نصائح ثمينه لشعر

نصائح للشعر ::
مثل ماهو معرف ان الشعر هو تاج المرأه
كيف نحافظ على جمال هذا التاج ؟؟
نصائح اهديهم لكم .. واتمنى تفيدكم
:: اذا كان شعرك مبلول انتبهي تفركينه
يعني مثلا توك ماخذه شور وانتي تجففينه بالفوطه ..لاتفركينه
اخذي الفوطه .. ولفيها على شعرك وحاولي تضغطين بخفه على شعرك
علشان الفوطه تمتص الماء الزايد .. بس انتبهي ثم انتبهي تسوين معركه في التنشيف!
وتقعدين تفركين الشعر بالفوطه لين ينشف ...!!
ولو تستخدمين الفوطه المخصصه للشعر يكون افضل بكثير
كل الي عليك انك تلفين راسك فيها وهي بطريقها تمتص المويه الزايده
:: لاتنسين تستخدمين ماسك للشعر بالاسبوع مره
حلو انك تدخلين عناصر الطبيعه فيه ...
بس اذا ماعندك وقت وبتكونين مزحومه ... اخذي لك واحد من ماسكات ويلا
واحلى شي الي بالفواكه او بالاعشاب
وحاولي تستفيدين الى اقصى درجه من الماسك .. وخليه فتره من نص ساعه الى ساعتين
ماراح اقول لك اقعدي تحت الحراره والا شي بيتعبك
لا لفي شعرك بقبعه بلاستيكيه .. خاصه بماسكات الشعر المعروفه
وخليك تستفيدين من حرارة جسمك
:: لصحه الشعر حاولي تكثرين من الخضروات الخضراء الليفيه
والمكسرات بانواعها .. ممتازه جدا للشعر
:: لاترهقين شعرك بالغسيل المتكرر والقوي
واقصد هنا ..ان الوحده ممكن تغسل شعرها بالمره الوحده اكثر من مره
والسبب انها تحس شعرها مازال مهوب نظيف ...
هذا الشعور ممكن يصاحب الي شعورهن ناعمه اكثر شي ..
بس انا عندي الحل .. شعرك راح يكون نظيف واخذي العلم مني انا ههه
دامك غسلتيه صح .. وهو انك تبللين شعرك بالمويه كامل
وعقب بكف يدك تحطين شويه شامبو وتخففينه بالمويه شوي
وتصبينه فوق راسك بالتوزيع .. ومع التدليك الخفيف والناعم
( وانتبهي تفركين فروة راسك باظافرك .. انتبهي ثم انتبهي )
هنا ياحبيبتي تهيجين فروة راسك وانتي ماتدرين !
وتدريجيا بتكون فروة راسك حساسه .. وتدخلين في دوامه مالها تالي
بعد الغسيل والماسك والمرطب وو الخ
وانتي تجففين شعرك .. حاولي تقلبين راسك على تحت .. وبخي عليه من البخاخ المثبت
وحاولي تبخينه من جهة المنابت .. وعقب جففيه بالهوى بس .. بيطلع لك ولا احلى
كيرلي .. ومنابته واقفه ..
واذا انتي من النوع الي يحب الجل .. انصحك بجل من بودي شوب
اسمه green tea fixing gel
:: اذا كان شعرك من النوع الخفيف وتبين تزيدين من كثافته
عليك بالموس.. لازم يكون شعرك رطب .. اقلبي راسك تحت ..جففيه بشكل سريع بالمجفف
وعقب ابدي مشطيه على خفيف
::احسن شي لغسيل الشعر بالمويه الدافيه شوي
ولاحظي قلت دافيه شوي ..يعني مو حاره مره