هدايا العروسه والعريس

ممكن تشترين لهم هدية طقم ملاعق اللي تجي فضة في علبة فخمة او شي للبيت... بس طالما تم الزواج مااتوقع بتكون مفيدة اي شي للبيت
وممكن تشترين طقم ساعات لها هي وزوجها من مكان فخم...
او تاخذين طقم للرجل (محفظة وميدالية) وتاخذين لزوجته من نفس الماركة (محفظة وساعة)
واذا تتجرئين واجد على خالك ممكن تشترين لهم وحدة من هالالعاب اللي معروضة بالمنتدى يعني كذا وحدة وتحطينها بعلبة وتقدمينها لهم
وممكن تحجزين جلسة مساج في مركز كبير له هو وزوجته.... <== بس احسها انسب لو تتقدم قبل الزواج
واذا الميزانية حقت الهدية شوي كبيرة يعني 500- وطالع ممكن تجيبين الفلوس وتخلين محل الهدايا يلفها لك على شكل ورود وتحطينها بباقة او يرتبها لك بفازة كأنها حوض الزراعة... تكون حلوة ومميزة وتفيدهم الفلوس بأمورهم الخاصة
أو تجيبين لهم قسائم شراء من مكان معروف
واذا عندك وقت كافي ممكن تروحين محل الذهب وتشترين لها تعليقة ذهب فيها مساحة فاضية بالنص وتكتبين بداخلها كلمتين حلوة مثل (فلان نور حياتي) (فلان مصدر سعادتي) ( الحين اكتملت حياتي)
او تشترين اكوان الشاي (مغات) وتروحين لمحل خطاط يرسم لك شي على الكاسات تعبر عن الزوجين بس بشكل كاركتوري
وممكن تجمعين الجرايد والاحداث المهمة اللي صارت بيوم زواجهم بالاضافة الى بطاقة العرس وتروحين محل اعلان وتطلبين منه يسوي البوم صور لهم ... بحيث يكون غلاف الكتاب لامع ويحط عليه صورهم وهم صغار ويكتب عليه اشياء بمعنى انه (غلاف الكتاب لا يعبر عن مضمونه .... مثلما طفولتنا لا تعطي تصور عن مستقبلنا) وبعد كذا يرتب الصفحات الاولى على حسب اللي انتي جبتيه من اوراق وقصاصات وبعد كذا خلي تقريبا 100 صفحة فاضية وخليه يحطها لك من القطن عشان سهل يلزقون الصور فيه ... واسأليه اذا ممكن يسويه ملف وتدخلين فيه الارواق الخاصة بالصور بس بصراحه احسها مو حلوة ...
المهم بعد كذا اختاري وحدة من الصفحات وخلي جدك وجدتك او اكبر واحد من العايلة عاش مع خالك وهو صغير يكتب شي... واذا تقدرين توصلين لاهل العروس بيكون مرة حلو
وقدميه لهم على اساس يكون هذا البوم عايلتهم اللي يحطون فيه صور كل العايلة
هذا اللي خطر ببالي بالوقت الحالي... لو لقيت شي جديد ممكن امر ثاني
واتمنى تدعين لي ربي يسهل موضوع خطبتي ويهدي ام خطيبي

ممكن حاجه للبيت او طقم ساعه نسائى ورجالى لهم مع بعض فيه اشياء رايقه

تسلمون ربي يخليكم لي

صراحة مره افكار روعه
الله يسهل خطوبتك دعيتلك انا
ممكن تشتري كتميرا تصوير

عفوا كاميرا