نداء لكل النحيفات حماس همه نظام نوصل للوزن المطلوب

اهلين ريومة
موضوع واو جنان وخطير
استفدت منها
احب ازيد شيء بعد كل فترة اكلى شوكلاتة بس بنظام عشان ما يطاع حبوب على بشرتك

لاتقهروني تخلوني ادعي عليكم
الناس تبغى تنحف وذولي يسمنون
احمدوا ربكم بكره تصير اوزانكم فوق الميه تبكون تقولون ليتنا وليتنا
عموما الله يحقق اللي تبغونه
وادعولي انحف يابنات

الكاتبة الصغيرة يسلمو على ردك

لون الامس عسى ربي ينحفك وينولك اللي فبالك ..
بليز يابنات ارجع اكرر
الموضوع للإفاادة اللي مالها حاجه فيه لاترد مانبي الموضوع تكثر صفحاته بدون فايده..
واتمنى من احد المشرفات تثبته لي لأنو رح يفيد الكل..

وينكم يابناات :(
معقووله مافي وحده تبي تسمن!!!

????????????????????????????

رجعت لكم مع اني زعلانه حيل لأني مااشفت اقبال وللحين ماجاني الا رسالة وحده وانا اللي متوقعه منكم
تحمسوني عشان اكمل
انا رح اكمل واتمنى القى تفااعل ومشتركاات ينظمون لنا ..
اول شي الأشياء اللي انا جربتها وفادتني ..
1- حبوب الخميرة المركزة << لأنها تبين بسرعه وممكن تستخدمين الخميرة النقية
طريقتها تاخذين حبة بعد كل وجبة واذا كانت النقية تاذخين حبتين بعد كل وجبة..
هالحبوب ماتمسن الجسم انا اللي لاحظته فيها تصفي البشرة حيل واظافرك تصير مرره روعة
وتشيل السواد اللي تحت العيون وتسمن الخدود ويمكن الجسم شوي بس هذا اللي لاحظته..
2- حبوب مسيقور << استخدمتها بس ماقدرت لعيها لأنها تنوم اول اسبوعين ويبيلها وحده جاده
من ناحية تفتح الشهية تفتحها مره بس لازم اول اسبوعين تسمينه نووم
هذي وصفتها لي اخصائية وقالتلي حبتين باليوم قبل الاكل بنص ساعه..
3-حبوب زيت سمك القد << هذي حبوب حلوه حييل ومفيده للشعر والبشره والجسم بشكل عام وتسمن
فيها كل انواع الفيتامينات والحديد والكالسيوم والزنك وحمض الفوليك
تبون اكثر من كذا...وتفتح الشهية وتعطي نشاط..
هذا اللي استخدمته وحالياا انا وصيت على حبوب سيبروفيتا لأني شفت ناس كثير تمدحها بس مشكلتها
مو موجوده بالسعودية ووصيت عليها من الكويت مدحوها كثير وقالوا مافيها مضرة والله اعلم ..
وفي شي يسمونه المفتقه << هذي معرووف عنها تسمن وهي اكله مصريه واحلى شي اليوم اني جبت لكم
وصفتها عشان تسوونها بالبيت
المقادير : ------------
كيلو عسل اصلي
نصف كوب حلبة مطحونة ( بودرة )
2 ملعقتي دقيق
كوب صغير زيت زيتون
نصف كوب سمسم
كوب او اكثر حسب الرغبة مكسرات مطحونه
كاجو+ لوز+ جوز+ فول سوداني + بندق
الطريقة : -------------
1--ضعي العسل في اناء علي النار حتي يسخن لاتتركية يغلي بمجرد ان تري الفقاقيع اغلقي النار
2-- احضري الحلبة المطحونة ورشيها على العسل وقلبيهم جدا ليمتزجوا واشعلي النار مرة اخرى
وبمجرد ظهور الفقاقيع اغلقي النار
3-- في اناء اخر ضعي الزيت وضعي علية الدقيق ليصبح لونة اشقر فاتح ثم ضعي السمسم
والمكسرات ليشقر لونهم ايضا لا تحمريهم كثيرا في الزيت
4-- ضعي خليط الزيت والدقيق و السمسم و المكسرات علي مزيج العسل و امزجيهم جيدا جدا
و اتركي الحلبة المعقودة لتبرد
5-- صبي الحلبة في برطمانات زجاجية
ملحوظات هامة : ------------------
1-- قوام الحلبة يكون غليظ نوعا ما
2-- لا تتركي العسل يغلي علي النار كثيرا لان ذلك سوف يغلظ من قوام الحلبة جدا ويجعلها
قاسية ويحول طعمها لطعم به مرارة
3-- في حالة اصبح قوام الحلبة قاسي جدا يمكن اضافة كمية من العسل ولكن بعد تسخين العسل علي النار
طريقة الاستخدام: ملعقة كبيرة بعد الاكل
3 مرات باليوم
اذا ماحصلتي المكسرات اللي ذكرتهم انا حصلت بس الكاجو والجوز واللوز هذولا عاد حلوين مره خاصه الكاجو يسمن الوجه
عاد انتي حطيه كميه من كل نوع بكاسه شاي(بياله )واطحني وبعدين خلطوهم كلهم مع بعض راح يطلع لك اكثر من كوب حطي
كل الكميه يعني كوب ونص..
والحين بكتب لكم نصائح شفتها وقلت افيدكم ..
ف أفضل وسائل الزيادة تكون بمراعاة الآتي:
1- تقليل الحركة التي ليس لها داع ، وتقليل العصبية بالوسائل المعروفة والمفيدة، كذلك تقليل التفكير
غير المجدي أو الأحلام غير الواقعية.
2- تناول الأغذية المناسبة، من حيث الوقت والنوع والكمية، وأقصد بالوقت أن تحرصي على وجبة أول اليوم
وآخره، بحيث تكون الفترة التي يمكن فيها الأكل طويلة، فلو كنت تنامين لفترات طويلة، فإن ذلك سيكون
على حساب وقت الأكل، في حين معدتك صغيرة يمكن أن تملأ بسرعة، فلا يكون الوقت كافيا لتناول المزيد
من الأغذية المفيدة في اليوم.
3- التمارين مهمة جدا جدا، بالذات لمن حاولوا زيادة الوزن ولم يوفّقوا، وقد ذكرته في النقطة الأخيرة هنا.
4- ثم العزيمة العزيمة، وأفضل طريقة: وضع هدف محدد، مثل أن تقولي: بمشيئة الله سأزيد
وزني نصف كيلو هذا الأسبوع، فكري كيف سيكون جسمك بعد شهرين؟
(في منتصف العزيمة الصيف) ماذا سيقول الناس عنك؟ كيف ستبدين؟ جذابة، كيف تستطيعين أن تلبسي ما يناسبك من الملابس؟!
كل ذلك يشحن قدراتك، ويجعلك تواصلين؛ فالكثيرون يعملون برامج، لكن لا يتابعون فيها،
بل يملون ويتوقفون بعد أيام أو أسابيع، ويمكن لاختصاصية التغذية الواعية أن تقوم بدعمك
وتشجيعك للوصول إلى هدفك...
ولحد هناا وبوقف لين اشوف الحمااس وابي يابناات تجاربكم واللي استفادت وسمنت تعلمناا
وابي ناس تشجعني وتشاركني نكون قرووب مع بعض ..
دمتم بود
*ريوومة*

