موضوع فاق التميز LipStiCK BeYoNd

Picking the Perfect Shade 4 U
جربت ادخل باحلى الدرجات من كل نوع بس انقلب راسي من كثرها ..
بعدين اكتشفت ان مالها سنع حتى لو سويتها
بكل بساطه لان الي يناسب بشرتي مو بالضروره يناسبكم و العكس صحيح ..عشان كذا راح نرجع للأساسيات في علم الألوان ..
تذكرون لما حكينا عن دائره الالوان في واحد من المواضيع
كنا نحكي عن اختيار الوان ال shadow
هالمره الموضوع مختلف شوي لان الارواج على الدائره اللونيه كلها في درجات الأحمر
اول شي عندنا الأحمر الصريح بدرجاته .. و غير الأحمر عندنا باقي الالوان
درجات العنابي عباره عن أحمر + اسود أو رمادي
درجات البينك عباره عن أحمر + ابيض
درجات الأورنج عباره عن أحمر + أصفر
درجات الموف عباره عن أحمر + أزرق
البرونز و الذهبي و البني عباره عن أحمر + أخضر = بني .. لكنهم يلعبون بالدرجات و يفتحونها و يغمقونها
حتى درجات النيود يدخل في تركيبها الأحمر + الأخضر لكنها تكون فاتحه جدا عشان تعطي لون الجلد
طبعا يستثى من هالكلام الارواج السوداء و الفضيه و الزرقاء و شغل المهبل
ما تلاحظين احيانا انك ممكن تشترين درجتين من نفس اللون و يكونون قريبات من بعض كثير
لكن وحده منهم تناسبك و الثانيه تقلب عليك ..او لون ما ناسبك ابدا لكنه طلع على اختك تحفه ..
اذا فهمتي هالنظريه ما راح تتعرضين لهالمشكله .. و تصيرين من و انتي بالمحل عارفه هاللون راح يناسبك او لا
الألوان المخفيه الي تدخل في تركيبه اللون لكن ما نشوفها
ممكن تاخذين روج يكون لونه احمر عادي بالنسبه لك .. لكن تركيبته يكون داخل فيها أصفر
هذا تلقائي بيسمرك على فكره .. لانه يساعد درجات الموف في البشره انها تكون اقوى مثل هالنوع بيطلع رائع مع أي لوك برونز ..
لكن لما تاخذين أحمر داخل في تركيبته أزرق .. هذا يبيض بشرتك + يبيض اسنانك
لما يقولون لك الأحمر يبين الاسنان صفراء هذا غلط .. بالعكس راح يبيضها درجه >> هذا الاحمر الي في تركيبته ازرق فقط مو أي احمر لكن مشكلته انه يخلي التركيز على منطقه الفم .. فيكون التركيز على لون الاسنان واضح .. عشان كذا المفروض يبتعدون عنه الي يحسون اسنانهم فيها لون لان بياض درجه ما راح يفرق كثير
طبعا مو أي روج داخل في تركيبته ازرق ينطبق عليه هالكلام هذا بالنسبه للاحمر بس
مثلا الموف داخل في تركيبته ازرق .. لكنه مكمل للأصفر .. يعني نتيجته عكسيه ابتعدي عنه اذا بشرتك صفراء ابدا ما راح يناسبك .. لكن اذا بشرتك فيها حيويه راح يطلع عليك يدوخ
ممكن احكي عن هالنقطه سنه .. لكني سبق و وضحتها في واحد من المواضيع الي يختلف ان الدرجات في الارواج ما تكون صريحه مثل الكحل او غيره .. عشان كذا لازم نبحث عن ال under tone
الي لهم بالرسم و التلوين سهل عليهم الموضوع لانك مجرد ما تشوفين اللون تعرفين داخل في تركيبته ايش بالضبط
اما الي مالهم بهالاشياء المساله يبيلها شوي تدريب
و الطريقه الثانيه و الاسهل انك قبل ما تشترين أي لون تدخلين موقع الشركه و تقرين وصف اللون
Mac موجود عندهم كل لون وصف لل under tone الموجوده فيه
مثل russian red .. احمر داخل في تركيبته ازرق و موضحين لك اياها
و مع الوقت راح تلاحظين نفسك احسن في التفريق بين الالوان
ان شاء الله شرحي واضح مع اني ما ظنيت الي ما استوعبت هالنقطه و حابه شرح اكثر للموضوع تامر امر اشرحها لها لما توصل الفكره
طيب اذا لقيتي لون مناسب لبشرتك بس ما عجبك ال finish تبع الروج .. وش نسوي ؟!
انا انسانه اعشق الارواج ال matte .. و كانت هذي مشكله تواجهني صراحه .. لاني لو ابي لمعه باي لون مجرد اضيف شوي قلوس و تنتهي المساله
لكن ال matte وش يطلعه ..
و مو دايم القى الدرجه الي ببالي و ياما شريت الوان من كل الماركات عشان هالنقطه بس اكتشفت حركه جميله جدا .. من بعدها صرت شاقه الضحكه مثل كذا
Matte
هو اسمه كذا بس matte ما تدرين هو كريم هو جل هو شامبو الله اعلم
قسم بالله حقين ماك لاقيني كل ما طلعوا لي شي يقولون جربيه اقول جيبوه
هذا الشي عندي من سنتين يمكن .. و ما قد استعملته لنفسي كنت استعمله لوحده من خواتي لان بشرتها جدا دهنيه
حتى مع الباودر كانت تبين دهنيه مع الوقت .. و انحلت هالمشكله لما استعملت لها هذا في منطقه الجبهه و الانف شوي قبل الفاونديشن
لاحظوا ان المشكله في بشرتها هي و انا الي اشتري الاغراض يا حسره بس
انا ما قد فكرت استعمله لان من غير شي بشرتي يابسه عسى تنفع فيها هالكريمات بس
المهم ذاك اليوم و انا طاقتني الغلقه و قاعده ابربس باغراضي
جربت احط منه شوي فوق الروج بفرشاه صغيره .. و اذهلتني النتيجه
الروج قلب matte .. بلون يجنن صار بالضبط نفس الي ابيه و ادور عليه من سنين
تخيلي أي لون عندك ممكن تقلبينه matte .. بالله موب شي يوسع الصدر>> تحسب الناس مثلها
و احلى استعمال لهالحركه تدرون متى ؟!
قبل ما تحطين أي قلوس يكون فيه شمير او قليتر ..
احسكم تقولون الحمدلله و الشكر وش الفايده
بس لما يكون الروج مات .. و تحطين فوقه القليتر راح يبين القلوس و لمعته جميل جدا ..
غير لما تحطينه فوق شي اساسا يلمع و تختبص الدنيا على بعض .. فرق كبير
انا ما اقولكم اشتروه .. لكن الي عندها اياه من الاساس ترا هالحركه تستحق التجربه
بليز لحد يرد

