نزل دم وبعدها بني

همس الدوحة

26-10-2022 - 03:46 am

بنات انا اليوم ال28 من بدء الدورة السابقة ..
يعني موعد الدورة الحالية بالتمام ..
أمس الفجر نزل علي دم اشوي وبعدها بالليل نقط لاتذكر علما بان المغص من 10 ايام يجي ويروح بس امس ماجاني مغص .
واليوم قلت بتنزل الدورة عدل بس تفاجأت بألم في المهبل بدون مغص وبعد هالالم اللي جاني انزلت علي افرازات بنية هذا كان فجر اليوم وألحين مافي شي ..
مادري شاسوي ؟ اشرايكم انتو ؟ هل اشرب شي ينزلها ولا انتظر ؟
ملاحظة :
من 3 شهور اخذ كلوميد كل شهر تزيد الدكتورة الجرعة وهالشهر قالت المبيض 20 حجمه وعطتني ابرة تفجيرية بس انا عندي هرمون الحليب 42 ويوم خذت الابرة التفجيرية كنت ماكلة حبة وحدة لعلاج هرمون الحليب فماعتقد انها تكفي انه ينزل صح ؟
ابي انزل الدورة عشان اروح اتعالج اثناء الدورة .. هل امس يعتبر اليوم الاول لي ولا لازم تنزل الدورة عدل وماتنحسب الايام هاذي ؟

التعليقات (9)

ذابحتهم عيوني

26-10-2022 - 06:55 am

حبيبتي ماتعتبر دورة الدورة لازم يكون الدم مستمر حتى لو قليل
نطري يومين وحللي وإذا مافيه حمل راجعي الدكتورة عشان تنزل الدورة
يمكن حمل الله يرزقج يارب

توتي الصغيره

26-10-2022 - 07:56 am

حللي قبل
لاتسوين اي شي
ان شاء الله خير

همس الدوحة

26-10-2022 - 08:57 am

ذابحتهم اعيوني
توتي الصغيرة
مشكورين على دعواتكم بس لاني خايفة اتم يومين وبعدها اتكون دورة ويفوتني علاج ثاني يوم الدورة اللي كلوميد ومنشطات ..
لان اليوم الثاني للدورة هاي اذا كانت دورة بس لاني حاسة انها دورة لا ومنتظمة بعد لانها جات عدل بس عيبها انها ما انزلت ..

همس الدوحة

26-10-2022 - 09:58 am

بنات انا طول هالشهر وصدري يعورني مرة يمين ومرة يسار هل هاي من ارتفاع هرمون الحليب علما باني يوم عرفت بارتفاعه ماكنت احس بأي ألم في ذيك الفترة ..
او هل الألم من حبوب هرمون الحليب ؟

همس الدوحة

26-10-2022 - 10:59 am

معقولة محد يعرف اذا كان الم الصدر من هرمون الحليب ولا من الحبوب ؟

..NORH

26-10-2022 - 12:00 pm

اعتقد انه من الحبوب لان اختي كان مرتفع عندها
ولما اخذت الحبوب صارت تحس بنغزات بس انتي كيف تاخذي كلوميد وابر تفجير والهرمون عندك مرتفع لازم اول شي تعالجي الهرمونات بعدين
تبدي بالمنشطات
اختي ونصيحه كلي خس كثير وعسل على بال ماينزل هرمون الحليب لانه بعد شهر من العلاج ان شاء الله بينزل ادا كنتي تستخدمي حبوب دوستنكيس
لان مفعولها افضل من الحبوب الثانيه
تقبلي تواجدي
ولاتنسيني من دعواتك

همس الدوحة

26-10-2022 - 01:01 pm

norh
مشكورة على ردج .. وبالنسبة لسؤالج ترى الدكتورة اهي اللي اتقرر .. يعني عطتني الابرة والكلوميد وبعدها شافت ان الهرمون مرتفع وعطتني الحبوب اللي قلتيها ..

همس الدوحة

26-10-2022 - 02:02 pm

اليوم الفجر جاني نفس الالم في بداية المهبل وبعدها نزل علي اشوي بني ... نفس امس يعني ..
مادري متى بتنزل وبتفكني من هالتوتر ..

هلاليه بكيفي

26-10-2022 - 03:03 pm

نفسك بالضبط
وراجعت عند الدكتورة وحللت مافيه حمل
قالت اعتبريهاا دوره واعطتني فيتامينات..

ساعدوني دورتي سوداا←
أفرازات بنية→