالد في الجامعه
خالد:غريبه انته مب حمدان للي اعرفه شو مسويلك غسيل مخ(يضربه فيصل على ريله)اخ
حمدان: مافيني شي انا مثل ماكنت
فيصل :تعال حمدان
حمدان (يرتجف ):هاه
فيصل: شوفيك خايف تعال اهنيه اباك
حمدان (وقف جدام اخوه فيصل): هاه شو
فيصل :اندوك مفتاح سيارتي
حمدان (مستغرب ):ليش
فيصل :بسير وياك المسيد)يبتسم(
حمدان(يبتسم):ان شاء الله
خذ المفتاح من يد فيصل وهو فرحان ومستانس وشغل السياره ورجع00ودخلت وياه شيخوه الصاله
ام سالم:وعيت اختج
شيخوه: هيه الحين بتنزل
بوسالم:عيل وين نوره وعبدالله
سالم:فوق
++::تدخل نورة مع ولدها ++::
نوره : نسمع صوتك عمي
بو سالم :سمعتي صوت الجنه ان شاء الله
نوره :آآمين
عبدالله:باباه (يسير صوب ابووه الي وقف )باباه وين
سالم:بسير اصلي سير عند مامااه
بوسالم :جيه بعدها الصلاه
سالم: انا بسير (شاف ان عبدالله متعلق في كندورته)سير عند امك مب فاضيلك
فيصل :حرام عليك هذا ولدك
سالم: ادري مب محتاج منك تنصحني
نوره: عبوود حبيبي تعال
عبوود:ماماه اريد بااباه(برطم)
سالم:اوهو(يشل عبدالله ويحطه جدام نوره ويطلع من الصاله)
ام سالم نزلت راسها وبوسالم قعد يطالع سالم بنظره غضب ياويلك من الله ياسالم000
نوره:بس عبدالله خلاص ماعليه
عبدالله:ماماه اريد الوح مع باباه(ويصيح)
خالد:حبيبي عبوود تبا تسير مع عمي خالد الدكان
عبدالله يرفع راسه والدموع على خده الوردي:هيه اريد
خالد: يالله تعال اشوف
عبالله(يبتسم):اه عمي
فيصل: انا منوه
عبدالله:عمي فصولي
حمدان:ههه زين ماقال فضولي
عبدالله: انته عمي حمدانيو
شيخوه:فديت روحك انا
بوسالم وام سالم ردت البسمه لهم بعد ماشافوا اشكثر عيالهم يحبون يهتمون في عبدالله المسكين اللي ما يهتم في ابووه ولا يسأل عنه دخلت عليهم هندووه وهيه حالتها حاله
هندوه:يالله حد يوعي نت الرقاد جذا تو الناس
ام سالم: انتي ما تخبريني كيف ترقدين لين الحين
هندوه:شو وراي انزين لا عيال ولا ريل ولاشي
بوسالم:ههه والله انج
فيصل:باجر يوم بتعرسين شو بتسوين
هندوه:يارب اليوم قبل باجر
خالد:ههه خيبه ملغووثه الاخت على العرس
فيصل:الله يعينه اللي بياخذها
بوسالم:يالله ياعيالي نسير المسيد
الكل: ان شاء الله
بوسالم:ماوصيج يا ام سالم اليوم بوصالح بيتغدى عندنا جهزوا الغدا
طلعوا الريايل يصلون في المسيد والحريم في البيت صلن صلاه الجمعه ورتبن الغرف والصاله لانهم يعرفون عمهم بيسير ويا ابوهم العزبه000
شيخوه:امايه خبرتي ابويه
ام سالم: هيه نعم بس دخيلج ماتقولين حق ام لسانين
شيخوه:ان شاء الله ههه
هندوه:شو ترمسون عنى اسمع تراني
ام سالم: محد رمس عنج
هندوه:هيه انزين
شيخوه:امايه شوفيه حمدان
ام سالم: والله ما ادري يابنتي شو فيه خايفه لاصار فيه شي وانا ما ادري
شيخوه:امايه ما بيصير فيه الا كل خير
نوره:خالو
ام سالم:عونج يابنتي
نوره: خواتي بايين
ام سالم(وهيه تطالع الحزن في عين نوره):هيه يابنتي
نوره:زين والله
شيخوه:وين عبوود
نوره:سار مع عمه خالد
ام سالم: احسن له والله
نوره: خالوه عندج صابون يديد مب مستخدم
ام سالم: هيه يابنتي بس حق شو
نوره: اريد احطه في شنطه سالم
ام سالم(تقول فخاطرها كم بتصبرين يابنتي): ان شاء الله الحين بقوم
نوره:والله ماتقومين الحين بزقر مينتي بخليها تيبهم
ام سالم:بارك الله فيج يابنتي
بعد ما خلصوا عربنا الصلاه كلهم ساروا بيت بوسالم الرياييل في الميلس والحريم في الصاله.....بس سالم مو موجود لاهو ولا صالح كلهم عند ربيعاتهم...........