How 2 Apply
ضروري يكون عندك فرشاه لل lip stick
ابدا مو كل الانواع تنفع انك تستعملينها مباشره من ال stick بالذات اذا كانت matte او ثقيله
راح تحطين اكثر من الي انتي تحتاجينه و يبدا يتكتل و يبين الخطوط بشفايفك اوضح
+ انك لما تستعملين فرشاه راح تقدين توزعين اللون صح و تخلطينه مع الوان ثانيه اذا ودك و توصلين للاماكن الصعبه مثل زوايا الشفه
و الحلو ان فرشاه وحده بتنفعك لل lip liner + ال lip stick + ال gloss حتى ..
الفرش الي ممكن تستعملينها
316 من mac
حلوه لانك ممكن تغطينها و تحطينها بشنطتك بدون ما تحوس لك الدنيا
لكنها موجوده بكثير ماركات مو ضروري تاخذينها من mac
Body shop عندهم وحده بنفس الفكره لكن شعراتها طويله و ما حبيتها
بس عندهم وحده مكتوب عليها lip / concealer brush
مالها غطاء لكنها ممتازه و تؤدي الغرض
هذول الي جربتهم الي عندها فرشاه تنفع للشنطه لا تبخل علينا
كثيرين عندهم قناعه ان ال lip gloss تبع ماك يلزق
انا صراحه ما احس بهالشي و عادي الوضع جدا بس اصدق لان كثيرين اتفقوا عليها ..
اذا انتي حاسه انها تلزق و مو حابتها ما عليك من هالفقره
مثل ما قسموا mac ارواجهم لانواع .. استخدموا نفس الطريقه لل gloss ..
و انا اشوف ان هالطريقه اسهل عشان تختصر عليك وقت و تجارب و فلوس اذا كنتي من قبل عارفه النتيجه الي راح تحصلين عليها من هاللون او غيره ..
dazzle glass من اشهر انواع ال gloss الي تميز فيها ماك .. لونها بين الخفيف و الثقيل بس فيه شفافيه و ميزتها مليانه قليتر و شيمر و تتبالص من اخر الغرفه
lustre glass هذي شبه شفافه فيها شيمر خفيف .. ما احبها شخصيااحس مالها سنع بس اذا ودك بشي خفيف جدا راح تعجبك
plush glass هذي فيها لون خفيف .. ميزتها تحسين شوي تنفخ لك الشفايف .. يعني الاضاءه الي تعكسها تعطيك ايحاء انها انتفخت و لا هي ما انتفخت صدق
فيها شيمر بعد و بعضها مات
cremesheen glass هذي كانها روج كريمي مات ما فيها شيمر.. اعشقها
dazzleglass creme هذي جمعت بين ال dazzle glass من ناحيه اللمعه .. و بين ال cremesheen من ناحيه كثافه اللون .. من احلى الانواع
tinted lipglass النوع العادي الي يكتبون عليه lip glass بس .. تتنوع بين المات و الشيمر .. و كثافتها اللونيه حلوه و ثقيله .. بعد من احلى الانواع
lip glee اللي يجي شكلها مثل التيوب .. شفافه لكن لونها يبين .. احبها لان ما فيها شيمر لكن في بعض الكولكشنات ينزلون منها بشيمر .. بس طريقه استعمالها مزعجه شوي
هذا بالنسبه للانواع المتوفره دائما بال perminant line ..
نزلت انواع غيرها بكوليكشنات مثل super glass , pro lip stain , lip mix , marbelized lip glass و غيرها كثير
و مو كلها عندي و لا يتسع المجال لذكرها
لكن أي سؤال عنها ابشروا
طبعا في غير mac ماركات بطله بال gloss راح اذكر بعضها على السريع
Nars درجات الالوان جميله جدا .. و احلى شي فيها ان اغلبها من غير شيمر .. لكن الثبات لكم عليه شوي
Chanel يتميزون بالارواج السائله اكثر من القلوسات .. و خاصه درجات الاحمر تحصلينها عندهم رائعه
Ysl عندهم كولكشن الذهب الي نزل قبل سنه تقريبا .. خياليه الوانه الفاتحه و لمعته ميتاليك بس يبهت بسرعه
