هالنوع من الرجال وش رايكن فيه

السلام عليكم ورحمة الله وبركاته
بصراحة الليلة خطر في بالي موضوع وقلت بكتبه
بس لي ساعه اكتب وامسح اكتب وامسح >> بالعربي متعووب علييه هع
اخاف تجي كلمة غلط او تعبير خطأ
فاعذروني اذا الموضوع مش ولابد >> واللي مايعجبها لاترفعه >>> هع
دايم نكتب عن البنات وليش ماعرسن الى هالحين
واكثر الناس يحط اللوم عليهن >>> الله يعينهن ويرزقهن بس
بس الشباب محد يقول فيهم شيء ومتى مابغوا الزواج بطقة اصبع الا وهو معرس صح او لا !!
طيب انا ابي اتطرق لشباب من نوع ثاني
"" فئة الشباب اللي انتصفوا سن الثلاثين او تجاوزوها وماتزوجوا الى الان ""
ودايم يعولون سبب العزوف عن الزواج هو لاجل المهر >>> الاسطوانه اللي ملينا من سماعها
او بسبب اللهو وحب التغيير والبعد كل البعد عن التقييد !!
بمعنى اوضح الرجل ضعيف الشخصية
اللي مو قادر يتخذ القرار الصحيح في بعض المواقف
وتلاقينه بعض الاحيان مو مؤهل لخوض الزواج والدخول في عراك هذه الحياة الجديدة عليه
لكن ضغط الاهل اجبره على ذلك !!
فيخطب بنت الناس وبعد كم شهر يقولهم انا اسف واعتذر عن الخطبة
>>!!
فهل يوجد شاب مو قادر على تحمل المسؤلية !! ومن اول مشكلة يهرب هروب النعام !!
او شاب يخاف من المسؤلية ويصل الى سن الهرم وهو لم يرزق بعد بالذرية !!
واذا سألوه ليش ماعرست ؟ قال مالقيت فتاةاحلامي !!
دايم نلاقي بنات وصلوا الثلاثين واكثر ومارزقهم الله >> بس متأكدة انه مو بيدهم
بس هالشاب بيده انه يتزوج متى مابغى
>>> خروج عن النص >> جانا ناس يخطبون >>واول ماسالت اخوي عنه قال هذا شكل اهله قالوا بنخطب لك وقال يالله >>>بالعربي مايدري وش السالفه
انا اكيد مو مقتنعه بكلام اخوي
بس اللي انا شبه متاكدة منه ان فيه شباب مو قادرين يثبتوا انفسهم >>
هل من الممكن ان تكون الشخصية الضعيفة هي السبب الذي يخفيه بعض الشباب
ويخافون احد يعرف هالشيء ؟
مع العلم ان الشخصية تتطور وهي اصلا في تطور دائم
هل صادفتي فتاة وافقت على شاب لمجرد الزواج بالرغم من انه غير مؤهل للزواج
للفتاة ::
لو تقدملك شاب عرفتي انه شخصيته مو مثل ماتتمنين
بتوافقين عليه وتقولين اغيره عقب الزواج ... او لا !!
للمطلقة ::
هل طليقك فيه هذه الزعزة لذلك فضلتي الطلاق منه !!
مدري كيف كتبت الموضوع
بس ودي اعررف اراائكن ...
موضوع تعبت فيه مررة>>> وااثقة
>>> فرجاءا اللي بتنقله تكتب المصدر>>رووحي مناك بسس هع
لكن كل الود والاحتررام