ام سالم قعدت اطالع مريم بدون ما تنتبه:والله صدق عرفت تختار يا فيصل
نوره:خالوه
ام سالم:نعم يا بنتي
نوره:خذت مينتي الصابون
ام سالم:ماعليه
شيخوه:شحالج مريوم
مريوم:بخير ربي يسلمج وينج انتي
هندوه:انتي ماتنشافين صح خلود
خلود:ههه والله شو مركبه عاكس هوه
خلود:موجودات الغاليه
هندوه(تهمس لها):شفتي حمدان
خلود:لاما شفته عساه بخير(ترفع صوتها)
هندوه(مرتبكه):بخير ربي يسلمج
ام سالم: عن منوه تنشدين
خلود:ماشي اسال عن عيال عمي شخبارهم
ام سالم:بخير يعلج الخير ياربي
مريم ابتسمت في ويه اختها خلود00 الا وشوي حمدان داخل البيت وهو يغني وشال البقعه فرحان لاخر درجه
((ياكيف نامت عيونك وانت ظالمني وانا عيني تعاف النوم لوتزعل اسهر وقلبي لاجل عينك يخاصمني كاني انا اللي خطيت ولازم اتحملكاني انا اللي خطيت ولازم اتحمل))
حمدان:السلام عليكم
الكل:وعليكم السلام
حمدان:ليش متغشيه(يكلم خلود)
خلود:000000000000
ام سالم:شوفيك برايها تتغشى
حمدان: شو شايفتني دريول تتغشى عني
شيخوه:يمكن البنت تستحي
حمدان:لاوالله اخت خلود
خلود:شو
حمدان:بسم الله الرحمن الرحيم ما حيدج ترمسيني من طرف خشمج
خلود: كيف تباني ارمسك من خشمي يعني
ام سالم:ههه غربلات ابليسكم شوفيكم انجلب حالكم جذيه مره وحده
حمدان:لاوالله رمسي عدل
خلود:يياربي كيف ارمس
حمدان: قولي شخبارك ولد عمي عساط بخير مت ولا ما مت
خلود: بسم الله الرحمن الرحيم شو ماتخاف من طاري الموت انته
حمدان :كل الناس بتموت
خلود:(تعق الغشوة):انته كل سؤال عندك رده
حمدان:هههيه نعم طال عمرج(ينسدح على ريول امه)
ام سالم :اشكبرك ومنسدح على ريولي
حمدان :خليني قاعد حشى الحين قوم ابوويه باييون
مريوم:خلونا انسير بقعه ثانيه
حمدان :تعالي انتي وين تبين
مريوم: مااريد اقعد انا استحي
شيخوه:من شووه
مريوم :مااعرف
حمدان :قعدي احسلج بعدين امايه بتخليكن تخرفن رطب
البنات :شو
ام سالم:حسبي لله على ابليسك من ولد متى قلت
حمدان:خليني اخوفهن
هندوه (حاطه ايدها علىخصرها ):انا هند بن سعيد اخرف رطب
ام سالم:تراني كنت قبل اشعنه انتي لا
هندوه : انتوا قبل ماكنتوا في عصر التكنولوجيا
ام سالم(تفرها بالجريده :شو هالكتلوج بعد
حمدان :ههه اي كتلوج يابويه حطن الغدا حق الرياييل
ام سالم:واشعنه ماترمس
حمدان : بس جذيه حطن الغدا يالله (يطالع خلود)انتي
خلود(اطالع التلفزيون)
حمدان(وقف مجابلنها):شوفيج زعلانه مني
