هام لكل مخطوبة أفكار غريبة نصائح تجارب

1. ثانياً: بالنسبة للفكرة عشان يكتبون لك الناس عندي أكثر من فكرة,

أخواتي الفراشات والغير فراشات أتمنى تكونوا بألف خير
أنا بصراحة اتعاطف مع العرايس المحتاسات
وخصوصاً إن عرائس العائلة دائما يرجعون لي وعندي الكثير من الأفكار الحلوه والغريبة والرائعة ,ودائما تحوز على إعجاب الحاضرين..
أتمنى أن ينال الموضوع على إعجابكم, ويكون هنا تجمع للبنات الي عندهم أفكار , ونصائح وتجارب, سواء كنتي آنسة أو مخطوبة أو مملكة أومتزوجة ((عشان الكل يفيد ويستفيد))
وببدأ انا
وبقولكم على أشياء ان شاء الله تعجبكم..وتنال على رضاكم
(( ملك بنات العائلة غالبًا تكون بالبيت))
فالملكة ممكن تكون حلوة وخيالية ، ومو مهم المكان, بس أهم شيء الترتيب والنظام والتجهيز لكل شيء من بدري(مسوية فيها أمكم )
أولاً: عشان الملكة تكون مرتبة لابد من أن عقد القران يسبق حفلة الملكة بيوم عالأقل،وهذا يحقق لك عدة فوائد,
الأولى: إنك تكلمين خطيبك بالتليفون قبل الحفلة وهذا يكسر الحواجز وما يخليك مرتبكة قدام الناس
الثانية :هذي الخطوة تساعدك كثير يوم الملكة عشان ما يضيع الوقت بعقد القران وهالأمور,وتقدرين تخلين العريس يجي من بدري عشان تتصورون :fererhagi وتستغلون الوقت, هذا فضلا على إن عقد القران يفضل أن مايحضره كثير(أكتفي بالعريس وابوه وإخوانه وعمانه وخواله وبدون حريم)
الثالثة: وهذا الشيء يساعدك بعد بأنك ممكن بعقد القران تحطين مكياج ناعم وتلبسين لبس حلو وناعم ومستر نوعًا ما (الله يعينك ع الأختيار ) (ممكن يكون معك بهاليوم أخواتك, أإحدى قريباتك , أو صديقة مقربة) المهم ممكن تاخذين لك كم صورة قبل عقد القران, وتخلين أحد أخوانك يصور الرجال,وتخلين أحد يصورك وأنتي توقعين لأنها لحظة مهمة بحياتك, بكاميرا عادية وإذا مافي ممكن كاميرة الموبايل وبعد كذا تنزلينها ع الكمبيوتر, وبعد كذا خلي أبوك يطلب المعرس يجي يسلم عليك وتصوروا بعد عقب عقد القران, وضروري ابوك يطلب لأن العريس أكيد بيستحي(وهذي خطوة يتمناها كل عريس وعروسة ومن حقهم)وهذي الصور بتنفعك بأشياء كثير مر فوق ما تتصورين بالملكة والزواج بعدين غير إنها ذكرى

ثانياً: بالنسبة للفكرة عشان يكتبون لك الناس عندي أكثر من فكرة,

• ممكن تجمعين لك أكبر قدر من صورك بمختلف مراحل عمرك وإذا ما عندك ممكن وأنتي كبيرة, وتنزلينها على الكمبيوتير ويتسوى للصورة تفتيح وممكن تضيفين مهعا صور عقد القران الي قلت لك عليها, وبعد كذا تطبعينها على ورق شفاف وورق لامع وتحطينها بعد مع أوراق فاضية, ويكتبون الناس على صورك، وتجمععينها وتحطينها بملف يكون مغلف بطريقة حلوة حسب لون الفستان ومزين بديكورات حلوة وبراويز صغيرة فيها صورك وبعض صور عقد القران

((وهذي الفكرة من إبداعي والله, وسويتها بطرق مختلفة لأكثر من عروس ونالت على إعجاب الجميع))

• ممكن أذ عندك صورة للعريس وصوره حلوه لك تتكبر وتنحط بحامل عند المدخل , ويكتبون الناس عليها وآخر شيء ممكن العريس يكتب بصورة العروسة والعكس , ويتصورون لما يكتبون لبعض

ثالثاً: إذا كانت الملكة بالبيت لا بد من الترتيب حتى تكون العروس مستانسة ومرتاحة, فمثلاً تنزف العروس قبل العشاء بشوي, وإذا راحو الناس للعشاء يصير التصوير, وتأكيل الكيك والعصير و......
لأن الحريم بيلهون بالبوفيه وعند بطونهم بينسون العروس
رابعاً: مهم أن فستان العروس مايكون عاري , لأن الرجال ينقدون بس مايقولون وبعد أهل العريس والناس ,, ..
خامسًا: مهم إن العروس ما تتجرأ بزيادة على العريس، حلو إنها تكون خجوله لأن هالشيء يعجب الرجال بس ينتقدونه بعدين
سادسًا: ضروري ومهم جدا جدا جدا جدا إنك تكونين ثقيلة وما تندقلين على الرجال وتصرين تدقين عليه كل شوي وتقولين عادي الدنيا تغيرت ( لا لا لا لايزال الرجل الشرقي كما هو مهما تغيرت الدنيا, ومايحب البنت المندلقة عليه, ويحب البنت ثقيلة)
والرجل لما يشوف البنت كذا يبدأ يشك ويقول هذي جريئة ومجربة و و و و.......... الخ.
ولا يزال لدي الكثير الكثير,,,, من النصائح والأفكار ممكن تطلع مع الحوار والنقاش
يله يا فراشاتي الحلوات أدلو بدلوكن,,, ولو ماعندك خبرينا بأنك استفدتِ..... (والي مخطوبه ومحتاسة تأمرني أمر بأي شيء وأنا بخدمتها)
أنا بإنتظار ردودكم على موضوعي على أحر من الجمر عشان اتحمس وأكمل الي عندي