نصائح للعروس من تجربتي الخاصة

miss.wed85

22-08-2022 - 02:12 am

سلاما فاح من أرجي لاحباب حلوا وادينا
فأهلا مرحبا شدوي يصوغ الحب تلحينا
كيفكم ياعسولات ..ياامورات ....
بحكم خوضي لهذه التجربه فإن العروس تكون مرتبكه بعض الشي يعني مثلا في لباسهامحتاره متى تلبس هذا و هذا
وماهو المناسب لهذالوقت ومتى تبدأ التنظيف ...
وأحب انوه انو هذي النصائح سمعتها من أحد الاخوات الله يحفظها ويوفقها وسويت عليها بعض التعديلات عشان
تناسبني وطبقتها وريحتني كثير عشان كذا قلت أنزلها لكم حتى تستفيدوا منها مع انو تعبت في كتابتها بس عشان
عيونكم كل شي يهون .
يلا نبدأ.............
خاص بأناقتي طول اليوم
مخصصة بدولابي ثلاثة رفوف للبس اليومي...
الرف الأول خاص للبس الصباح....والثاني للبس وسط اليوم.....والثالث خاص للبس النوم...
نجي للرف الأول....عندي ترينجات اللي تجي ماسكة ع الجسم...أشكال وألوان......
.مطبقتهاوبداخل كل طقم سوكيت بنفس الألوان تقريبا......
وراصتهم بالجهة اليمنى من الرف....والجهة اليسرى فارغة...ليه؟ بعدين اقولك!!
الرف الثاني....تعرفوا الأندروير القطنية اللي تجي ملونة ألوان زاهية درجات الوردي والأزرق
والأصفر.....الخ...وتكون عليها رسومات؟؟؟عرفتوها؟؟؟هذي لموا منها بالهبل كل الألوان والأشكال...
بعدها جيبي كل اللي عندك تي شيرتات ع جينزات ع توبات ع شورتات.............الخ.وابدأوا طقموهم سوا...
وهذي طريقتي :أول شي أجيب مثلا:بنطلون جينز وتوب فخم وأندر وير من نفس الألوان وأطبقهم سوا...داخل بعض...
بعدين بنتاكور مع تي شيرت وكمان أندر وير...ميني جب مع توب مع الأندر وير....ميكروجب مع توب مع
الأندر وير
شورت مع بدي مع الأندر وير...فستان عريان قصير مع الأندروير..................الخ .
والحين نبدأ نرتب ع الرف....بالجهة اليمنى ونترك الجهة اليسره من الرف فارغة...!!!(وبعدين معاك وش سالفة
الفرااغ )
وانتي ترصي نوعي لاتحطي لبسين زي بعض قريبين من بعض...مثلا:
أول شي حطي طقم الشورت واللي بعده طقم الجينز واللي بعده طقم الميني جب............الخ.
الرف الثالث....خليه للقمصان....
جيبي كل التونغ والبكيني والأندروير الدانتيل والحرير والساتان....وحطي كل طقم داخل قميص بنفس اللون....مع
مسحة مسك وبخة عطرباريسي...ولفيهم بشكل اسطواني وابدأي رصي....كمان بالجهة اليمنى ونترك الجهة
اليسرى فاضية!!!...
متى نلبسهم؟؟؟
الرف الأول خليه لفترة الصباح أول ماتصحي من النوم بعد الشور....ماتلاحظوا ان ماحطينا معاهم أندر وير!!!
لا مانسيناهم!!! بالقصد...بهذي الفترة ماحنلبس الأندر وير عشان تتهوى المنطقة...والترينجات قطنية يعني
مايحتاج...
الرف الثاني خاص لفترة الظهر بعد شورالجسم...يعني يجي زوجك وانتي لابسته...
الرف الثالث...طبعا معروف وقت النوم...
اكيد ودكم تعرفون ليه رتبناهم بجهة وحدة والجهة الثانية فاضية...
كثيرناس يغلطوا هذي الغلطة.....يجلسوا شهر وهم يكرروا بنفس اللبس....ليه؟
تجي الوحدة تلبس اليوم طقم...وبكرا طقم....وبعدو طقم...تغسلهم....وت رجعهم بالدولاب....ويكونوا بالواجهة...
تجي مستعجلة مافيها تدور وتضيع وقت...أول ماتفتح الدولاب تلاقي بوجهها آخرأطقم لبستهم وغسلتهم...ترجع
تلبسهم ثاني...
فيتكرر لبسها...ويكون بدولابها ملابس تجنن ...مكنوزة...ومنسية....
فلما تتركي الجزء اليسار فاضي....لما تجين تلبسي لبس وتغسليه...ماترجعين بالجهة اليمنى...لالالا...خطأ...
تحطيهم باليسار....وكل مرة تاخذي من اليمين ...تلبسي...تغسلي....ترجعي باليسار....ويصير أول لبس لبستيه بآخر
الدولاب...ألين ماتخلص الجهة اليمنى...ترجعي بعدها بالعكس تمشي...تاخذي من اليسار وتحطي
باليمين...وبكذا تكوني متجددة كل يوم
لاتنسي....كل ماتخلصي من جهة...بدلي بالقطع...مثلا التوب اللي لبستيه المرة اللي قبل مع جينز حطيه هذي المرة
مع بنتاكور...واللي كان مع شورت ...خليه مع جينز.......................... .....وكذا الخ.
وبدرج من أدراج الشوفنيرة حاطة فيه أنواع كثيرة من السليبرز...كل يوم ألبس شكل.
