نصائح للريجيم من تجربتي وقرأتي لصاحبات الاراده الضعيفه والمبتدئات حياكم

أول شي بنتكلم عن الرياضه
الرياضه مهمه جدا جدا بالريجيم بدونها الريجيم ماينفع
لاتقولي لي مااقدر اسوي رياضه وابي ريجيم بدون رياضه لانه باسطرك تدرين ليه؟ <<<<< دفشه البنت
لانه الريجيم بدون رياضه يعدم لك جسمك لانه باختصاار انتي تنحفي وتقللي اكل بس
ماتشدي جسمك بالرياضه ويوم عن يوم يصير عندك ترهلات اكثر واكثر واحنا طبعا مو ناقصيين ابد
ومو بس كذا عارفه هالترهلات تبين انك مانقصتي ولاشي حتى لو قال لك الميزان انتي ناقصه بس مو باين عليك ولااحد راح يصدقك
فانسي انك تسوي ريجيم بدون رياضه لو بسيطه واللي تبي تسوي ريجيم بدون رياضه لاتسوي ابرك ها
طيب بقولك على كم شغله اساسيه باي ريجيم
الرياضه قلنا مهمه ابدأي بالمشي طبعا عندك سير كهربائي؟
لو عندك مثل ماقلت قبل ابدأي بسرعه 3.6 وشوي شوي يوم عن يوم زيديها على قد ماتقدري وتمرني 20 دقيقه واكثر
حسب ماتقدري ياعسل وكل ماكثرتي احسن ياقمري وشجعي حالك بقولك عن كم شغله انا اتبعها وقت اتمرن بالسير
اول شي الدقايق مره تحسيها طويله صح؟ خاصه انا السير ماعنده تلفزيون ولاشي لوحدي مثل الجنيه ههه
فصرت افكر واانا اتمرن واستغفر وا فكر بالناس اللي احبهم وبيفرحوا بنقصاني وبعد ماافكر بطول الوقت يعني انا مقرره اقل شي 20 دقيقه
فطبعا اشوف الوقت واقول يوه انا بدقيقه 3 لسى بقي لي 17 طبيعي اتحطم صح؟
فايش اسوي انا ههه اقوول الحين 20 دقيقه يعني لو قسمناها 5 تصير 4 فترات
فكذا اول هدف لي اوصل 5 دقايق واشد حيلي لين مااوصلها واقول واوا بقي 1 ولا2 وكذا
واخلص الخمسه افكر باللي بعدها وهذا كله ياخذ من وقتي وتفكيري ههه يعني يمشي الوقت وانا مااحس هع
ويصير بقي لي 3 من ال 5 لاتقولي 15 قولي بقي 5 بعد ويلا 5 ويلا 5 وهيك تخلصي
وبعد اذا سيرك يطلع السعرات يكون حلو مره انا احب هالشغله اشوف كيف شغلي وافرح باني حرقت هذا كله
ويقولوا لك لازم تحرقي 300 او 200 سعره انا عن نفسي بديت ب 50 ههه وكنت فرحانه مره
بس يوم جربت سرعه 5.2 فرحت مره
وفعلا اعرق واتعب واحس نفسي احرق مو مثل قبل لعب
فصرت امشي عليه واحرق 150 سعره ب 30 دقيقه شوفي الفرق نفس الوقت بس السعرات تختلف باختلاف السرعه
وبعد انصحك بالنسبه للمشي بالسير انه تبدأي السرعه شوي شوي
يعني اول ماتشغلي السير يكون على 10 امشي ثواني على 10
وزودي على 19 وامشي ثواني
وكذا لين ماتوصلي للسرعه اللي تبيها بخلال دقيقه تدرين ليه؟
عشان مايجيك شد عضلي وتتعبي على طول
فالافضل تدرجي بالسرعه عشان رجلك ها
اانا يوم اشتريت السير نصحني بكذا وفعلا فادني
وامس طنشت وقلت كلام فاضي وعورتني رجولي ههه وصابني شد عضلي وترى احسن بعد للسير عشان مايخرب
ونفس الشي لو خلاص بتوقفي نقصي السرعه شوي شوي عشان رجلك ماتتعب فجأه كانت تتحرك بسرعه وفجأه وقف مايصير وعشان السير بعد ها
واي كمان لاتشربي مويه قبل التمرين ولاابعده على طول
شوفي اول شي قبل ماتتمرني ابدأي بدش ساخن ونشفي جسمك <<<< انا مااتروش كامل بس جسمي بمويه شوي حاره على قد مااقدر عشان تنشط الدوره الدمويه وتساعد على حرق الدهون ها
وبعدين نشفي جسمك واستخدمي هالوصفه
للحفاظ على بشرة صافيه بلا تشققات وبلا تصبغات نستغل تفتح مسامات الجسم
مع التمارين بسبب التعرق وقبل التمارين ناخذ حمام دافىء حتى تستجيب العضلات معنا
بسبب تنشيط الدورة الدمويه ..وقبل لبس ملابس قطنيه ضاغطه ممتازة للتمارين
خذى..
