نيو لوك الجامعه بالصور لايفوتكم يابنات

مرحبا بكم بنات ..
ان شاء الله انكم بخير ونعمه ..
وان شاء الله عام سعيد لكل الطالبات ..
بنات نداء خاص لكم ابيكم تساعدوني تقريبا طرحت الفكره في اكثر من مره
بس بشكل اخر وفي بنات ردوا ماقصروا بس حسيت اني لسه ماصولت للي
ابيه .. اوكي هالمره قلتان شاء الله ان مشكلتي راح الاقي حلها في هالقسم
باذن الله ماتخيبون ظني فيكم ويعطيكم العافيه مقدما
نبدأ على بركة الله الموضوع ..
انا ابي اسوي نيو لوك لنفسي مااقولكم اني ماتزين او اني ماالبس لا بالعكس ماعلي
قاصر بس احس في كل مره اكون بنفس الشكل سيم سيم ههه
ابي اعرف بعض المرات اذا جيت اتمشى بالجامعه ماشاء الله اشوف بنات واو
مو بستايلها لالا انا مو هذا قصدي ام الحين بقولكم كيف يعني يلفت نظري شكل
حاجبها ورسمته ونفسه القلم اللي حددت به روعه طيب هذي كيف اسويها بالله
اروح امسكها اقولها كيف مسويه حواجبك كذا ههه يكونون عراض بس حلوين
ولنهم بني مره روعه ماشاء الله الله يهنيهم ولايضرهم
تجي الثانيه تمر بشرتها صافيه مااتكلم عن لون البشره لالا عن صفاوتها تكون حلوه
يعني بروح اسحبها بقولها تعالي انتي وش مسويه في بشرتك ههه
بنات ابي منكم تقولون لي كيف اسوي كذا ..
يعني ابي اهتم بنفسي وشكلي والستايلات اللي هابين فيها البنات ههه
على فكره انا مااحب الميك اب الثقيل والاوفر بالذات من الصباح قلق خير وين انا
رايحه عندنا بنات اتوقع مع اذان الفجر تصحى وتشتغل في نفسها لا وغير كذا تجي
متاخره ابد مو حلو ولا الروج يكون صارخ وع << الا اذا كان فوشي مسموح
ههه ..
ابي كل وحده تقول وش تستخدم؟ وش اغراضها؟ وش تاخذ معها للجامعه من اغراض
خاصه لشنطة الجامعه ؟
علمينا نظامك من اول ماتصحين من النوم الى ماتطلعين من البيت ..
كيف طريقة عنايتك بنفسك وش تسوين ووش تخبصين في وجهك من صباح الله خير
كمان حابه اشوف معكم ستايلات الشعر وش تسوين بالذات اللي شعرها مثلي قصير
والى الاكتاف وماحب اطيحه لازم ارفعه ههه << صريحه اذا عندك افكار
ياليت نشوفها ولاتبخلون علينا ..
بنات بليز اللي عندها صور تحط لنا عشان الموضوع يكون كله تشجيع وحماس ومو
بس كذا عشان نستفيد ونشتري الاغراض نفس اللي بالصوره حتى البنات مايتلخبطون
يصير كلشي عندها واضح وشاكره لكم تعاونكم معي ومع كل البنات وجزاكم الله الف
خير يارب ..