هالسنة معدلاتنا غير وش سويتي للاختبارات شناوية تسوين هالسنة تعالي احكي معنهنا

أبدأ.. وعشان أعطيكم فكرة واضحه
من سنتين وأنا أعلق عبارات تشجيعية على مكتبي.. والله أفادتني كثير بحياتي بشكل عام
لكن ماقد حطيت بخصوص المذاكرة.. وهالسنة لصقت عبارة ولونتها وخليتها بارزة
مثل ( قطرة المطر تحفر بالصخر.. ليس بالعنف لكن بالتكرار )
هذي دايم تذكرني بالصبر.. ولو نسيت المعلومة أرجع أكررها بصوت عالي إلين تثبت
وثانية ( ريمو الأولى ) وأحيان لما أذاكر أشغل أغنيات تحفيزية تفتح نفسي للمذاكرة
سويت قبل كم يوم جدول للإختبارات .. كتبته بالألوان الخشبية والعنوان بالأنجليزي حتى يكون جذاب
وعلقته على دولابي حتى يكون واضح.. أغلب المواد المسجلة العلمية لأن تحتاج حفظ وفهم مع مادتين أدبي
وناوية أبدأ هذي الاختبارات بنفس منفتحه وكل ما أتعب أحط بين عيوني طموحي..
أبدأ الخطوة لأولى لتحقيق حلمي من الآن.. أتذكر سمعت عبارة حلوة في اذاعة القرآن
هي تعليق عن موضوع أب مسجل ولده في مدرسة أهلية ولما الأستاذ ما أعطى ملخصات
ولا ساعده أكثر من اللازم أعترض الأب وقال "أنا أنجحه بفلوسي"! فعلق الدكتور بأن الأب يهدم أبنه
فهو يركز على النتائج "الحالية " القريبة ويغض النظر وينسى النتائج الأهم في المستقبل " البعيدة "
( فإذا بغى ولده ينجح في مستقبل يحسن حاضره ولا مارح يكون قادر على مواجهة المستقبل ) ومن ذيك المره وأنا أقتنعت وبديت أعمل من الآن
والي مابدت تبدأ
وشي ثاني حطيته ببالي أن كل يوم من بداية الأختبارات بأتخذ عادة "الإستغفار"
كل يوم 100 مره أستغفر.. وبألتزم سواء اختبارات أو لا.. الكثير يقولون عنه سحر سحر
وعني جربته فترة حصل فيها تغيير كبير في نفسيتي والله بس للأسف تركته
طريقتي في المذاكرة.. راح أبدأ أذاكر من أول اليوم.. رح أمر على كل نقطة أقرأها وأحفظها
حتى لو مو من ضمن التخطيط للإحتياط وأحيان الأستاذات يورطون..
أنا من عادتي أكتب ملخصات.. بس آخر الاختبارات أكسل وبعضها أهون..
هالمرة ان شاء الله بأستمر.. لها فائدة كبيرة الملخصات خصوصاً عند المراجعة وتثبت النقاط والمعلومات الأساسية
وفي حالات أكتئبت ومليت بوسط الاختبارات -وان شاء الله مايصير- بأحفز نفسي بالتفكير بالي تقدموا
والي الآن هم متقدمين علي وفي المستقبل بيصيرون أحسن مني وأنا بأجلس زي ما أنا وأنقهر..
وبأسمع محاظرات محملتها ع الجهاز منها محاضرة " صعود بلا قيود " ياله قديش ممتعة وتحفز الواحد
من جد حمااس حتى الي مو من اهتماماتهم تطوير الذات ويكرهون هالأشياء حبوها
فمارح أترك أي ثغرات تأثر فيني وبأحاول أجيب أفضل نسبة
هذا الي يحظرني حالياً.. ويارب تستفيدون
يلا الي بعدو..

آفا.. بنوتات وينكم

الله يوفقنا وجميع فتيات وفتيان المسلمين
=)
مشكوره يا عسل ع الموضوع
إن شاء الله البنات يكتبوا تجاربهم .. !