زجاجه او قنينه او غرشه بها بخاخ
+
2 كوب ماء ورد
+
كوب واحد خل تفاح طبيعى بحموضة 4% او 5%
ونرش على كل الجسم ونتركه خمس دقائق حتى يجف ونلبس لبس قطنى ضاغط
لنبدأ التمارين وعند تفتح المسامات تتشرب البشرة المكونات ونستفيد منها
فى التخلص من التشققات والتبييض وتفتيح الثنيات وشد البشرة وتذويب شحوم
الجسم..وايضا لاننسى خسارة الوزن بالتمارين
والكل يمدحها مره وانا جربتها حلوه مره بس تخلي ريحتك جنان ههه يعني معفنه شوي بس مشي حالك تتعودي
وبعد التمارين طوالى على الحمام وخذوا شاور دافىء ادعكوا الجسم بواسطة لوفه
وشاور جيل وانهوا الحمام بماء بارد لشد البشرة وعضلات الجسم
وبدون تجفيف للجسم ادهنوه بزيت اللوز لبياض وبشرة بلا عيوب ومشدوده
والبسوا بيجاما قطنيه ونوما هادئا <<< هذا كلام عذاري من منتديات عروس وفعلا حلو فكرتها وكلامها
وش بعد اي شوفوا فوائد الرياضه من كلام بنت عذاري فديتها
1. حرق السعرات الحراريه
2. اعادة تشكيل تضاريس الجسم
3. تنشيط القلب
4. شد عضلات الجسم
5. تقويه العضلات المترهله وبالتالى التخلص من لبس الكورسيهات والضاغطات الرهيبه
6. تعديل المزاج السىء وانعاش النفسيه
7. التخلص من الارق الليلى
8. التخلص من الكبت النفسى المتلازم مع نظام أى ريجيم..
9. تفريغ الطاقة الداخليه على هيئة تمارين جسديه فسيولوجيه
10. تغيير نظام حياتنا اليومى من جلوس وراحه الى نظام ملتزم مملوء بالنشاط والحيويه
تيب بعد هالكلام في وحده تقولي مااقدر اتمرن ولا مابحالي ولاماادري ايش؟
اللي تقولي مااقدر ومافي وقت اقولها سوري ماانتي لاقيه وقت لنفسك لو ربع ساعه؟! معقوله 24 ساعه ماتلاقي 20 دقيقه لو حسبنا اليوم كم دقيقه؟
24 في 60 = 1440 دقيقه مافي 20 دقيقه فاضيه فيهم لنفسك؟!
