هذا شعوري انت اش شعورك اه يارب

والله حبيبتي الله يكون بعونك بس انصحك قللي من الروحه للناس الشماته وانسي موضوع الحمل مع انا ماينسي اوحطي جدامك كل الاحتمالات يعني يادوره ويمكن حمل ليش لا اما كلمة حامل فانا سمعتها كثير بس كنت اجهض للاسف والحين عندي ولد وبنت ولله الحمد بس كبار وحلو شعور الامومه وحلو لما تروحين تشترين بس لما يكبروا يالله بتنجنين خصوصا اذا بنت انا بنتي مجننتني ماتخليني اشتري لا ماتثق بذوقي (افا) تقول يومه شنوهذا ويع ههه تخيلي وتجني بالسوق ودي ما اخذها بس عوبه
المواقف المحزنه ان عيالك يحنون عليكي يبون عيل صغير ماما ليش كل خالاتي وعماتي عندهم دادا وحنا لا يالله جيبي وتشيل عيال اختواتي المواليد وغيرهم وتحز بالخاطر والنفس وماتقدرين تسوين شي ولما احمل ودي اطول بالكرشه خ ودي اتونس فيها والبس لبس حوامل حلو والولاده مابيها لان مجربتها اه اهاه متعبه مره والله يعينا على انفسنا ويرزقنا عاجل غير اجل طبعا فى جعبتي الكثير بس مابي اكثر سوالف خ

تسلمي يالغلا على مرورك العطر والله يرزقك
بس الحمد لله جربتي الامومه وعقبال ماتترسين البيت يهال يارب
اماا بنتك قويه خ الله يخليها لك ياارب هي واخوها

الله يكون في عون الجميع
الله يرزقنا جميعاً بالذريه الصالحه ولا يشمت فينا أحد بقدرة قادر يالله ياكريم يارحيم

امين الله يسمع منك

مبروك مدام حامل؟؟
وكل وحده ودها تسمعها؟؟
ادعو ربي يعجل في سماعي لهذا الخبر
وموافقكم المحزنه؟؟
الحمد لله عمتي ما تصر ولا تجرحني بالكلام وتقولي ان شاء الله قريب بتحملين وانها حاسه وتحلم ومادري شوو يعني الحمد لله اهيا طيبه وايد
لكن امي حاطه ايدها على قلبها واملها تسمعني ابشرها
اه اه اه من كلام الناس الي ما يخلص
على شان جذا ما راح اذكرهم ولا اذكر كلامهم
بس اقول ربي يسامحهم ويصلحهم
وتخيالاتكم بهااللحظات ؟؟
اش تسوون لما تسمعون الخبر؟؟
والله الى الان ماعرف ولا فكرت لانها بتكون رده فعل غير مرتب لها
عسى الله يرزقنا جميعا
وكيف تتخيلون اشكال اطفاالكم؟؟
ههه اتخيل البنت تاخذ عيوني ولون ابوها وشعر عمتها وبعافيه
واتخيل الولد يشبه ابووه

مشكوره يالغلا على مرورك والله يرزقنا قريب يارب

صباح الخير على جميع الفراشات
اكيد كل وحده مننا تحلم بهذي اللحظه زوجي حالف لو احمل ان يحقق لي اي شي كنت احلم فيه .اكيد راح تسألون طيب انتي عندك بنت من قبل ؟؟؟؟؟؟؟؟؟ راح اقولكم ايه عندي بنت وعمرها 8 سنين وقموره ودلوعه وملامحها تهبل كل من يشوفها يسمي عليها .هي بنتي من زوج سابق ابوي الله يسامحه زوجني غصب عني وعمري 16 سنه تعرفون عادات وتقاليد بعض اجدادنا وخاصه من الجنوب انا جنوبيه وافتخر يعني اجدادي واهل ابوي وامي من ابها ولا انا عشت طفولتي وشبابي بالشرقيه . المهم خلونا نرد لموضوعنا تزوجت وما كملت سبع شهور إلا انا عند اهلي وحالفه ياتطلقوني منه يا اما اذبح نفسي. قويه هذه, لاوالله الاً كان عمري 16 وكان عمره 30 سنه ولاهو من جماعتي ولا أعرفه ومن شين الحظ حملت من أول دوره. مقدر ومكتوب.
الحمدلله تطلقت منه بس بعد محاكم وقلت حيا هو رافض يقول مافي تحلم بالطلاق لكن ربي عالم اني مغصوبه ومظلومه فيسر لنا قاضي وقف معي لاخر لحظه وانتصرت بالنهايه . ولدت ببنتي رغد عند اهلي كنت مراهقه ورعه على قولتهم ماغير ارضعها بصدري واعطيه امي هي تكفلت بكل شي , سبحان الله ماجالها حب في قلبي مدري ليه! المهم هي الحين عايشه عند اهلي . حنا ثلاث بنات وولد انا الكبيره وعمري الحين 25 واختي اللي بعدي 23 متزوجه ماشاء الله وعندها شدن خالد واختي الصغيره ب19 واخوي ب17 . وامي وابوي يحبون بنتي ومتعلقين فيها اكثر مننا حنا ياعيالهم بنتي تنادينا على اننا اخواتها وابوي ابوها وامي امها . الحمدلله رب العالمين ابوها ماندري تها وين ارضه من يوم ماجبتها إلى الحين وعساه إلى الابد والله ثم والله إني تعذبت عذاب في زواجي منه الله يسامحه ابوي كان حق مخدرات وكان يشك فيني ويضربني ويحبسني . لكن الحمدلله ربي عوض علي بولد عمي عندي يسوى الدنيا ومافيها تزوجته وعمري 18 ولي سبع سنوات ماشاءالله . بس ربي للحين مارزقني بأطفال اسأل الله ان يرزقني . واما عن كلام الناس حدث ولا حرج لكن قولوا ماشاءالله اهل زوجي مثل العافيه معي لا خواته ولا امه ولا ابوه صحيح وجدت بعص الصعوبات في بداية زواجي لكن اللي تبي الستر والحياه الزينه تصبر ووالله إن ربي يعوض صبرك خير شوفو اهل زوجي يعاملوني كأني بنتهم ماكأني زوجة ولدهم لكن الوحده مننا إذا تحب زوجها بتسوي المستحيل عشان يدوم هذا الزواج والحب .وعندي موعد هذا الاسبوع في مستشفى الحرس عشان اسوي إشاعة الصبغه على الرحم ووالله اني اتحلم فيها وكل ماقرب موعدها ازداد خوف. اله ييسرها .
ومشكوره ياجنوبيه متألقه يابنت ديرتي على هالموضوع
صحيح غثيتكم بموضوعي وانفتحت جروح قديمه يس فضفضت اللي بخاطري . لكن عمرنا مانتقدم بخطوة نجاح واحنا نفكر بالماضي.
تحياتي% شد5ن