ام سالم:ودر البنيه
حمدان:صبر اماه خليني اعرف زعلانه مني خلوود
خلود:لاه مب زعلانه
حمدان:عيل سيري حطي الغدا ههه
حطوا الغدا للرياييل والحريم وتغدوا ومن بعدها طلع بوسالم وبوصالح صوب العزبه والشباب دخلوا البيت علشان يسلمون على ام سالم
++::في العزبه++::
بوسالم:بوصالح بغيت اقولك رمسه
بوصالح:قول يا اخوي مايردك غير لسانك
بوسالم:والله يااخوي فيصل سار حق امه يريد يخطب مريم بنتك
بوصالح:والله يابوسالم انا ما عندي مانع امره
بوسالم:يعني
بوصالح:اناموافق يابوك اشفيك القريب احسلها من الغريب بس اترياهل تتخرج وان شاء الله تخطبون
بوسالم:كفيت ووفيت يابوصالح بس لازم تشاور البنت
بوصالح:ان شاء الله بنشاورها
بوسالم:الله يرضى عليهم خلنا انسير انشووف النخل اللي زرعتهم
بوصالح:يالله انزين
قعدوا بوسالم وبوصالح في العزبه والشباب كلهم قاعدين في البيت يسولفون مع البنات 000 بس مريوم وشيخوه قاعدات مع نوره في قسمهم000 وخلود وهندوه يطالعن التلفيون مع الشباب وملانات لانهم يطالعون مباراه
حمدان:هذا مايعرف يلعب شو هذا
هندوه:انته تعرف يوم دل بيروه مايعرف
حمدان:حد رمسج
فيصل:يا اخي شو تبا في عوار الراس
خالد:هيه والله اسكت عنها
سعيد:ههه ليش
فيصل:بس اسمع
هندوه:اخ فيصل شو قصدك
فيصل:مب قصدي شي تعالي ضربيني بعد
هندوه:انا هندوه بنت000000000000
حمدان:كل ما حد يرمسها انا هندوه بنت سعيد عيل من بنته بتكونين الدريول
سعيد:ههه
خلود:ههه
هندوه(اطالع خلود):اتضحكين بعد
خلود:شو تبيني اسوي
هندوه:بالله عليج ما مليتي من مجابل التلفزيون وهذيل قاعدين يطالعون المباراه
خلود:شو اسوي يعني اطلعهم برع الصاله
حمدان:عاشت بنت عمي
هندوه:لا والله وين قوم شيخوه
خلود:عند نوره
فيصل:اوه هندوه سوي خير ويبيلي ماي عطشان
هندوه:حد قالك اني خدامه
خلود:عيب هليج اذا ما خدمتي اخوانج منو بتخدمين
هندوه:ريلي ان شاء الله
خلود:الله ينطبه من ريل(توقف) ما عليه ولد عمي انا بقول حق مينتي تيبلك ماي حد يريد يشرب شي
حمدان:اريد بيبسي
خالد:انا وسعيد نريد عصير فراوله
خلود:ان شاء الله(تسحب هندوه وياها)
طلعن البنات صوب المطبخ 000 اما باقي البنات عند نوره
++::غرفه نوره++::
نوره:عطيني الفوطه
شيخوه:شو تسوين؟؟!!
نوره:فديتج شيخوه الحين بيوصل سالم واغراضه مب مرتبينها
مريوم:حتى صالح بيسافر
نورره(اتصد اطالع مريوم):مع منو
مريوم:مع سالم؟؟!!