تيب عندك 20 دقيقه تكلمي صاحبتك؟ ولا20 دقيقه تتابعي ربع برنامج ولا 20 دقيقه تطبخي لغيرك ولا20 دقيقه تحشي بالخلق ولا 20 دقيقه تدخلي نت؟
اذا عندك اذا ليه ماعندك 20 دقيقه لنفسك ها؟
واللي تقول مابحالي او مافيني او اكره الريااضه اقولها خلااص لاتسوي ريجيم
ولاتحلمي تنحفي ولاتقولي نفسي ونفسي وظلي كلي وانتفخي ونشووف كم بتوصلي ها؟! ياترى 100 ولا 200 ولافوقهم ياترى وش بتلبسين قولي لي؟ وش بيقولوا الناس وش بيعلقوا والاهم كيف ثقتك بنفسك ها
وماعليه على هالكلام بس جد اتضايق من اللي يقولوا كذا
وانا اعرف البنت لو تبي تسوي شي وتحطه براسها بتسويه بتسويه لو ايش ماصار صح؟
وبس هذا اللي عندي عن الرياضه
يتبع يرجى عدم الرد

نجي لثاني شي بقوله لكم بعض القواعد الاساسيه باي ريجيم في العالم ها
يقولك لازم بين الوجبه والثانيه 3 ساعات كادنى حد
وبين الوجبه والرياضه ساعتين كحد ادنى
والافضل تشربي شاهي اخضر 3 مرات باليوم بعد الوجبه بساعه <<<< انا بديت بس بعد الغداء والحين بعد الغداء والفطور وقريبا بيكون بعد العشاء < بالتقسيط
ولازم تشربي 8 كاسات مويه باليوم <<<< مهمه جدا لجسمك ولبشرتك ونظارتها ولشعرك ولكل شي فيك هع
وحتى لو ماتبين تنحفين لازم تشربي 8 كاسات يعني حد طبيعي لاي انسان
طيب انا بقولك كيف توزعيها؟
اول شي لازم على الريق كاستين مويه وتكون عاديه ماهي بارده عشان ماتضرب معدتك وتنمغصي ولازم تنتظري 45 دقيقه بينها وبين وجبه الفطور اوكي
وكاستين خليها بعد الفطور يعني بساعه تقريبا او ساعه ونص وبكيفك ورا بعض ولامفرقه اهم شي قبل الغداء بساعه شاربتهم
ونفس الشي كاستين بعد الغداء يعني بساعه تقريبا او ساعه ونص ونفس الكلام للعشاء وبكذا صار 8 كاسات واو
وفي وحد هنا بالمنتدى تنصح بالمويه الدافيه وانا جربتها وفادتني اول مره فعلا طلع مني شحم ودهون عجيبه بالحمام الله يكرمكم بس بعدين ماطلع معي شي وتركته
وتدرون عشان ماانسى المويه صرت اوقت الجوال ههه
لاني ااذا جلست على النت انسى نفسي وكل شي لو اجلس 20 ساعه مااجوع ولااعطش ولو جعت ماقوم ههه
فوقتي ساعتك احسن لك عشان ماتنسي مع شغل البيت او الاطفال او التي في او النت اوكي
وبعد في شغله مهمه باي ريجيم
يقولك لازم الفطور يكون قبل الساعه 12 عشان يستفيد الجسم منه ومايصير ريجيم بدون فطور طبعا
والعشاء لازم يكون قبل 9 المساء
فلازم لازم اي وحده تبي تسوي ريجيم الله يعينها تضبط نومها
لاتقولي مااقدر لا صدقيني تقدري تبين الدليل؟!
انا الدليل شوفوا انا من اولى متوسط لحد قبل شهر وانا حياتي كلها سهر سموني خفاش وسموني ام ساهر وحارس الليل والخ ههه
يعني لي 10 سنوات ماانام بالليل الا ماقل وندر <ماادري من وين طلعت الكلمات هع
بس قلت مادام ابي ريجيم خليني اضبط نومي بس كيف؟!
ومااحد صدقني حتى اهلي
فيوم من الايام نمت مثل العاده على 7 ماادري 8 الصبح وقلت باصحى بدري قد مااقدر قبل مااشبع نوم
يعني مااصحى 8 ولا 9 بالليل واقول ابي انام 12 ولا 1؟!
