ميلك شيك برآلين ب المالتريز ولعيونكم صورة

•¦რѕнọάr ε

11-12-2022 - 06:27 pm

.. .. .. .. { ..
؛ ,
السلام عليكم ورحمة الله ..
صبحكم الله بالرضا والسعاده ..
كيف حال حبآيبنآ .. يارب الجميع بخير<< مدري شعندها من الليل وفي عز البرد ايس كريم وميلك شيك وبلاوي زرقا
عموما :..
لي فتره طويله عن أقسآم المطبخ .. وحبيت أطل عليكم بشي رهيب
في البرد اللي احنا فيه يعتبر جنون بس عاد انا مجنونه واعشق البرد ..
الموهيم عملت من كم يوم ميلك شيك لاني كنت مشتهيته جدا على الساعه 2 الليل
وماعندي من يجيب لي ها الوقت .. تذكرت إني عامله إيس كريم برآلين بالكريمة ..سيم سيم باسكن روبنز
فقلت أعمل لي كوب حدي نفسي فيه ..
وطلعت هنا الافكار ضفت على الايس كريم مالتريز وسميته ب/.. ها الإسم التركيبي يهبل مو ..
ما ابي اطول عليكم نشوف الصوره الخقه .. و نروح للمقادير والطريقه
م/.. مقاديرهآ :
كوب ونص إيس كريم بآسكن روبنز برالين با الكريمة ( بس انا استخدمت ايس كريم عملته بنفسي )
كاسه حليب سائل
1 شوكولاته مالتريز
مكعبات ثلج وممكن الاستغناء عنها ..
.
.
تحطين المقادير في خلاط العصير وتخليطنهم مع بعض
تصبين في كاسة التقديم وتزينيه بالتوفي او المالتريز او الايسكريم
وهني وعافيه على قلبك ..
.
.
جربوه طعمه يهبل و لذيذ جدا ومنعش ..
اشتهيته وانا اكتب الموضوع بقوم أعمله تفضلو معي ..
حبي لكل من مرت هنآ