مين تعرف شي عن جامعة ملك سعود الي بفلوس

سـالي

30-09-2022 - 07:48 pm

السلام عليكم
لوسمحتو ا انا سمعت انه فيه بجامعة الملك سعود قسم تاهيلي او شي زي كذا!!
وهو انك تسجلين بالقسم الي تبينه بس على احسابك !! صح ولا لا!!؟
الي عندها معلومات ترد الله يعافيكم !وهل فيه علم نفس ولالا؟؟
ووين موقعهم؟؟
وبكم ؟
تكفون ردوا علي الي عندها خبر ابليز!!!

التعليقات (9)

سـالي

30-09-2022 - 11:03 pm

لو تكرمتوا ممكن احد يرد!!
الي عنده خبر ابليز لاتبخل علي

ســـمـــر

01-10-2022 - 12:04 am

اهلين اختي
الأقسام كلها اكتفت للفصل الدراسي الثاني ولم يتبقى الا قسم الرياضيات وقسم الفيزياء
إذا حابه أحد القسمين روحيلهم بحي الفاخرية بشارع التلفزيون وإسألي عن كلية الدراسات التطيقية وخدمة المجتمع وإن شاء الله تحصلينها

بنت مشيب

01-10-2022 - 01:05 am

هلا عيوني
انا مسجله للترم الثاني فيزياء وخلاص الاقسام اكتفت
بس روحي اسالي يمكن تلقين ..
ربي يوفقك

الهاشمية أسمرانية

01-10-2022 - 02:06 am

اهلين اختي سالي
بالنسبة للجامعة انا عني تخرجتمن كلية الدراسات التطبيقية دبلوم محاسبة وفي نفس الكلية تقدرين تسجيلين بألبرامج الانتقالية هاذي اللي بالفلوس بس الفرق بينها وبين الدبلومات ا ن الدبلوم سنين
والبرامج الأنتقالية طبعا مع مجموعة اقسام هم محددينها بكالوريس طبعا اذا حابة تسجلين فيها تروحين لنفس الكلية اللي هي كلية الدراسات التطبيقية مبناها ورى وزارة الأعلام او برج التلفزيون عشا ن التسجيل بالكلية
وتدرسين سنتين بفلوس واذا جبتي معدل تكملين سنتين زيادة وتكلمين من غير فلوس + مكافأة وزي كذا
واذا تبغين تعرفين اقسام البرامج الأنتقالية هاذي هي
علم نفس
تربية خاصة
تعليم ماقبل المرحلة الأبتدائية
اللغة الانجليزية
اللغة العربية
دراسات اجتماعية
محاسبة
ادراة اعمال
فيزياء
رياضيات
وانشالله تستفيدين

الهاشمية أسمرانية

01-10-2022 - 03:07 am

صح نسيت بالنسبة للرسوم هم محددينها بالكلية نفسها انا ماعرف بصراحة كم ..
وهاذي ارقام الجامعة لو تبين لأنو عندي الورقة تبع الكلية لأنوا اختي باقيلها اخر ترم فيها
4414834/4417412
سنترال 149/144/142/140

لمحة الم

01-10-2022 - 04:08 am

يارب فادوك البنات نفس المعلومات وصاحبتي تدرس فيها كمان محاسبه اخر تيرم ومعدلها حلو ان شاء اله تتحول انتقالي السمستر الجاي

سـالي

01-10-2022 - 05:09 am

مشكورين على الردود
وخاصه الهاشميه الله يجزاك خير

الوفيه دوووم

01-10-2022 - 06:10 am

طيب يا بنات انا رحت وسألت وقالوا لي ان اذا قبلونا بس الدراسه انتساب وانا ما ابغى انتسااب صح الكلام والا لا
واتوقع انها ب3000 هذا الي اعرفه
الي متأكده من اي شي تقول
الله يجزاكم خير

Sun and Hope

01-10-2022 - 07:11 am

انا قرات عن الدراسة عن بعد في جامعة الملك سعود دخلت على الموقع ولكن للاسف مافي الا نبذة حتى غير واضحة عن التخصصات والاقسام الي ممكن انك تتخصصين فيها او حتى الرسوم ...؟؟؟ يعني بصراحة استغربها من جامعة كبيرة ..!!!!!
هذا مع العلم انه صدر قرار بتعميم الدراسة عن بعد في كليات وجامعات المملكة عام 2004م وللاسف ولا شيء واضح في مواقعهم ... الله المستعان ..
الله يجزى من طرحت هذا الموضوع الي من جد قاهرني الف خير ... واتمنى الي عندها خلفية عن تخصصات الجامعة عن طريق التعليم عن بعد تدينا خلفيتها ...هذا والحمد لله رب العالمين ...
مقهورة على شهادتها ..!!!!!!!
سبحان الله وبحمده سبحان الله العظيم

دبلومات جامعة الملك فيصل←
استفسار عن جدول الكليه الصحيه في مكه→