شيخوه:شكللهم متفقين والله
نوره:ما علينا الحين خلونا انرتب
شيخوه:انزين
الا واشوي يسمعون حمدان اللي مشهور من بين اخونه بصوته الحلو وخاصه يوم يدق عود00 هو قاعد في الصاله وشال عود اخووه وقاعد يدق عليه و اول ماسمعن صوته البنات اللي في المطبخ ترابعن لين الصاله واللي فوق نزلن وام سالم بعد طلعت من غرفتها لان بصراحه صوته يجنن وكان يغني اغنيه لاحشى
++::لاحشى والله ماجفيته00 لاولابنسساه لي غالي00 وش حياتي لو تناسيته00 وش حل بعمري وحالي00 والله ان يوم لاقيته00 كانها الفرحه تراوالي00 ايه احبه حيل واغليته00 لانه اغلى من ذهب وماسي00صدنا في الروح ولقيته00 وفي حنايا الروح مكاني00 وش لكم لو كان خليته++::
فيصل:روعه بصراحه
هندوه:اول مره اعرف ان صوت الحميداني حلو
ام سالم:ويه بسم الله عليك ياولدي شيخوه
شيخوه:ها اماه
ام سالم:سويلي دخون بدخن الحميداني بشبه
خالد:ههه تخاف عليه
هندوه:لاوالله
ام سالم:عين الشاب نشاب
فيصل:ههه انزين(التفت طالع مريوم اللي مب منتبه له)
شيخوه:امايه
ام سالم:نعم يابنتي
شيخوه : باجر ما بسير الجامعه
ام سالم:اشعنه
هندوه:ليش حبيبتي تخليني بروحي شو قالولج ناطور اهناك
فيصل:بس بتسيرين(يطالع شيخوه)ليش ما بتسيرين
شيخوه:ماعلي دوام
هندوه(تقعد على الكرسي امبرطمه):ليش ما سويتيلي مثل جدولج
شيخوه: نذاله
نوره:وين عبدالله
خالد:راقد في غرفه امي
ام سالم:راقد يابنتي
خالد:فديته ماخلى شي الا و اشتراه متى بيدخل المدرسه
نوره:بعد سنه ان شاء الله
الكل:ان شاء الله
نوره:بترخص عنكم
فيصل:وين قعدي
نوره:ماخلصت اغراض سالم(وسارت وتبعتها مريوم وشيخوه)
فيصل نزل راسه هذي الانسانه كم بتصبر على هذا000 مر اليوم بسرعه وردوا كلهم بيوتهم 00 وبوصالح كان اسعد انسان في هذيج اللحظه 00 فيصل اللي كلهم يتمنونه منو يقول انه بياخذ بنتي 00 اول ماوصلن البيت البنات سارن غرفتهم وبوصالح قعد في الصاله مع ولده سعيد
بوصالح:سعيد
سعيد:نعم بويه(يعدل قعدته)
بوصالح:اليوم يو ناس يريدون يخطبون اختك مريوم
سعيد:لالالايابويه لا توافق محد بياخذ مريوم غير فيصل
بو صالح:ههه خلني اكمل ياولدي
سعيد:السموحه يابويه
بوصالح: مسموح بس اللي بيخطب اختك فيصل ولد عمك سعيد
سعيد(مبطل عيونه):لاوالله
بوصالح: وشفيك صدق
سعيد: احلى خبر سمعنه في حياتي والله
بوصالح:هاشو قلت
سعيد: الريال ماعليه كلام وانا موتفق بدون ما ارد عليك بشي
بوصالح:الله يهديك ياولدي نشاور مريوم
سعيد: هذا الواجب يابويه صبر بسير ازقرها
طلع سعيد وخبر الخدامه تزقر مريوم.........
++::غرفه مريوم++::
كنيستا: مدام
مريوم:نعم
كنيستا:بابا في يريد تحت
مريوم:يالله الحين
بسرعه مريوم لبست شيلتها البيضا ونزلت تحت...
++::دخلت الصاله++::
مريوم:هلا بوويه طلبتني
بوصالح: هيه نعم
مريوم:امر يابوويه ادلل
بوصالح:في ناس يبون يخطبونج
مريوم(منصدمه):شو بس انا صغيره
سعيد:لاتستعيلين وفكري
مريوم:بس قوم من قوم منوه
بوصالح:ولد عمج فيصل
مريوم(قلبها يدق بقو):فيصل
سعيد:هيه فيصل؟؟!!
بوصالح:انا خبرتج واريدج تردين على يوم الاحد لاني بشوف عمج
مريوم:ان شاء الله
بوصالح:سيري ارتاحي يابنتي
مريوم:تصبحون على خير
طلعت مريوم من الصاله مب مصدقه فيصل يخطبني معقوله وتركض بسرعه واول مل دخلت فرت عمرها على السرير وفتحت شعرها الطويل اللي يوصل لين الركب وشافت طيف فيصل على السطح... مستحيل والله مب مصدقه وتذكرت امها 00 وينج يا امايه اللي تبينه بيصير فديتج ياربي وتصيح
واسمحولي ع القصور

ياعالم ياناس معقوله ولا رد واحد يرفع المعنويات الله يسامحكم