فعلا كنت اتقلب شفت الساعه 12 قلت يوه 4 ساعات لسى بدري ارجعي نامي
يعدين قلت لا قومي وشدي حيلك ماعليه اظل طول هاليوم مدروخه بس اعدل نومي
وفعلا جلست ومثل السكرانه وتعبانه بس ماجات 10 الا انا منخمده ونايمه بالليل واو
وصحيت 8 اظن ولو نعست باليوم انام ساعتين بالعصر وقتي جوالك واصحي
ولو تقدري ماتنامي احسن فصرت اول شي انام الظهريه ساعتين وباليلل على 1 انام وبعدين تركت غطت الظهر وصرت انام 10 ولا 9 حسب
فاضبطي نومك مو مستحيل بس خربي يوم واحد وتعبي حالك وبيضبط اوكي
شوفوا انا مسويه شبه جدول ليومي
لانه الريجيم مو بس نظام غذائي لا نظام حياة ونظام ليومك كله
فمثلا انا صحيت 8 الصبح
فنقول 8 اصحى واتوضى واصلي واشرب كاستين مويه اللي على الريق وبعدها لو اطلع درج 10 دقايق حلو او اقرا قران وبعدين اخذ الشور الصباحي
في وحده بالمنتدى نصحت بالطريقة الاستحمام هذي لشد الترهلات شوفوها:<< دخل مزاجي
1/ المساج والتدليك رائع فية زيوت تساعد على التخلص من السيلولايت والمناطق المترهلة مثل زيت المرامية وزيت الجيرانيوم ويزت اكليل الجبل اللي ينشط الجهاز اليمفاوي
2/ قبل ماتستحمي وجسمك جاف دلكية بفرشاة خشنة تلاقيها ببودي شوب افركي جسمك خاصة مناطق المترهلة وللي فيها اثار السيولايت بحركات دائرية راح تلاحظي جسمك يحمر وهذا دليل صحي انة الدورة الدموية بديت تتنشط
3/وبعد عملية التدليك بالفرشاة خذي حمام ساخن وحطي في البانيو عشرة نقاط من الزيوت اللي ذكرتها لك وتمددي في البانيو لمدة 10 دقايق وبعد ماتخلصين ارجعي دلكي جسمك مرة ثانية
وافضل شي لهالتدليك فترة الصباح تستمرين علية لمدة 4 اسابيع عشان تلاحظين الفرق
واشتريت الزيوت بس لقيت المراميه واكليل الجبل الثالث مالقيته وسألتها قالت فيه له اسم ثاني اسمه ابرة الراعي بس برضوا ماعرفه العطار!
ومره جربت الموضوع بس بستمر عليه خلاص
طيب 9 اكون مخلصه الاستحمام واكون مجهزه فطوري << يعني على 8 و45 قومي سوي فطورك او بعد حسب ياخذ وقت ولا لا
على 9 ونص تقريبا مخلصه فطوري <<< 9 و10 ولا 9 وربع احنا ههه بقولكم ملاحظه بعد الجدول تيب
طيب بعد ساعه يعني على 10 ونص اشرب كاسه شاهي اخضر بنعناع او مع زنجيبل ونعناع وماادري ايش حسب اللي تحبي
ولاتنسوا كاستين مويه مسموحه لي من 10 ونص ل 12 فاشربيهم لاتنسي
وعلى 12 ونص ابدأ اتمررن بالسير حسب قدرتي واستطاعتي
لو تبين تمارين بعد لشد البطن اوكي بس قبل السير احس احسن عشان ماتكوني مهلوكه وتعبانه ومافيك
وممكن تبدأي بالدرج بعد مره حلو ولازم ماتتمشي على الدرج لا تجري وتسرعي قد ماتقدري وقرات مره انه 10 دقايق بالدرج تعادل ساعه مشي! تخيلي
وبصراحه هو يتعب انا اول شي كنت 5 دقايق ومشي وشوي شوي صرت اسرع بس تعبت وتركته وناويه ارجع لها ولتمارين شد البطن باذن الله ادعوا لي بس
طيب على 1 اخلص او قبل واخذ شور سريع مثل ماقلنا << انا بصراحه اغسل بس جسمي وادلكه زين لانه صعب اتروش 3 مرات باليوم بينعدم شعري وبيجف وانتوا بكيفكم
على 3 اتغدى واكون مجهزه غداي يعني 2 ونص قومي سوي او قبل حسب سرعتك ونشاطك والافضل تسويه بنفسك عشان تصرفي سعرات حراريه ها
على 4 ونص شاهي اخضر
ومن
