نصائح من متزوجة لغير المتزوجات ابدو من الحين

مرحبا حبيباتي .. اول شيء احب اقولكم انتو مو غلطانين لمى تحلمون بالزواج ولا عجلين وميتين ع الزواج تدرون ليش اساسا بالفطرة البنت تنجذب للرجل والعكس واحنا الحمد لله ما عندنا الا طريق الحلال اللي هو الزواج ما فيها شيء يا بنات احلمو و واطلبو من ربي وربي ما يخيب احد .. اول شيء بذكركم واتوقع كلكم عارفين فضل الدعاءءء وانه لا يرد القضاء الا الدعاء واذا جيتو تدعون شيء مهم انكم تدعون بتيقن بالاجابه وبنفس الوقت لا تستعجلون الاجابه وكمان الاقلاع عن الذنوب حاولو قدر الامكان تبتعدون عن الاشياء اللي تغضب الله وبرضو لا تنسون فضل الاستغفار فله فضل عظيم سبحان الله خلي لسانك يلهج بذكر الله واكثرو من الصلاة على محمد وكل يوم اقرئي القران لو وجه واحد وانا عندي طريقتي الخاصة في ذكر ربي اذا تبغون بخصص لها موضوع ثاني ما يمر يوم الا اذكرها كلها والله اذا داومت عليها اني الحمد لله والشكر تتحقق لي اشياء كثيرة زائد الراحة النفسية اللي احس فيها ..
هذا اول شيء ثانيا يا حلوات انا حبيت اقول لكل بنت ما تزوجت لا تغلطون غلطتنا وابدو اهتمو بانفسكم من الحين اهتمو باجسامكم واشكالكم وحركتكم ورقصكم وكل شيء والله اتكلم من جد الحين احنا وش عيبنا يالسعوديات مهملين انفسنا واذا جاء المعرس تعالي شوفي قمنا نخلط ستين خلطة وندهر واخر شيء اذا جا وقت العرس لين مفعول الخلطة اساسا ما بدا اصلا يا بنات تدرون ان طبيعة جونا اصلا تحتم علينا انو احنا نهتم بزيادة والدليل ركبنا واكواعنا هع هع بقولكم الحين كم شيء وهذا موضوع مفتوح اللي حابة تضيف شيء تضيفة
1- الركبة والكوع ابدو بمحاربتها من الحين مو اذا جا قبل العرس بشهرين قمتي تفركين فيها لين تسود زيادة .
2- الاباط والمنطقه الحساسة وهذي اهم شيءءء ترى الرجال تغيرو وفهمو مو مثل اول الحين يبي وحدة قطعه وحدة وصدقوني يا بنات انا اكتشفت ان الرجال صحيح يحب البيضاء بس ما يحرص انها تكون بيضاء كثر ما يهتم انها تكون كلها لون واحد قيسي على نفسك تجيك وحدة سمراء ولونها واحد ولا بيضاء واباطها فحمة ..
3- اهتمي باكلك كثري فواكة وخضار علشان تطلع خدودك وردية وشعرك يزين ويتزبط وكمان اشترو المكملات من الصيدلية اسالي عن فيتامينات الشعر والبشرة ومن الحين ابدي رياضة شوفي الرياضه اللي تفضلينها علشان يصير جسمك مشدوود ومزبوط .
4 - بالنسبة للمناطق السود اللي مذكورة اعلاه ابقولكم عن شيء مهم الا وهو الليمون ترى له مفعول عجيب ومزيلات العرق بطليها اذا كنتي تداومين حطيها وقت الدوام واذا جيتي غسليها واستخدمي كريم خاص للابط افركي ابطك وركبك واكواعك بليمون بعد كل حمام ..
5 الحمامات المغربيه كثرو منها ترى من جد اكتشفت طبعا اكتشافي جا متأخر انو مفيدة للبشرة بس ما تكثرين يعني كل شهرين مرة ..
6- اذا كنتي تقدرين تسوين ليزر وخصوصا للمناطق الحساسة ابدئي من الحين وانا سمعت انو حرام فرجاء اللي تحس ان ضميرها بيأنبها لا تروح تسوي ثمن تجي تبلشني ههه .
7- انا اشوف الاجنبيات ما يستغنون عن الحجرة وهي زي الحصاة كذا ولونها اسود يفركون فيها الركب والاكواع بس بشوييش يعني لا تتحمسين وتتطاقين انتي وركبتك بالحمام بس الحقيقه ما جربتها بس ان شاء الله ناوية عليها ..
8 - خلطات الجسم لا تستغنين عنها وفي زيوت روعه للجسم اللي هي زيت الجلسرين وزيت اللوز المر تحطين معاها ليمون حطي مقدار قليل يعني يجي فنجال وافركي جسمك فيها وبعدين غسلي بصابونة البابايا .
اتمنى من كل قلبي اني اكون افدتكم واسأل الله من كل قلبي اللي يحقق لكم كل ما تتمنون وبرزقكم الرجال اللي يسعدونكم يارب العلمين ..
لا تنسوني من دعاويكم الحلوة