نحن مشرفات القسم نهديكم صفحات للتواصل والتحاورفيها عن خطة الحمل شات المتأخرات

تسلمين حبيبتي على هالفكره الحلوه
آنا يا حبيبتي مشكلتي اني تزوج من 8 شهور ونص بس عقب الشهر الأول
زوجي سافر وشهرين ما لمسني او بحروة الشهر ونص وعقب سكنه وعادي الأمر طبيعي
بس من سكنه مرت شهرين تيي لي الدوره شبه منتظمه وفي اخر دوره تاخرت وانا مو من عادتي
انه الدوره تتاخر عليي اهي تاخرت يومين وانا زرت الطبيبه سويت تحليل حمل طلع سلبي قامت الطبيبه سوتلي سونار وقالت في تكييس بسيط وكتبتلي على حمض الفوليك وغسول وقالتلي اذا مانزلت خلال خمس ايام تعالي اعطيج دوه وانزلها لج عقب ثلاث ايام نزلت وقالت باليوم الواحد والعشرين من الدوره تعالي سوي تحليل تبويض وسويت وطلع تبويض ضعيف لانه الشحم ضاغط على البويضه وقالتلي ضعفي وامشي عشان تتنشط البويضات ويذوب الشحم مع اني مو متينه بطوطه وسالتها انه في بنات وايد متان ويحملون تقولي بنت عن بنت تفرق سبحان الله تلاقين بنت امت منج بوايد بس تحمل لانه شحمها متوزع كل مكان مو بس في البطن وفوق البويضه مثلج وقالت اذا تبين تحملين تعاليلي ثاني يوم من الدوره المهم وبالشهر اللي عقبه الدوره ييت منتظمه ولمن صار ثاني يوم رحتلها وشافت كل شي سليم وعطتني كلومين حبتين كل يوم من ثاني يوم دوره لمدة خمس ايام وعقب اجي باليوم ال 12 عشان تعطيني ابرة التفقيص رحت وكان في لابويضتين او ثلاث بحجم 19 و 20 وقالت ممتاز وعطتني ابرة التفقيص بس ما انكتبلي الحمل عقبها نفس الموا ثاني يوم من الدوره رحت عطتني كلومين ثلاث مرات باليوم من ثاني يوم لمدة خمس ايام وهم ما صار حمل قالتلي وبعيدن معاج قلتلها انا شكو شنو بيدي الله ما كتبلي الحمل قالت اوكي بنبلش بالابر واذا ما صار حمل ترتاحين شهر عقب تيين تاخذين ابر مع تلقيح صناعي لا بارج الله بالابر اللي اكسرت ميزانيتي وظهري يوم تيي الدوره وقضضت فخوذي ولا في فايده هم ما حملت والحين انا موقفه وموعدي على الشهر الياي يارب احمل وما احتاج للتلقيح الصناعي اللهم امين ادعولي يا بنات تكفون ابي اشوف ضناي اول احس فيه في بطني يتحرك عقب اشيله وألمه وأشمه يارب حقق أمنيتي هذه عاجلاً غير آجلاا ولباقي الفراشات المتمنيات للحمل يارب العالمين يارب

ياهلا ياعمري
الله
يرزقك الحمل
التام والذرية
الصالحة
وتفرحين بالحمل
يارب
وتفرحين بإحساسه في
بطنك يتحرك
وتفرحين بشوفته
وضمته وتعطينه
كل الحب
الصبر
يالغالية فالقادم
بإذن الله اجمل
وربي بيرزقك ويرزقنا
جميعا بإذن الله
دعواتي لك

اللهم أأأمين ان شاءالله الله يكتب لج ولي ولكل مسلمه تبي الذريه%%%% انا صار لي أحاول 5 سنوات تقريبا بدأت حبوب ثم أبر ثم تلقيح وكانت نفسيتي مرتفعه حيل كنت متأكد اني راح أحمل توأم بس الحمدلله على كل حال والحين تقولي الدكتورة شرايج في أطفال الأنابيب؟ وأنا خايفة منها لأن فيها تخدير ! والله لا يحدنا عليهم ويرزقنا بكن فيكون وعلى فكرة اليوم نتيجة تلقيح صناعي سلبي(يمكن قريتوه عنوان تلقيح صناعي 25\6 صراحه مابكيت اول ماشفت الدورة بس بكيت لما كلمت أمي لأنها ياحياتي الله يخليها لي كانت تحاتيني وكل يوم تمرني وتتصل على طول وتعرف من نبرة صوتي اذا فرحانه أو؟

السلام عليكم
اشكر حبيبتنا ميشو الغاليه على قلوبنا جميعا على هذا التجمع الذي من خلاله سيجمعنا على مبدأ الأخوة والحب والتعاون واكيد راح نستفيد من تجارب بعضنا البعض ولن نبخل على غيرنا بالمساعده
لكم خالص حبي واحترامي
اختكم في الله
اسيل26

مشكورين الله يعطيكم العافيه
ويرزقكم الذرية الصالحة ويفرحكم يارب
ميشو دائما سباقه الى الخير
الله يفرحك
يارب
وانالي سنتين من الزواج زوجي عنده ضعف بالحركة والعدد
وانا فيني ضعف بالتبويض الله يرزقنا ويفرحنا يارب
الله لايحرمنا من بعض
من الجنين اللي ينو في احشائنا ويقربنا ويربطنا باازواجنااكثر
الله يهدي ازواجنا ويشفيهم ويسخرهم لنا يارب

اسولتي
نورتي ياقلبي
انت فالقلب
يالغالية
قبل الصفحات
اخت وصديقة وعزيزة غالية
ودعواتي لك
دوما
وانت تنورين كل مكان ياعسل

شدعوة يا مشرفتنا الحلوة مافي ترحيب فيني ادعولي على الأقل أحس أحد قرأة رسالتي؟؟؟؟!!!!!!!!

توتي
لالالالالالالالالالالا انت من طل علينا
ولا القمر
وحشتيني
من زما ان
عنك
لو دريت من زمان
نزلت موضوع حتى تنورينه
شخبارك
ياعسل
مشتاقة لك

هلا بحبايبنا نورتوالشات المشرفه ميشو -Q8ya - توتي الصغيره - مزهريه
ويارب يرزقنا جميعا ويفرح قلوبنا