4 ونص الى 5 لاانسى فيه كاستين مويه هاا
وعلى 5 ونص ابدأ تماريني للفتره الثانيه واحيان والله اطنش واحيان اسوي بس الافضل اسوي ها
واخذ شور بعدها سريع
وعلى 7 ونص اتعشى او 8 والعشاء خفيف مره واحسن قبل 9 مثل ماقلنا
على 9 اخذ كاسه شاهي وعندي لين ماانام كاستين مويه او اكثر بكيفي
وبس هذا شبه جدول يعني كل يوم يختلف حسب متى صحيت واغيره بس المهم تفهمي الفرق والاساسيات بين الوجبه والرياضه وبين الوجبات والخ ها
في ملاحظتين بعد:
1- ملاحظه بالنسبه للموظفات والطالبات ممكن تخلي التمرين مو بالوقت هذا يعني انا مخليته مرتين باليوم مره بعد الفطور ومره بعد الغداء
هي ممكن تخليه بعد الغداء والعشاء او فتره وحده بس طويله
وبعد في معلومه انه التمرين قبل الفطور يحرق لك الدهون الموجوده في الجسم من زمان يعني مو حقت اليوم بس
ودخلت مخي بس مره جربتها وتعبت مره حستها تهد الحيل بس مفيده وبرجع لها غصب يعني بخليه قبل الفطور وبخلي ساعتيين بعده وبعدين الفطور
وكل شي بالجدول يتاخر ساعتين والغي وحده من الرياضه او اخليهم 3 مراات ماادري نشووف العزيمه حقتي هع
2- ملاحظه بالنسبه للأكل يقولوا لك لازم تأكلي ب 20 دقيقه كادنى حد هع احنا طبعا 5 دقايق واحنا مخلصين تقولوا مفجوعين ولامابحياتنا شفنا اكل
وهذا غلط لانه مو صحي ابد لازم يقولك تهضمي الطعام وتأكلي قطع صغيره كل مره وتمضغيها 20 مره او اكثر بفمك
بعدين تبلعيها ولازم تجلسي تستمتعي بالأكل الي تأكليه
ويكون هالوقت مخصص بس للأكل ماتتابعي تلفزيون ولاتشغلي النت وتاكلي وانت تسولفي مسن مثلا <<<ههه تحسب الكل مثلها الله يهديني ويعقلني بس عن هالادمان
يلا برب في تكمله

طيب نجي لشغله مهمه الحين
الريجيم
ياكثر الريجيمات بالنت وبرا النت
مثل الهم على القلب ومثل شحومنا باجسامنا ههه
بس عن جد انا مو مقتنعه بالريجيمات السريعه اللي تخسرك 7 ولا 12 كيلو بالاسبوع تدرون ليه!
لانه تضر بالصحه هذا اولا تخسري فيتامينات وسوائل مهمه لجسمك وكثير اطباء ماينصحوا في الريجيمات هذي فانتي افهم منهم ولاكيف؟
وبعد احتمال بنسبة 90 بالميه يرجع لك وزنك اللي نقصتيه ويمكن ازود فهل تضمني انك من 10 بالميه اللي للاخر يحافظوا وتصدف معهم ومايرجع لهم الا قليل؟!
مااظن احد يضمن ابد فلا تضيعي تعب شهر ولااثنين على كلام فاضي ممكن يرجع ومو بس كذا
هالريجيمات مره متعبه وتسبب دوخه وصداع والخ فليش اشقي عمري ها!
فانا انصح بكل الريجيمات الصحيه اللي فيها كل العناصر الغذائيه الاساسيه لحياتك وليومك تيب
في نظامين طبقتهم الاسبوع الماضي وال 5 ايام هذي شوفوهم:
السبت:
. الافطار .
جبنة قليلة الدسم
(تكون قطعه واحده )
توست
(اكيد تكون بر او بنخاله ومو شرط توست )
مع شاي بسكر حميه او بدون
الغداء
. 2/1 دجاجة مشوية
(بدون القشره الخارجيه )
سلطة خضراء
(جميع انواع الخضار مقترحه )
خضار مسلوقة .
(ماعدا البطاطس)
العشاء
(اختاري )
. كوبين عصير برتقال طازج
او
خذي البرتقال بدون عصر
او
علبة زبادي قليل الدسم مع خيار
الاحد
:. الأفطار
1 بيضة مسلوقة
1 بريد بر
مع شاي ( بدون سكر الا من سكر الريجيم )
الغدا
. سمكة مشوية كبيرة
بريد بر
صحن سلطة خضراء ..