آنآ بقولكم نصيحه مجربه وحلوآآ
حآولو تصحون بدري وتذآكرون من بدري يعني من تصحون للفجر لآ تنآمون وآجلسو ذآكرو
آولآ فيه بركه
ثآنيآ نفس وقت آلآختبآر وهذآ آلآفضلَ
ثآلثآ آلهوآء في آلفجر يكون نقي ونظيف ورآح يدخل لجسمك آوكسجين آكثر ويتنشط جسمك آكثر
رآبعآ مخك بيكون نظيف لآنك توك صآحيه من آلنوم
وآخيرآآ آهدىء لك من آلآزعآج
نصيحه آخرى
آثنآء آلحفظ مثلآ تعآريف آو تعدآد
آربطيهآ ب آشخآص آو قصص آو رسم
جدآ جدآ شيء حلو وتتذكرين بآلآختبآر بمجرد آنك ترسمين آو تقصين لنفسك آلقصه آو بآلآشخآص آللي ربطتي بهم
آي بعد نسيت شيء
وآنتم تذآكرون خططو على آلكلآم آلمهم ب آللوآن مختلفه
مرآآ يفيد "عني غآلبآ آتذكر آلمكآن وآلآلوآن"
مثلآ ب آختبآري آلآخير ب آلآنجلشَ كآن معنآ برقرآف "تعبير"
كنت كل جمله حآطتهآ بلون
بآلآختبآر كنت آتذكر ترتيب آلجمل ب آلآلوآن ف كنت آقول آيش كآنت بدآيه آلجمله آللي لونهآ آصفر - آلوردي ... آلخ
على فكرآآ آلربط آلنص بآلآلوآن ينشط آلدمآغ
يعني شيء حلو تذآكرين وتنشطين دمآغك : ]
وربي يوفقنآ جميعآ

الله يوققنآ يآرب

رمسة غلا
بالفعل قد قريت في كتاب أن الربط من طرق الحفظ الفعالة
بس ماقد جربت أربط بالألوان.. بأذن الله بجربها
يعطيكِ العافية ياقمر أفدتينا ()"
طمُوح & غادة
يعطيكُم العافيّة.. وياليت تكتبون تجاربكم وطرقكم
عشان الكل يستفيد ^_^
()"

موضوع راائع
عن نفسي احب المذاكره في الصباح يجيني احساس غريب انو اي كلمه اقراها راح احفظها
وبما ان الان ايام مرااجعه احب اذاكر في اليوم اكثر من ماده يعني جزء من مادة الاحياء وجزء من الحديث
وجزء من ماده ثاانيه << في بنات مايحبو ذي الطريقه يقوولون تدخل المعلومات مع بعض
انا عن نفسي لا ماحب اذااكر ماده وحده لانو اذا بديت فيها بسرعه اطفش من المااده
كذا احب التغيير وبين كل ماده وثاانيه فترة رااحه مشاان انشط الذااكره
اما عن العبارات التحفيزيه اعشق هذي الفكره
اول ماطفش من الماده على طول عيني تطير على العبااره
انصحكم بذي الفكره

موضوعك روعه
صراحه الاختبارات القصيره ماقصرت خلتن احفظ كثير من المواد
وانا بالنسبه لي ماراجع اللي امتحنته قبل الامتحانات ومااعرف امشي بجدول لكن امسك كل ماده واشوف وش اللي ما امتحنه وارجعه
لكن مراجعتي الأكثر بيوم الامتحان اقسم الدروس او الفصول على اليوم واحدد وقت اللي اختمه فيه ويكيون فيه وقت راحه بين كل فصل وفصل واهم شي العصاير الطازجه تنشط ومهمه بالامتحانات ههه <<< صدز مو استهبل
وكل امتحان قبل ابد به اقرا دعاء " اللهم ارزقني فهم النبيين وحفظ المرسلين والملائكه المقربين اللهم اجعل السنتنا عامره بذكرك واسوارنا بطاعتك انك على كل شي قدير " وبه ادعيه ثانيه
واذا ختمته اقول "اللهم اني استودعتك ماعلمتني به فرده لي عند حاجتي له" واهم شي يحفزني على المذاكره عبارات التفائل واتذكر هديه امي اذا جبت النسبه اللي قالتها لي
واهم شي يساعد على الحفظ والفهم اني اذاكر و افهم العنوان الاكبر فالصغر يعني افهم العناوين و كل عنوان وش اقسامه وثم ادخل اكثر
وافرق بين المعلومات
وزي ماقالت رمسه نربط المعلومه بأي شي ماتنسينه بعد هذا شي روعه بإذن الله مراح تنسينه
وموفقين ان شاء الله

mis$ sara
من جد.. مذاكرة الصباح غير
لأنك قايمة في الوقت الطبيعي المطلوب منك واليوم بأوّله
ومخك نظيف ومروقة > خذوها دعاية لكم
كل وحده والي يناسبها.. أحيان أنا زيك أطفش وعشان ما أترك المذاكرة مره
وحده انتقل لمادة ثانية..
العبارات التحفيزية شي ثاني
لها مفعوول كبيير.. نفس الطريقة أسويها معاي
أنا بداية اليوم والمذاكرة بس.. بآخذ بنصيحتك ^_*
وإن شاء الله كل البنوتات
> رمز الاختبارات خخ