بالنسبه لروب البيت أو دراعة أو جلابيةانا من رأي ماتكثري منها
لأنها بصراحة بداية الدمار والاهمال....تفرط الجسم بشكل رهيب مع الاعتماد عليها. أصلا أحسهم مخترعين
بس للكبار بالسن...وموبكل الحالات كمان
مهام البيت من تنظيف وترتيب ...
الصوالين...مقفلة ع طول...بس أفتحها مرة كل 3-4أيام..
.أمسح السيراميك والتحف والشبابيك و و و........الخ.
وأرجع أقفلها ثاني...
اللي يتنظف ويترتب بشكل يومي هو:
الصالة وغرفة نومي والمطبخ وغرفة السفرة والحمام ( تبع غرفة النوم)
أحلى طريقة لقيتها...هي اني أرتب أول بأول...وبكذا مايتراكم الشغل والبيت يظل طول اليوم مرتب ونظيف...
المطبخ...أمسح وأغسل أول بأول....لو أحتاج لملعقة بس...أول ماأخلص منها ع طول أغسلها...
واللي ريحني كثير...اني ماأنام والبيت فيه شي...وبما اني أرتب أول بأول...فيكون
الترتيب شي بسيط...
قبل نومي...أشيك ع المطبخ اذا كان يحتاجلو شي...من ترتيب وتنظيف...أو كوب نسيت أغسله...
وأشيك ع الصالة اذا كان فيها جريدة أو مجلة...
المهم سويلك جدول لتنظيف البيت شي يومي وشي اسبوعي وشي شهري ...وامشي عليه
(راح تقولين توني عن هذي الشغلات ..اقولك صح كلامك ممكن ماتحتاجينها الحين بس صدقيني حلو تكوني منظمه نفسك من البدايه)
واذا فيه شي ماسويته لظرف معين...مثلا كان يوم تنظيف المجالس...وصارلك ظرف...ع طول أكتبيه بنوته وعلقيها
ع الثلاجة...عشان تسوي الشغلة اللي ماقدرت عليها أول ماتفضى...
وهذي النوته لها استخدامات كثيرة...مثلا...أوقات أسوي حملة ع البيت...أشوف اش اللي ناقص...وكل مالقيت شي
لازم نشتريه...أكتبه ع النوته...بالأخير أجمعهم كلهم بورقة..
.
وأوقات أكتب عليها صباح الخير أو أحبك لزوجي...وهو كمان يكتبلي أوقات...لأن الفطور ع الطاولة اللي
بالمطبخ...وهي صغيرونة ....أما باقي الوجبات ع طاولة ثانية برا المطبخ...
نجي للميك أب والشعر
الصباح أكون ع طبيعتي وشعري مفتوح ومبلول...وبكذا زوجي يشوفني بلوك الوت...وهو لوك محبب لكل الرجال.
بعد مايخرج زوجي...أرفع شعري فوق وألفه وهو مبلول طبعا...وأمسكه بكليبسات عشان يثبت غصباعنه.
لما يجف الشعر وتفتحيه يديه منظر راائع مافي ولاشعرة طايرة ويكون ويفي تقريبا)...وهذي الطريقة تطول
الشعربسرعة وتحميه من التقصف...وهذي تريحك وقت الترتيب والتنظيف والرياضة...
ولماتفتحيه يكون تسريحة حلوة ومناسبة للبيت..... باختصارحجة وحاجة...
الظهر...بعد ماأعمل شور لجسمي بس...ألبس من الرف الثاني...أفتح شعري...أحط من السن بلوك مسحة
خفيفة...آخذ من بودرة بيبي جونسون وأطبطب فيها ع وجهي...يطلع كأنو فاوندوتان وبودر( هذي الطريقة تفتح
الوجه وتصفيه بطريقة فضيعة لاحبوب ولانمش ولاكلف ولاهيدبلاك ولاشي).....وأحط ع شفايفي ليب بالم من بودي
شوب....يدي لون وردي رايق....وبخة عطر وخلصنا...
بالليل...ألبس من الرف الثالث...
بالنسبة للاكسسوار...مهو دايم البسهم...بس الدبلة سوليتير ع طول بيدي حتى وقت النوم...أصلا زوجي يحب
يشوفها بيدي...
وحاطة ع التسريحة علبة فيها أشكال وألوان من الكليبسات الصغيرة...أول ماألبس لبس الظهر وأحط البودر
ع وجهي وأتعطر أخطفلي كليبسة مناسبة للبسي وأحطها بشعري...اما من قدام أو وردة فوق أذني...
يارب اكون افدتكم دعواتي الصادقه لكم بالحياة السعيدة والجميلة
لاتنسوني من دعائكم
منقول لعيونكم

التعليقات (9)

دندونه الدلوووعه

22-08-2022 - 04:45 am

موضوع رائع
تسلمي يا قمر ع النقل المفيد

..{ !.هــنـونيے.! }..

22-08-2022 - 05:46 am

يعطيك العافية حبوبة

احلام مفقوده

22-08-2022 - 06:47 am

الله يسعدك ويوفقك ويفرجلك كل همومك
يارب
ويجعلك زوجه صالحه لزوجك ويجعله صدر حنون لكِ
ولا يغير عليكي نشاطك ولا يغير زوجك عليكي
ماشاءالله تبارك الله
الحمدلله انا مرتبه من وانا في بيت اهلي بس طبعا مو في كل شي
بس جالسه اخد خبرات شي من امي وشي من زوجة اخويا واشياء من النت
وانتي مره ساعدتيني من جد انا مره ناويه اكون مرتبه واخلص كل شي اول باول لاني مااحب اراكم على نفسي شي
مشكوره ياعسل