العشا
. شابورة ( طبعاً بر )
(ممكن 3 او 4 قطع)
مع كوب شاي
او
كوب حليب قليل الدسم
الاثنين:
. الافطار
. بيضة مسلوقة + برتقاله + شاي أو قهوة
الغدا
3. قطع صغيره لحم مشوي (ممكن أستبداله بدجاج ) ..
مع بريد بر
مع سلطه
مع خضار مسلوقه.
العشا
. كوب حليب قليل الدسم ويفضل منزوع + شابورة ( بر ) ...
الثلاثاء
(في هذا اليوم ممكن تاكلين
قطعه صغيره حلى
او
قطعة شوكلاته
او
3 حبات تمر)
بس انتبهي مو كلهم مره وحده
اختاري شي واحد بس
:. الافطار
. شريحة جبنة قليله الدسم + توست ( بريد بر ) + شاي أقهوة .
الغدا
. نوع واحد من الفاكهة ...
بأي كميه ماعدا الممنوعه
اكيد عارفينها
......
العشا .
حليب قليل الدسم مع توست بروقطعة جبن
الأربعاء
.: الافطار
كوب عصير برتقال
بريد بر مع
اختاري
1 بيضه مسلوقه
او جبنه قليلة الدسم
الغدا
صدر دجاج مشوي بدون جلد
سلطه
بريد بر
خضار مسلوقه
العشاء
2 بيضه مسلوقه مع توست
مع شاي
....
الخميس
. الافطار
(مثل افطار مثل عشاء الأحد)
الغداء
تونه
بريد بر
سلطه
العشا
سلطة زبادي بالخيار
الجمعه
: . الافطار
. جبن قليل الدسم + 2/1 خبزة + عصير برتقال ...
الغدا
(اختاري)
لحم
او
دجاج
او
تونه
مع بريد بر
سلطه
....
العشا .
اختاري
كوبين عصير برتقال
او
كوب كبير لبن قليل الدسم
او
كوب كبير حليب قليل الدسم
***********************
النظام الثاني:
اليووم الأول
الفطور:
1- حليب قليل الدسم
او عصير غير مركز ... سويه انتي بالبيت
2- بيضه مسلوقه .. مع ربع خبز بر ..
3- فاكهة ثمرة واحدة صنف واحد في اليوم كله ما عدا الفاكهة الممنوعة ) والفاكهة طبعا بعد الاكل بساعة او قبلها بساعة(
الغداء..
1- طبق سلطة ... طبعآ الخضآر المعرووفه ولآتكثرين من الجزر .. طبعآ السلطه مهمه جدآ جدآ .. علشآن الاليآف .. ..<<يفضل تحطي خل تفاح معها
2- صدر دجاج مشوي او مسلوق
3- شوربة خضار .. او خضآر مسلوقه .. ولآتكثرين من القرع ..
4 - فآكهه ... ) والفاكهة طبعا بعد الاكل بساعة او قبلها بساعة(
الأفضل الفاكهه والسلطاات اذا كانت مقترحه تكوون قبل الأكل
افضل لأن الجسم لا يستفيد منها اذا كانت بعد الأكل
وبرضوو عشان تحسسك بالشبع
العشاء:
لبن زبادي وسلطه وعصير انانس وكيوي
هنيه اختااري ياسلطة زباادي بالخيار والخس
اوو عصير اناناس وكيوي
اليووم الثاني
فطور
1- حليب قليل الدسم او عصير غير مركز ... سويه انتي بالبيت ..
2- 3 ملاعق فول .. مع ربع خبز بر ..
3- فاكهة ثمرة واحدة صنف واحد في اليوم كله ما عدا الفاكهة الممنوعة ) والفاكهة طبعا بعد الاكل بساعة او قبلها بساعة(
الغداء..
1- طبق سلطة ... طبعآ الخضآر المعرووفه ولآتكثرين من الجزر .. طبعآ السلطه مهمه جدآ جدآ .. علشآن الاليآف ..<<يفضل تحطي خل تفاح معها
2- اي نوع من الأسماك( مشوي او مسلوق) او التونا بزيت الزيتون
3- شوربة خضار .. او خضآر مسلوقه .. ولآتكثرين من القرع ..