وعليكم السلام ورحمة الله وبركاتُه ،،
وشلونك ريومة عساكِ تختني شوي ولا هو أنتِ ماتغيرتي<--- سؤال لكل من يشوفني بدل مايقولون كيف حالك طيبة ( وجه حزين حده )
والله هجري النحف معاناة بالذات اللي مثل حالتي يعني أنا وزني 35 وإذا أكلت شي يعننه يرتفع 36 وعلى هذي الحالة
ماخليت دكتور ولا فيتامينات وحتى عصيرات طبيعية مثل قمر الدين جربته أعطى مفعولة بس كثرته سببت لي حموضة وحرقان بالمعدة <-- يعني وش نشرب
المُهم أراد الله ورحت ل طبيبة شعبية بس مسكتني مع يدي وقالت عندك إلتصاق بالمعدة وهذا أنا على علاجها ( عسل طبيعي + خلطة عشبيه من عندها ) يعني متأملة خير من علاجها لأن فيه بنت مثل حالتي وتحسن جسمها بفضل الله ثُم هالحرمه
أما من ناحية اللبس ف صدقتي والله انا اغلب لبساتي عند الخياط تضييق كله
حتى لبس العيد ضيقته شفتي شلون الحياة صعبه بس صابرين عليها
يارب تحقق أمانينا

أبي اسمن <<اهئ
سمعت بالحلبه مع كوب حليب عللى الريق
ونتائجها مضمونه مليون بالميه ولها فوائد للبشره
بس عيبها ريحتها <<تقرف
وبالنسبه لي تلوع كبدي بطعمها
مااقدر على استخدامها بس اللي لها القدره تاكلها اوتشربها انحلت مشكلتها بسرعه
اتمنى افدتكم ياحلوين ومشكوره يااحلا ريومه على اتاحة الفرصه ...
اللي وزنها 35 الله يعينك
أنا انا انا<<هع
60 وابي اسمن انا وخشتي بس تراني نحيفه مره لأني طوويله فا مو مبين على هالوزن اللي يشوفني يقول وزنها بالثلاثين وبالكثير بالاربعين
معاناه مع البناطيل خصوصا تطيح <<ههه
<<الاحزمه معبيه الدولاب ههه