NYX على اني ما حبيت ارواجهم كثير .. بس ال gloss عندهم بطل .. درجات لونيه تحتارين من كثرها
Dior عندهم gloss فوشيا ما اتوقع للآن في ماركه اخترعت مثله .. لكن قوام القلوسات خفيف شوي
Guirlan الماركه الوحيده الي احب قلوساتها اكثر من mac.. الكولكشن الي غطاه ذهبي من حلاوتها ما تحتاج lip stick تحتها .. بس هالكوليكشن كله شيمر ما فيه مات ..
اول شي تسوينه عشان تبين شفايفك ممتلئه انك تاخذين أي هايلايتر عندك يكون مايل للابيض او اوف وايت
باودر فاتح .. أي شادو .. بيقمنت .. عادي كله يمشي .. و لو يكون فيه شوي شيمر مو مشكله
انا استعمل cream colorbase in pearl >> يا كثر ما تستعمله هالحرمه
بلمسه خفيف حطيه فوق شفتك العليا .. بالنص بس على ال cupids bow
راح تبرز شفتك العليا و تبينها ممتلئه و جميله جدا
*******
بدل ما تستعملين gloss على كامل الشفايف .. جربي تحطينه بس بنص شفتك السفلى
غير انه بيعطيها امتلاء .. حتى اللون بيصير ارتب من ان اللمعه تنتشر بكل مكان
و شكلها طبيعي جدا ورايق
*******
اذكر مره رحت لماك و قاعده اطالع ال lip liner عندهم
الا تجي وحده و تختار واحد غاامق كنه اسود و تقول عطني هذا الله يعافيك
و انا اناظر و عيوني كذا .. ما بقى الا امسكها و اقولها ابيك بكلمه راس داخله على الله ثم عليك انك ما تشترينه و تروعين اهلتس و ربعتس و رجلتس
مدري وراني شايله هم خلق الله و لا وش لقفني اساسا بتشتريه و لا بتتصور معه و لا قريح هي وياه
المهم انه جتني غلقه و انا اناظرها تحاسب >> ما جتك غلقه يوم انك محاسبه امس على برابيس مالها سنع
جدتي الله يطول بعمرها دايم تقول لا تتريقون على احد تراها تجيكم ورا الباب>> قعدت سنين اطلطل ورا البيبان و لا شفتها محد فهمني ان جدتي تقصد انها تجي بسرعه
و اثرها صادقه جا اليوم الي اشتري فيه هال lip liner
Nightmoth
له بدائل مثل currant و vino
عموما درجه اللون نفسها ما تهم المهم انه يكون غامق
كل الي عليك تسوينه انك تحددين فيه اطراف شفايفك الخارجيه و بعدين تدمجينها بفرشاه مع الروج
و شوفي كيف شفايفك راح تبرز لقدام اكثر و محد بيلاحظ لونه اذا دمجتيه صح
بس هالحركه صعبه شوي اذا كنتي بتستخدمين الوان فاتحه مثل اللحمي او البينك ..
لكن مع الاحمر و الفوشيا و هالالوان .. راح يطلع خرافي
خلطاتي الجميله الي وعدتكم فيها ..
حاولت ادور لكم صور كيف بتكون نتيجتها بس ما لقيت معليش
قايله لكم سوا لنا يوتيوب خلوني اوريكم
ترا كلها من mac معليش الألب و ما يريد .
بس نقطه مهمه .. كل الي بقولهم لازم تستعملين فيهم فرشاه و الالوان بشكل خفيف
اذا بتستعملين ال stick بيعطيك لون ثقيل و مو حلو ابدا ..
Mac lip pencil ( beat) + mac lip stick ( mystic )
تعطيك لون عودي على خمري خيالي ..
Mac lip pencil ( redd ) + mac lip stick ( ravishing )
احلى اورنج محمر ممكن تحصلينه
Mac lip pencil ( dervish ) + mac lip stick ( captive ) + mac lip stick ( hang up )
كل ما زدتي من hang up راح تقربين لدرجه عنابي على موف .. اتعب اقول بطله
اذا حطيتي منه شوي راح يجيك لون وردي غامق فيه نقطه موف .. اكثر درجه انسألت عنها
