موقف حصل مع أم زوجي وأخته قهرني

تخيلوا يا بنات نفسكم في دا الموقف
في يوم كان شبكة ولد خال زوجي وحضرنا الشبكة وكانت تبارك الرحمن بسيطة وحلوة والعروسة ناعمة
وبنت ناس ومؤدبة لدرجة خجلتنا بطيبتها لانها بعد الزفة والناس في البوفيه هي بنفسها جات تسلم علينا حتى انا اكبرت فيها دا الموقف
و أهل العروسة وضعهم المادي كان ممتاز و أهل الولد أقل بس ما شاء الله مابينوا المهم
المهم خلصت الشبكة وجينا راجعين انا وزوجي وامه واخته في السيارة
زوجي كان بيطمن على ولد خاله لان زي ماقلت اهل البنت مرتاحين ماديا مقارنة بأهل الولد
فقلت لا ماشاء الله اهل البنت والبنت اكرمونا ورحبوا فينا وكانوا طايرين في العريس
جات اخت زوجي ياربي عفوك دحين زوجي يسأل من ناحية التكبر وشوفة النفس
يا شين اللقافة ايش تقول؟؟
البنت كانت ( سو نايس وكيوت مرة ناعمة وزوق مرة عجبتني يالله )
انا خلاص ولعت اش دخلها تقله دا الكلام
لا ولا أمه ياناس بس ايش اقول الشكوى لله
فاتك يافلان العروسة مرة حلوة دحين هو ايش دخله حلوة ولا وحشة
وقامت توصف في الفستان والبنت وشعرها ومكياجها وانها عاجبتها
المهم انا ما مسكت نفسي وجبتها بمزح وقلتلها ياماما مايسير انا جالسة كيف توصفي عروسة فلان قدام زوجي زوجي قام قال صادقة هادي زوجة ولد خالي بدري
المهم انا مشيتها عارفة موقصدهم بس اني مرة مقهورة طيب اذا امه على نياتها اخته ايش عذرها
يا بنات لو كنتوا مكاني ايش تسوا؟؟