4 - فآكهه ... ) والفاكهة طبعا بعد الاكل بساعة او قبلها بساعة(
العشاء:
لبن زبادي وسلطه و عصير انانس وكيوي
نفس الخيارات الاولى بعشاء اليوم الاول عدلوها
ملاحظه:
ولو توفر لك وقت بعد كل وجبة بساعتين تاكلين زبادي كان افضلك 100 مرة وخصوصا لو ضربتهيا بالخلاط مع الكرفس والفجل الأبيض انا زمان كنت كذا اعمل ماحب اكل الكرفس فأضربة بالخلاط مع الزبادي واضيف لة ليمون وخل تفاح وتفاجأت بالنتائج
ولاتنسوا 8 كاسات مويه ها
بعد العشآء او الفطور اشربي شآي اخضر يعني بعده بنص ساعه تقريبا
طيب الفول فيه له بديل؟ وممكن احط عليه ملعقه صغيره زيتون؟
فية طبعا لو حابة جبن قريش مع ربع خبز نخالة
او بيضة مسلوقة بدون الصفار مع ربع خبز نخالة
واذا حبيبتي تاكلي الفول حطي ملعقة صغيرة زيت زيتون صحية جدا وما تضرك
وبعد الفاكهه شو الممنوع والمسموح؟
مسموح برتقال والموز (الموز مرة باليوم عشانة سكري ) حبحب (لانة يحتوي على سوائل وطبعا يساعدك على تصريف السوائل اللمحتبسة بجسمك اثناء الريجيم )تفاحة (مرة باليوم )شرائح اناناس
فراولة كيوي جريب فروت هذا كلة مسموح
الممنوع (مانجا ومشمش )
***********
هذولا انظمه طبقناها مع قروب فتون وفي بنات نقصوا 4 و3 و2 وكيلو ونص وفي مين مانزل لانه مامرست رياضه كثير
انا ماقست وزني لانه الاخت جات وتعرفوا بتزود الوزن فقلت بلاش تحطيم
المهم حتى لو نقصت كيلو اانا راضيه ماشي على شي صحي وبرياضه وماضريت صحتي وهذا اهم شي
وعندي لكم نصيحه اي نظام يعجبكم وماتدروا زين ولالا ويناسبكم ولا لا؟
في موضوع هنا بالقسم للاخت بوليانا اسمه لكل مشكلة في الدايت شوب
ولامره حسيت بجوع او دوخه او غيره يعني تمام ها
جزاها الله خير بوليانا اول شي كنت اجيب لها اي نظام وتضبطه وتعدله وتنصحني واسالها وتجاوب يعني جد انسانه رائعه وفاهمه وتشجع فاعرضي عليها وان شاء الله مابتقصر معااكي << الله يعينك يابولينا ويقويك ادري بتعبك كذاا اكثر

وفي شغله اخيره
الحين كل وحده فينا لها هدف يعني وزن تبي توصل له
فافضل شي طبعا تجزأ هالهدف يعني انا هدفي 50 حاليا
فيصير اجزأه لاهداف ثلاث اول شي 60 وبعدين 55 وبعدين 50
وبكذا الحين هدفي صاار 60 لو حققته واو وبشوف الهدف الثاني والثالث فيما بعد وكذا اسهل لي واشجع لي بالتفكير يعني اقول يوه بقي 15 كيلو ولاقول بقي 5 ها؟ وبعد هال 5 في 5 ثانيه واخلص هع اضحك على عمري بس المهم اتشجع تيب
وبعد ياليت كل بنت تتبع اي ريجيم تسوي لها بالورد جدول ويبن فيه الوزن قبل وبعد وتاريخ الوزن وكم نقصت وكتلة الجسم
كتلة الجسم = الوزن قسمة مربع الطول وطبعا مربع الطول بيكون ثابت بس تقسمي الوزن الجديد عليه
وبعد كل اسبوع او اسبوعيين بعد اعملي قياس لخصرك ولمحيط صدرك والارداف والخ
شوفوا هذا المستند سويت لكم الجدول وان شاء الله يفيدكم يارب
تلاقوه بالمرفقات
وبيساعدك ويشجعك ان شاء الله انك تشوفي وش سويتي وش نتايج شغلك هذا كله
