مواقف الزوج المؤثره التي لا تنسى

اهلين اخواتي الفراشات الغاليات كثيرا ما اقرأ عن مواقف ليلة الدخله ومواقف طريفه امام الزوج وغيره كثير لكن لم ارى احد تتطرقأ لمواقف الازواج المؤثره او المخلصه ان صح التعبير معقوله ما يكون فيه موقف جميل قدمه لك مما جعله ذكرى جميله تتذكرينها وتحنين لوقتها مع مرور الزمن اكيد المواقف كثيره لكن انا ابغى الموقف اللي حسيت فيه انك غالئيه عنده وحريص على راحتك ويبن حبه الكثير لكي 0
انا اقول موقفي وابتدأ الجلسه اقول موقف اللذي دار عليه الزمن واندثر الا القليل منه كان زوجي الغالي عازم ضيوف عنده لا يقلون عن سبعه هذا اكيد وبما اني لسى صغينونه وعندي حبيبي حمودي عمره ثمانيه شهور وانا لم تجاوز التاسعة عشر اه اه اه كل ما ذكر ذيك الليله واهم اللي جاني وش اسوي وش احط ودي اسوي حركات تعرفون وحده تبغى تبز وترفع راس زوجهامو معناه انه ما قد عزم لا ابد زوجي الحمدلله حاتم الطائي لو ما يعزم تجيه ضيقة صدر ما يفكها الا انه يعزم0المهم هاذي العزيمه صارت وحمودي صغير وما ينام يعني كيف اطبخ واتفنن وانا معي هالبقطه(يعني الصغير)المهم ذيك الليله ما نمت استنى بس ينام زوجي وولدي علشان اقوم اسوي شغلي وبعد ما نام المحروس وابنه واقوم لمطبخي وابدأ اشتغل واسوي الحلى علشان بكرى اسوي الموالح والحلى 00000 وانا بس اتردد بين المطبخ وولدي الين اذن الفجر0 اي صح انا ماقلت ان عزيمة رجلي كانت غدى علشان كذا ركبني الهم والغلقه المهم اصبحنا واصبح الملك واختكم مازالت تطبخ وتنفح وقام ولدي المحروس وارضعه وازجيه بهالعربيه (احطه)للي ما يفهمون مصطلحات بعض الدير ويابعد عيني قاعد بس يناضريني ويحوس يا يفتح دولاب او يجر مكنسه يساعد اميمته جعل عيني ما تبكيه وحانت ساعت الصفر وبدأ العد التنازلي وبدأ الرجال يجون وانا ياما قهوه ياما شاهي ياما اسكت وليدي ويجي سي السيد ويقول يالله الغدا بسرعه قبل لا يأذن العصر واجيك واحط حمودي واجي ركضه انكب الرز واحط الاشياء الحاره بسرعه بس ترى فراشتكم سنعه السفره مرتبتها من الساعة عشر علشان مااقعد اصقع في البيبان اذا جو ضيوف الغالي 00ودخلوا الضيوف وتغدوا واثنوا على طبخي خير الثناء اللي يقول وش هالزين واللي يقول وش هالنفس يعني الحمدلله سهري ما راح هدر 00 واجيى اضف السفره وولدي ما يقصر كل شوي ياداخل جوى السماط يا راقع رجلي بالعربيه 000000 المهم ويجيك الموقف الجميل اللي ماراح انساه بعد ما راحوا الضيوف دخل على عزيزي وانا اغسل بهالمواعين اللي تقولين حقت كل الجيران ويمسك يدي جعل عيني مل تبكيه ويعطيني حمودي ويقول روحي ارتاحي ونامي انتي وولدي وانا بصلح الباقي 0طبعا انا رفضت بس هو لزم وطلعني ورحت نا وودلدي وحطيت راسي وما دريت الا الساعه سته واقوم وانا منهبله وش صار وش ما صارواركض للمطبخ ابشوف الغالي وش اشوف شي ما صدقته وما انساه الين ما اموت المطبخ يلق لق والله حتى ابريق التفويح مغسله ما نساه اللاط يلمع ولا اثر لوجود اي صحن كل مر تب ونظيف خلص المطبخ وطلع يشوف اشغاله عساه ياربي التوفيق والان وبعد مرور الزمن تغير بعض الشئ والصناعه اندثرت قليلا صار اذا عزم طل علي بالمطبخ وقال الله يعطي العافيه ويبيض وجهك 0000 الا المواعين ورى ما تخلينها بكره الصبح وتوسعين صدرك عليها 000000000 بالله عليكم احد يوسع صدره بلكرف والا وشلون يهنالي النوم ومطبخي تقولين مزبلة الناصريه من الحوسه والدوسه000000000000 00000 يالله عاد اتحفونا بمواقف ازواجكم الاثريه 000000000