Mac cremestick liner ( summer fruit ) + mac lip stick ( new york apple )
للآن مدري وش هاللون .. هل هو برونز هل هو احمر هل هو خمري ما ادري
المهم انه يسطل .. بس لا تكثرين من ال lip stick حطي منه لمسه خفيفه
Mac lip pencil ( cranberry ) + mac cremestick liner ( beurre ) + mac lip stick ( new york apple )
معليش ما لقيت بالموقع صوره ل cranberry بس انه من درجات ال pink
هالمكس يعطيك لون توتي جميل جميل جميل >> ارتاحي يا نويف دريتي وش الخلطه الي معذبتك
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 555x214 و بحجم 27KB.
Mac lip liner ( subculture ) + mac lip stick ( blankety ) + mac lip glass ( fold & tuck)
نيود مشمشي .. يحلي بشكل مو طبيعي
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 555x214 و بحجم 31KB.
Mac lip pencil ( soar ) + mac pigment ( rose ) + clear gloss
اخلطي ال pigment مع ال gloss الشفاف اول على أي صحن او خربوطه بتحتاجين كميه قليله مره
بعدين استعمليه على شفايفك .. تعطيك درجه روز مع شوي لمعه ميتاليك بطله ..
بعد هالحركه حلوه مع pigments غير مثل fuschia ,, pink bronze و فيه درجات كثير تنفع بعد
هذي اهم الاكتشافات .. فيه زياده بس عاد لا يتسع المجال لذكرها متى بنخلص
و ترا ابد ما اقترح انكم تروحون تضفون كل هالدرجات
لكن هذي امثله كيف ممكن تلعبين بالالوان .. ابدعوا باللي عندكم و شوفوا وش يطلع معكم
هاه وش رايكم فيني و انا اشارك اسرار المهنه >> لا يكثر
Last Step
اذا انتهيتي من ال lip stick و ال gloss و بتاع كلو
لا تنسين اخر خطوه الي هي ال concealer
نفس النوع الي تستعملينه لهالاتك او لوجهك .. احب استعمل اللون الفاتح من باليت make up for ever
بفرشاه ال concealer او أي فرشاه صغيره ..
امشي على حدود الشفه و رتبي الرسمه .. بعدين شوي شوي ادمجي الكونسيلر مع البشره عشان ما يبين خط واضح
هالخطوه صراحه موب كل يوم اسويها .. عجز و كسل و قله سنع مني
بس لما تحطين الوان قويه .. ضروري ضروري تسوينها
فيه اختراع جديد عجبتني فكرته .. انا ما بعد جربته لكن حبيت اقولكم عليه
Concealer & lip liner pencil
من make up for ever
فكرته حلوه .. كونسيلر على شكل قلم مخصص للشفايف .. ممكن تستعملينه قبل ال lip stick عشان يطلع لك اللون واضح
و ممكن تستعملينه تحددين فيه حدود الشفه مثل الكونسيلر العادي
سهله الحركه عجبتني
و بس انعمي باحلى lip stick
كل الشكر لصاحبة الموضوع شتى ماشاء الله عليها مبدعة هي صاحبة الموضوع مهب انا يعني بدون اسئلة ^_*
من مواضيعي
تصرف ذكي من زوجها..خلاهم يوقفون عند حدهم ولا يضايقونها
ياحظ صديقتي.. زوج مليونير وقصر وخدم وحشم وسفر..
بشارة للبنات الغير متزوجات
اللي مو متزوجة تتفضل بالدخول
ايش هالجارة اللي ماتعرف تغسل ثيابها؟؟

مجهود تشكرين عليه
الله يعطيج العافيه

مجهود رائع
يسلموو

يسلموو ياعسل

مشكورة ياعسل

واو
موضووع رائع

الموضوع مفيد مره
المفروض يثبتونه والا يقيمون الموضوع
استغرب في مواضيع تافهه ومقيمينها المشرفات
اب بقوه
ويسلمو مره ثانيه