هب السعد هبايب لرياحي حياج الله يا عروس عندي لج سالفه تعالي طبي حياج

السلام عليكم و رحمة الله و بركاته
شلونكم يا أحلى بنات ...؟؟؟؟
من زمان ما نزلت مواضيع و خاصه بقسم المكياج ...
أول شي و قبل لا أبدى الموضوع أبيكم تدعون لي إن ربي يشافيني عاجل غير آجل لأني مريضه ووراي مناسبات كلش مو حلوه أروح للمناسبه و أنا مريضه ههه ...
يلا نبدى أول شي نسولف مع بعض و بعدين بوريكم الصور ...
(( عروس ))
أكيد حلم كل بنت إنها تكون عروس و تشوف نفسها بالثوب الأبيض و تكون محط أنظار الجميع
و كل بنت تحاتي هاليوم تحاتي مكياجها و تسريحتها و فستانها و طرحتها و مسكتها و دخلتها بين الحضور و الأهم من هذا كله حياتها الجديده و المسؤوليه
و بما إنا موضوعنابقسم المكياج ما علينا من هالسوالف هذي كلها ما علينا ألا بالمكياج شلون يكون
أنا وحده أحب المكياج بس ماني خبيره بس أعرف و لي نظره سبحان الله
بنظري أنا و إلي أشوفه حلو على العروس خاصه
إن تبتعد عن الغوامج بالمكياج
يعني تبتعد عن لون الشدو الأسود البنفسجي الغامج البني الغامج
لأني أشوف حلاة العروس بألوان ناعمه تبرز ملامحها مو تدفنها لأنها بتكون محط أنظار الجميع إذا حطت اللون الغامج ما راح تبين ملامحها من بعيد
و الألوان إلي أشوفها تناسب العروس اللون الوردي اللون المشمشي ممكن سماوي أو بني فاتح ناعم
بس شنو ما تكون الألوان باهته لأ تكون الألوان واضحه علشان هم بعد نراعي إذا كان الشدو فاتح و باهت ما كأنج حطيتي مكياج ماراح يبين اللون عليج
يعني يا حبيباتي إذا بتحطون مكياج راعو الناس إلي تشوفكم من بعيد و قريب بحيث إن الناس إلي تشوفه من بعيد تبين ملامج لهم و إلي تشوفج من قريب ما تتأذى من بشاعة المكياج و كثافته
و بعطيكم أمثله على هالكلام
هذا نموذج للمكياج الحلو إلي بنظري أشوفه حلو على العروس
بس يا بنات من ألحين أقولكم أنا ما أنكر إن في بعض الصور يبيلها شوي زياده حبتين صغار و بعض الروج يبيله تغيير علشان يكون أوضح بس للأسف الصور إلي فبالي غير متوفره بالنت بس أنا أبي أوريكم الفرق شلون
أما هذا إلي أشوفه أبدا مو حلو على عروس لأن ملامحها بتندفن ماراح تبين
أما هالصور هذي حكايه من لون الروج أو من الشدو نفشه أو المبالغه بالرموش بخلي الصور تتكلم أحس تعبت من التعليق ههه
بالأخير أقول
الله يوفق كل عروس بحياتها و يسعدها و يستر عليها إدعولهم يا بنات معاي
و إلي ما تزوجت أقول ربي يوفقها و يرزقها بالزوج الصالح عاجل غير آجل
و إلي متزوجه أقول ربي يهنيها و يسعدها مع زوجها
قولو
آمين
ناطره التعليقات منكم
إختكم من الكويت
ذرى