نصائح سرية للغاية

1. السلام عليكن يا بناتي العزيزات


2. رقم اثنين :


3. رقم ثلاثة :

السلام عليكن يا بناتي العزيزات

من زمان وانا ودي اقدم لكن حاجة مفيدة خاصة المتزوجات وهي ليست مكتوبة في الكتب ولكنها مكتوبة في صفحات الحياة يعني عبارة عن خبرة وللاسف بعض المتعلمات اليوم تعتبر خبرة الامهات والجدات غير صالحة للاستخدام الادمي زي مايقولوا في جولات تفتيش البلدية وعموما اعتبروا مشاركتي هذي خرابيط إذا ما اعجبتكم او مانفعت :
رقم واحد :
الحرمة اللي تتخيل نفسها تبغى تعيش زي الأفلام يعني حب في حب مع زوجها تراها تستاهل كل اللي يجيها من زوجها لأنه ما يعرف المسكين ويش اللي شافته في الأفلام علشان يسويلها زيه ( مفهوم يابنات هذا الكلام )

رقم اثنين :

الحرمة اللي تتخيل ان بيت زوجها بدون مشاكل نهائيا تراها هذي أول مشكلة كانت هي السبب فيها لان بيت الرسول عليه السلام مع زوجاته رضي الله عنهن كانت مليانه بالمشاكل اللي استفاد الناس منها كلهم ( زين الكلام )

رقم ثلاثة :

الحرمة اللي تتخيل ان زوجها لازم يتحملها ترا ابوها ما يتحمل مشاكلها لو سوتها معاه وهو ابوها فكيف تبغى ولد الناس اللي هو زوجها المسكين تبغاه يتحملها وعلى العموم الحرمة الشاطرة هيه اللي تخاف انها تبان قدام زوجها حرمة غاوية مشاكل لو تحملها اليوم ترا ما يتحملها بكرة وكما راح تكون قدوة سيئة لبناتها في المستقبل لما يتزوجوا إن شاء الله ( حلو الكلام )
صراحة والله تعبت من الكتابة اللي أخذت مني ساعة ونص حتى كتبتها أصلي ما أعرف استخدم الجهاز إلا مع واحدة من بنات أولادي تقعد تعلمني المسكينة حتى تنام جنبي وانا لسع ما خلصت الكتابة وعموما آسفة على كلامي اللي يمكن مايعجب البعض ولكن زي ما يقولوا الصراحة راحة وإذا أعجبكم كلامي كملت لكم الباقي أن شاء الله واذا مااعجبكم سامحوني والله مااعيدها مرة ثانية وتوبة !!
عمتكم ام الكلام