نصيحه لوجه الله تعالى

بسم الله الرحمن الرحيم
السلام عليكم ورحمة الله وبركاته
عزيزاتي حابه أقول لكم شي واتمنوا ما تزعلون من كلامي ..
أختيه اللي كاتبه هالموضوع يزاها الله خير على خلطاتها سواء للبشره ولا للشعر لانها تكتب للفايده وذالك من تجربتها شخصياً ..
شامبو رهيب قليل في حقة على طريقة حور الجنان لايفوتكم نتائجةالخارقه - موقع و منتدى الفراشة النسائي
ابصراحه أنا جربت الطريقه وبالعكس ما فادتني قبل شعري ناعم وحلو بس اللهم متقصف .. من اول استخدام احس شعري صار منفوش وخشن اشوي قلبي عورني ..
في بنات استفادوا من الخلطه والبعض الآخر تحسروا لانهم جربوها ..
عزيزاتي أنا ما اقدر احكم على الكل يعني اي وحده الطريقه ما تفيدها اتكلم واقول كيف اكيد في شي غلط هي فادتني واعمم لأنه مب شرط اللي فادني يفيد غيري صح ولا انا غلطانه ؟؟
يعني شعري مب مثل شعر باقي البنات في اللي شعرها جاف واللي شعرها دهني واللي شعرها عادي ..
بعضهن يعانون من التساقط وبعضهن من القشره والبعض الآخر من التقصف ..
يعني مو معقوله انا شعري عادي وأقول حق وحده شعرها جاف ولا دهني ان هالطريقه راح اتفيدها واتكلم بثقه صح ولا انا غلطانه ؟؟
عزيزاتي هذا مب تهجم على صاحبة الطريقه لا والله وربي شاهد عليه بس بغيت اوضح بالبدايه وهالكلام للكل حتى لي انا لو جربت شي وحبيت انقله لكم لازم اتكلم عن نوعية بشرتي او شعري ..
يعني اللي حابه تنقل تجربتها وتكتب طريقتها يزاها الله خير ياريت تذكر نوع بشرتها أو من شو تعاني بشرتها ..
واذا كان بخصوص الشعر ياريت تذكر نوع شعرها لانه مستحيل كل اللي يناسب الشعر الجاف بيناسب الدهني او العادي صح ولا ؟؟
بس لما الوحده تذكر نوع شعرها عالاقل باقي البنات راح يعرفون اذا هالشي بيناسبهم ولا .. او حتى تلاقون سؤال في بعض الردود مثلاً ما عندج شي لشعر الجاف ويخلي شعري مثل نتيجت شعرج ؟؟
عسب الكل يستفيد ويعرف اللي يناسبه لانه كل وحده عارفه نوع شعرها ومشاكله ..
وعسب صاحبة الطريقه ما تتلوم ولا تنحرج من النتايج السلبيه اللي وصلن لها بعض البنات من الطريقه لانه اكيد راح تضايج لو صار شي يضركم وهي اللي كتبت الطريقه من فرحتها بالنتيجه اللي وصلت لها وعلى نياتها للفايده صح ولا ؟؟
ويزاكم الله خير على نقل كل ماهو مفيد ولا تزعلون مني اترا هالكلام حتى لي انا شخصياً ..
وصاحبة الموضوع فديت روحها في اشياء وايده كتبتها مفيده وتجارب البنات اكبر دليل ..
وآسفه على الإطاله
مع ألف سلامه