موظفةاوطالبةكيف تنظمين وقتك لزوجك والبيت

شوفي انا اقولك تجربتي
طبعا سابقا والا الحين خلاص ما اشتغل
وكنت ما بعد اجيب عيال يمكن الوضع كان غير
المهم اطلع من الدوام وننام واقوم قبل ما يقوم زوجي بساعه ونص واطبخ الغدا
طبعا ابدا بالشي اللي بياخذ وقت
يعني ادخل الدجاج بالفرن اول بعدين اركب عالرز
وبعدين الشوربه او الايدام واخلي السلطه بالاخير
وبس
وتر البصل خلي شغالات اهلك يقطعونه لك من بدري ويحطونه بالفريزر او انك اشتري الاله حقت تقطيع البصل عشان اسرع
حتي السلطه اشتري الاله حقت تقطيعها
واذا تحبين قدر الضغط يكون ممتاز لك وانتي طالبه
يعني الدجاج فيه ياخذ نص ساعه بس واللحم ساعه اسرع لك
واذا كان عندك وقت بالليل سوي مثلا صينينة الزانيا وحطيها بالثلاجه ولا تدخلينها الفرن الا بكره
واذا سويتي ادام كثري وحطي نصه اذا برد بالفريزر وبعد يومين طلعيه وسخنيه يصير كنه جديد
وبالتوفيق

أنا موظفة بنك , وخبرك كيف الدوام
من الساعه 8 الصبح أطلع من البيت ولا أرجع الا 5 العصر
:(
:(
مادري كيف حوسه ارجع تعبانه أنام ساعه واصحى اسوي العشا بس هذي وجبتنا
وأنام بدري بعد ههه
مسكين مطنشته
وللحين ماعندي بيبي

السلام عليكم
انا لما تزوجت كنت طالبه اطلع من البيت الساعه 6 الصباح وارجع الساعه 2ونص ومكان دراستي بعيد وتعب الطريق والشمس والحر واول مااوصل البيت كنت اتمنى انام لو نص ساعه بس الي ساعدني انه يجي من الدوام بعدي يعني يجي 3ونص اول مااوصل البت اخش اخذ شور سريع طبعا اطلع الي ابي اطبخه من الصباح لمااكون ابغى اداوم مثل الحم او الدجاج عشان يفك من الثلج المهم بعد مااطلع من الحمام اعزكم الله البس واكشخ مو كشخه كشخه يعني حق مشي حالك واخش المطبخ احط الاكل ع النار واطلع ارتب غرفة النوم واحضر له الحمام(((مدلع الاخ)))ههه احيانا يجي وانا لسه في المطبخ استقبله واخليه يخش يأخذ شور وانا ارتب الغرفه بسرعه بسرعه واحيانا يضحك علي ويقولي عادي واحيان يقول لا تطبخين غداء اجيب معاي واحيان ام زوجي الله يحفظها احط عندها المفتاح ترسل الشغاله تنظف البيت وتطبخ الغداء وهيك وهيك تمشي الحياه
بعدها ننام الين اذان المغرب نقوم نصلي وهو يروح يسلم على اهله وانا اقوم اذاكر شوي واحيان اطلع معاه عند اهله او اهلي والساعه 11 نتعشى وبعدها ننام اصحى الساعه 5 الصباح اكوي ملابسي وملابسه اذا ماكويتها من الليل واستشور شعري واتجهز واصحيه يصلي وعلى هالموال احيان ننام حتى وقت متأخر ونسهر باقي اليوم عاد مافي اولاد عايشين براحتنا والحمدلله مشيها تمشي
تشاو

انين الله يعينك
مشكلة دراسه وزواج ,
أشوف صديقاتي لما كنت بالجامعة بصراحه مدري كيف عايشين
ضغط دراسه + البيت الله يعين
أنا ارجع البيت والاقي امي مجهزه كل شي وانام ولا وراي زوج وفوق هذا يالله أنجح
وصديقاتي المتزوجات أشطر مني ههه
اكتشفت أنه يعتمد على تنظيم الوقت فقط