هلا وغلا فيك يا احلى جنوبيه حطيتي يدك على الجرح الله يعوض صبرنا خير ويجعلنا كل وحده تبشر الثانيه بحملها
وش شعور كل وحده لم يسبق لهاا سمعت كلمة مبروك مدام حامل؟؟
اه اسكتي ياشيخه شعور مقزز للغايه ..اائم اذا تاخرت علي الدوره اقول يارب يا رحيم
واروح احلل ودايم ..>يطلعون الممرضات وانا وزوجي في غرفة الانتظار ونعرف من ملامحهم اذا فيه او لا ...الله كريم
وكل وحده ودها تسمعها؟؟
ما اخبي عليك امنيتي الوحيد في ذا الدنيا اني اسمع كلمة ماما ونفسي يصجني ويصمخني فيها ..الكلمه هذي حلم
وموافقكم المحزنه؟؟
مواقفي الحمد لله فيه بنات كثير من جماعتنا جلسوا 7 و6 وعشر سنوات وحملوا وفيه بنات لحد الان فصار الموضوع مو غريب كثير ..
اما بالنسبه لا ام زوجي الحمد لله ماشاء الله كأنها امي دايما تدعي لي انا وولدها ..بس اللي احس احيانا تحاول تجرح فيني هي سلفتي زوجة اخوه الكبير ..احيانا تتعمد بعض المواقف والكلام علشان تغيضني بس انا اعطيها طناش ولا كأنها مووجوده .الحقران يقطع المصران.لان هي من النوع الغيوره مرره مني ومن معاملة زوجي لي وتحسدني اشياء كثير الله يكفيني شرها ويصلحها لنفسها...
اش تسوون لما تسمعون الخبر؟؟
الخبر اه متى ؟؟الله يسمعني اياه في القريب العاجل ...اكيد لحظه ما تنوصف
وكيف تتخيلون اشكال اطفاالكم؟؟
اتخيل الولد يطلع يشبهني لان احب الولد اذا طلع لامه والبنت ابيها تطلع لا أبوها
يارحيم ....ربي لاتذرني فردا وانت خير الوارثين ...ربي اسعدني وزوجي برؤية طفلنا في القريب العاجل

كيفكم يااخوات انا لي 8سنوات متزوجه واحب زوجي مره والحمد لله بس المشكله اني ابغا اسعده واجيب له طفل اوطفله يفرح فيها ماخليت دكتور ودايه الي رحت لها واملي اني احمل
اما من جهت كلام الناس فحدث ولا حرج انا في البدايه كنت اتضايق مره وابكي لدرجه الانهيار كنت اشوف نظرات الناس نظرات الشفقه ونظرات الشماته بس الحمد لله زوجي واقف في صفي ولو مو هو لكان مكان مستشفي النفسيه اما الان بعد اختي ماجابت بنت فاعتبرتها زي بنتي واحبها كثر الان هيه صغيره اتمني تكبر ويعوضني حرمان الطفله اختي دائما تقولها روحي لمامتك تقصدني من كثر ماني محزنتها تقولي راح اخلي بنتي تناديك ماما بصراحه انا احبها مره ومتعلقه فيها بس نفسئ اخلف واسعد زوجي علشان كده اتمنا انكم تدعولي وانا عارفه اني طولت عليكم بس اشكر اختي احلي جنوبيه علي انها خلتنا نفضفض وانا انصح لك وحده انها تخلي كلام الناس ورا ضهرها واهم شئ زوجك والحمد لله علي كل شئ
اللهم لاتذرني فرا وانت خير الوارثين