نبذوها أهل زوجها بعد ان قالت عنهم

السلام عليكم ورحمة الله وبركاته
اترككم مع القصه وبشوف رايكم فيها .......
فيه وحده كانت مسافره وتوها جايه من السفر وتعبانه ومنهده وما نامت يعني بالعربي ظروفها النفسيه والبدنيه زفت
في هذه الظروف اتصلوا اهل زوجها الموقرين على ولدهم اللي هو زوجها وقالو انهم بيجون يسلمون عليهم و يتعشون عندهم طبعاً الرجال قال الله يحييكم البيت بيتكم الساعه المباركه
الحرمه كانت تعبانه وواصله معها وجو اهل زوجها ومحد منهم قام يساعدها وهي في المطبخ قاعده تطبخ لهم العشاء ... وأثناء ماهي في المطبخ اتصلت عليها اختها على الجوال وقعدت تتكلم معها وقالت الزوجه كلمه شينه في حق اهل زوجها (هي ماصرحت وش قالت بالضبط ) المهم صادف وجود بنت عمرها عشر سنين من بنات اهل زوجها وراها وهي ما شافتها ولا انتبهت لها ( اللي هي الزوجه )
البنت سمعت الكلمه هذي... وطيران على اهلها ( كني اشوفها الله يغربلها ) في المجلس تعلمهم
(( ترى فلانه قالت عنكم كذا وكذا ))<< تموت وتعرف وش قالت عنهم
المهم اهل الزوج ما صدقو خبر على طول لقطو عباياتهم واتصلو على رجالهم وركبو سياراتهم يعني طلعوا زعلانيين ما تعشوا !!!!!!!!!!!!!!
وقالو لولدهم زوجتك هذي لعاد تجينا ولا نشوفها نهائياً
وصار يروح لأهله هو وعياله كل اسبوع لانهم يجتمعون كلهم وهي قاعده في البيت منبوذه بعد كلمتها ذيك ....
وبعد كل زياره لأهله يقعد يومين ما يكلمها مقهور من اللي سوته مع اهله
انا صراحه رفعوا ضغطي اهل الزوج احسهم مراجيج بصراحه وتصرفهم اهوج
ما نقول لا الحرمه غلطت بس مهما كان هي ما غلطت قدامهم هذا انفعال وطلعته قدام اختها يعني بيحاسبونها حتى على تفكيرها !!!!!!
يعني مهما كان لازم الواحد يتجاهل عشان تمشي الحياة ... و لو يقعد الواحد يدقق على كل كلمه تنقال والله ما مشت الحياة وصارت مشاكل مالها أول ولا آخر .... صح والا انا غلطانه؟
انتم وش رايكم ؟؟؟؟
مين الغلطان ؟؟
هل هي الزوجه فقط أم الزوجه واهل الزوج ايضاً ؟؟ ومن الذي له النصيب الاكبر من الغلط ؟؟
للامانة منقول ..