توني متوظفه وابن الحلال الله يجيبه للحين ماجا
ودايم افكر بهالموضوع خصوصا اني بالطبخ والتنظيف والغسيل ميح مااعرف شئ هع هع

الله يعين الجميع بس من جد جربت الدراسه وبيت ومذاكرة وطفله الله يحفظها وهو بعد كان يكمل دراسته ليلي ماهقيت على الله متى نخلص من الأرهاق والتعب وانعزال عن العالم بس من جد ياليت هذيك الأيام ترجع ) صحيح لها طعم والزبده نظامي كان من جد صعب دراستي من العصر الى العشاء كنت ادرس دبلوم برمجه وطبعا المذاكرة تبتدي عندي من الفجر الى الظهر يعني نظامي كان متعب وتقبلوا مروري

انا بنووته ادعي لي اتزوج
بس افيدك من خلال خبرة قريباتي الموظفات المتزوجات
من الليل وقت العشا اطبخي مرقة الدجاج او اللحم حسب رغبتكم يعني سوي البصل والزيت والدجاج والبهار والطماط واطبخيخم نص طبخه وطفي عنهم وعقب ساعه دخليهم الثلاجه وبالظهر خرجيهم وسخني عليهم ربع ساعه وحمري الدجاج بالفرن وحطي الرز بالمرق واعملي السلطه..
واستخدمي قدر الضغط الكاتم اسهل لك واذا حبيتم تعملو ادامات من الليل اطبخيهم وحطيهم بالثلاجه والظهر سخنيهم وسلامتك
وعقب صلاة العصر نامي ساعه ساعتين وريحي وعقب المغرب استأنفي عملك للبيت واطلبي البركه من الله قولي اللهم بارك لي في وقتي وجهدي وتعبي

آآآآآآه جات عالجرح ...
مرة الوقت صعب وقلييل جدا وتعب ... هادا وانا لسع ما عندي بيبي ...
بس تنظيم وقتي مشي الحال ..
انا ارجع من الجامعة الساعة 2ونص /3 اول ما ارجع انزل اللحمة واخليها تذوب ... وعبال ما تدوب اكون غيرت ملابسي ورتبت البيت .... ونمت نص ساعة
وبعدين اصحى اسوي الغدا وادا في ملابس اطبقها واكويها وانا اتفرج تلفزيون ...
وزوجي يرجع الساعه 5 ونص / 6 .. نتغدى على طول ...
بعدو هوا يحط راسو وينام ساعتين .... وانا ابدأ افك كتبي واحل ولا اذاكر ولا عالنت ..
لمن يصحى انا اكون خلاص راح اموت من النعاس .... اصبر نفسي الين الساعة 12 / 1 بعدين انام ...حتى لو كان هوا صاحي ومرات اطول معاه لين ما ينام ...
وفي الصبح الساعة 6 ونص ااصحى عشان البس واعمل الفطور ...
يعني بس وجبتين عندنا ...
وبس مو قادرة اعمل احسن من كدا ... بس الحمد لله
...

بس صراحة انا ما احب حركة انو اطبخ من الليل ... عشان ما فيا اتروش في الليل عشان ريحة الاكل ...
يعني احس قبل ما يجي زوجك تعملي الاكل وتتروشي وتتزبطي مرة وحدة ... وكمان عشان لا تتركي المحروس لوحدو وتطبخي ... ادا كنتي في بداية الزواج ....
صراحة حركه الخضار والادامات والبصل الي مزبط ومقطعة من عند الاهل مرة تفيد وتسهل ..
بس سؤال >> ينفع مثلا اخلي اهلي يعملولي بصل مكشن مع طماطم واحطو في الفريزر ؟؟؟ عشان مرة سهل يصير كل يوم اخد كيس ...
حتى في رمضان كنت ارسل اللحمة المفرومة لاهلي واخلي الخدامات يعملولي سمبوسة ... وفرموزة وكل الاشياء الي تنفع تتحط في الفريزر ..