مواقف تقهر نصايح شفت نتايجها

1. لأنه لو نسى هالشي معك بيتذكره مع غيرك ..


2. مثلا انتي متضايقه من اخته ..


3. صدقووني إذا تقبلتيه بتشوفين العجب ..!! لاتحاولين تغيرين فيه تقبليه


4. مواقف تقهرني

السلام عليكم ورحمه الله وبركاته ..
شلونكم بنات ؟ شو اخباركم؟ شو اخبار كتاكيتكم (( للي عندهم كتاكيت))؟؟
بنات انا اليوم بكتب لكم من اللي اشوفه ..
بعض الحريم يغلطون غلطات فادحه بحق زوجها واولادها وبحق نفسها اولا كأنثى ..
بس قبل لا ابدا احب اقوولكم عشان ماكون غشيتكم انا بنت ب 18 سنه ..
لكني اقرا كثير بعلم النفس وفنون التواصل واشووف كثير للأسف لدرجه اني احس اني شوي تعقدت لأنو كل اللي اعرفهم يشتكون لي .. (( ولاصار شي يفرح انا اخر من يعلم ))
بدايه يابنات اهم شي تنتصرين على نفسك ..
وتقهرين هاللامباله اللي فيك ..
لازم مايغيب عن بالك انك متزوجه رجل لا تنسين هالشي ولا تسمحين له ينسى ..!!

لأنه لو نسى هالشي معك بيتذكره مع غيرك ..

ابدا ابدا لا تعودين زوجك انك تقومين بوظيفه من وظايفه .. لأنه بعدين بيتعود ويرمي الحمل عليك ..
أي شي خارج نطاق مسؤولياتك لا تسوينه (( عن السنع الزايد )) و لا تتنازلين و لاتضحين إلا إذا هو طلب لأنه كذا بيحفظ لك الجميل .. لكن لو انتي تدخلتي بدون مايطلب هنا بيقول انا ماطلبت منها ولا طقيتها على ايديها !!
بنات ولا عمركم سألتم انفسكم ليه الرجال إذا جته بنت يتغير ..
اكيد بيتغير لا صار اب !! لكن إذا كانت بنت اسلوبه معها مختلف ويتغير كثير ..
انا اقولكم ليه .. لأن البنت يحس انها محتاجته يحس انه مسؤول عنها .. يحس انها مرتبطه فيه ..
عاد انتي لازم تحسسينه بهالشي ..
نقطه ثانيه .. اهله ..
لاتسبينهم ابدا ابدا ابدا ..
ولاتتكلمين عنهم وانتي مشدوده .. لا جبيها بسهاله بدوون اهانات وتجريح ..

مثلا انتي متضايقه من اخته ..

تمسكينه كذا والجو هادي وتقولين فلان انت تعرف ان فلانه فيها كذا وكذا (( حتى لو كان مايدري هذا مجرد ايحاء بيستسلم له ))والصراحه انا ماصرت ارتاح اطول القعده وهي موجوده او ماحب احتك فيها كثير اخاف يصير بينا شي ونزعج خالتي (( دخلت امه بالسالفه كوسيله ضغط غير صريحه )) ..
لا تترددين بإنك تستخدمين أي شي ممكن بصالحك بدون ماتحسسينه انك تستغلين هالشي كوسائل ضغط ..لا كوسائل اقناع
إذا مدحك احد قولي ليه .. ترا مهما كنتي جميله وسنعه .. لازم تذكرينه ..وتحسسينه ان فيه احد غيره مهتم فيك (( حتى لو كان حريم ترا اهتمام اي شخص لو طفل يثير اهتمامه )) بس طبعا بشكل سلس وبنطاق الحكي ..
تميزي وخلي لك طقوسك الخاصه .. عاده مميزه .. كب قهوه غريب ومميز .. ليله معينه تقضينها قدام التليفزيون
لاتنتقدين نفسك ولا تسمحين له ينتقد اهلك ولا ربعك (( إذا باقي عندك ربع وهذا من الأخطاء القاتله انك تقطعين علاقاتك وتعيشين من خلاله )) ولا ينتقدك (( بخصوص شكلك اما شغل البيت إذا كان فيه قصور من حقه ))
لا تزعلين من كل كلمه تنقال خلك ايزي .. مافي مانع تقطين نغزات .. بس لا تكبرينها ولاتقاطعين ماتكلمينه ترا يتعود !! بعدين تطيح على راسك .. ترا إذا شافك عادي بيعوضك لأن الرجال بطبيعته الرياضيه يحسب للحرمه نقاط .. إذا ابتسمتي بوجهه يوم .. إذا اهديتي امه .. همزتي راسه ..(( هذا ماينفي حقيقه ان بعض الرجال مايبان بعيونهم هذول لهم مخطط ثاني ))
بالمقابل إذا حاول يرضيك وجرحتيه .. إذا جا يوم واستقبلتيه بنكد .. جا والبيت حالته حاله يخصم نقاط !!
اهم شي انك تتقبلين الرجال مثل ماهو ..

صدقووني إذا تقبلتيه بتشوفين العجب ..!! لاتحاولين تغيرين فيه تقبليه

مواقف تقهرني

وحده طالعه هي وزوجها مطعم .. تقوله اطلبلي على كيفك .. ولا وش هالبرابيس .. ولا مشتهيه مطيزيزات !! ولا خل المنيو نتفرج !! ولا لاجا الويترس ماتسمع إلا همستها (( إلا فحيحها )) قله يسوي كذا قله يسوي كذا .. او لاجاوا يقومون ترجع تلقط من صحنها!! ..ولا المووت لاخذت معها المناديل ولا اكياس السكر .. هالحركات تقتل أي رغبه لزوجك فيك خصوصا لو كان يحب الترزز وراعي كشخه هالنوع تبين تملكينه صيري اكشخ منه
شي ثاني مره تبي تربي عيالها ماتسمع إلا صراخها على العيال تقول ابو عنتر ولا تضربهم ضرب يخسى شمشون يضرب زيه ياختي اضربيهم معليه بس مو كذا وإذا عيالك مرره ابالسه ياختي ضربيهم لاصرتي لحالك معهم هذاكم طول اليوم متقابلين حبكت هالدفاشه الحين!!!!!!(( هالوصف انا ماخذته من رساله زوج تزوج على زوجته وقاعد يشرح اسبابه ))
اسمحولي لو كان كلامي فيه قسوه او برود .. ترا انا والله من الله اشوف ولخوفي على مصلحتكم ولأني اشوف فيه اشيا كثير لازم نطور بأنف سنا
وبس
اتمنى يكون بالموضوع فائده لو بسيطه لأي وحده فيكم
ان عجبكم ادعولي بالزوج الصالح والذريه الباره وامنوا على الدعا اللي بتوقيعي
واي وحده عندها تساؤل تسدحه هنا وانا بحاول اساعد إن شاء الله وقدرني