حتى لو جلستي فوق الشهرين مو مشكله اهم شي شدي حيلك ولاتضيعي تعبك بالاخير وصبرك
يعني اتعب شهر واطفش واترك وبرجع كل شي زي ماكان كذا ولاكاني تعبت
وبعد يوم تشوفوا اهليكم ياكلوا وتشتهوا وانتوا عشان الدايت ماتقدروا تذوقوا حتى لاتتحسري بالعكس قوولي طيب لو قمت واكلت؟ وخلصت وبعدين وش استفدت خربت نظامي وبس اتلذذت باالاكل لدقايق ولاثواني ولاشي يعني اكلتي وخلااص ماتستفيدي اي شي
وفي يوم مفتوح كل اسبوع او يومين كل اسبوعين وسوي اللي تبين ها وكلي وانفجعي وبتحسي بكلامي اللي قبل شوي وقتها
اخيرا <<<< مابغيتي
اعذروني على هالثرثره الكثيره وعلى كلامي الزايد بس حبيت افيدكم قد مااقدر بالذات المبتدئات
ومثل ماقلت اي وحده تبي تشجيع ولااحد يخاصمها ويعاقبها انا فيه << افكر اعاقب اللي تبخص برياضه لمدة ساعه ونص متواصله وتصور لنا ههه
وبعد اللي تنقص تجي تبشرني وباسوي لها وسام واللي تبي اهم شي تتشجع تيب
وجد تعبت بالموضوع وتجهيزه وكتابته خاصه مع هالاشغال اللي تطلع لي بس ماابي مقابله الا شي واحد
ادعوا لي ربي ينحفني ويرزقني من واسع رزقه ويزوجني من اللي ابيه والله يسعدنا مع بعض يارب
وبعد لاتنسوا ادعوا لي بالوظيفه ها
سلامي لكم : ليونه

يعطيكي العافيه الغلا

ههه
ماشا الله عليك شكلك قاعده اسبوع تكتبي >>>> تمزح
ع العموم الله يقويك وينحفنا وياك بصحه وعافيه
حمستيني اسوي ريجيم مع اني سويته 7 شهور ووقفته
بس ان شا الله من قريت كلامك عطاني دافع اني ابدأ من جديد
مره ثانيه ثانكس

جزاك الله خير
راح ابداء معك بالرياضه والتخفيف
امالا عن الريجيم راح اخذه من اخصائية تغذيه
ويلاه ودي ابداء بس ابغى على الاقل وحده حازمه نشجع بعض

وه بس عليك ياليونه
يالبى قلبك على هالكلام الذهبي
أنا ياقلبي باديه من فتره بس رجعت الأراده صفر للأسف مع أني لازم أنزل وزني دبا الله يسلمك من الشر
المهم كلامك حمسني وببداء بقوة جديده معك ليونه ها شجعيني ياقلبي
لاحظت تنظيم الوقت في نظامك يسهل الأمور كلها الله يسعدك وينحفك بالعافيه ياقمري
المهم ترا ببداء من هالحظه بتطبيق ماذكرتي وخاصه شرب الماء
شجعيني وأرفعي الاعلام ههه
فديتك والله
ولن أنساك من الدعاء غلاتي
أسلوبك ماشاء الله مشوق ومرتب وأستمتعت وأنا أقراءماشاء الله اخذتي الموضوع من جميع جوانبه الله يوفقك
أسأل الله الذي لا اله الا هو الأحد الصمد الذي لم يلد ولم يولد ولم يكن له كفوا" أحد
أن يسعدك ويفتح لك باب رزق لا يرد
ويوفقك للعمل الصالح
اللهم ياجامع الناس ليوما" لا ريبا فيه وياجامع يوسف بابيه أجمع بين ليونه وزوجها الذي هو عندك والذي أحبت على خير وسعاده وتوفيق في الدارين وقر عينها بالوظيفه وبكل شي
آآآآآآمين
ليونه لاتنسيني ترا أنا معك وابيك تهاوشيني وتسطريني اذا خبصت خذي راحتك
ومن جد ماخرب علينا الا ضعف العزيمه
أختك مشاعر

رتاج_تاج
الله يعافيك
وان شاء الله استفدتي من النصائح