هذي حياتي من بعد زواجي

صباح الخيرحبايبي كيفكم ان شاء الله بخير.....مدري من وين ابتدي لكن انا بحاول اختصر لكم الموضوع انا بصراحه عندي مشكله مره شاغلتني وقالبه حياتي فوق تحت انا تزوجت بشهر 12اللي فات وجلست شهرين بس وبعدها رجعت لاهلي والى يومكم هذا وانا مارحت له لاني عشت حياه ماكنت متخيله بيوم من الايام انها بتكون كذا تعذبت تألمت هو بوادي وانا بوادي ماقدرت اهضمه ولا اتقبله ما اطيقه مع العلم اني ماخذته برضاي وربي ما اذكر اني بيوم ضحكت معه ماحسيت بسعاده لابشهر العسل ولا بعد مارجعنا وحتى يوم كنت بالبيت معاه وربي بعالم ثاني حتى ملابسي مالبستها ما اكشخ له ولا شي وش اقول بس يوم كنت عند اهلي كنت اهتم والبس واعتني بشكلي وصحتي بعد ما اخذته انا غير ليش ما ادري ما اضحك معه ما اطالعه اي شي زين يسويه لي يجي شين الوقت معه مايمر وزياده ع كذا ماعنده اسلوب دايم ساكت مو مزوح ع باله الحياه الزوجيه اكل ونوم وحتى النوم ما انام جنبه انام ع الارض وهو ع السرير لاني اذا نمت بجنبه خلاص راسي يصدع وهو يحسبني اكرهه واما ابيه ويحسب طبعي كذا وانا هذا كله خارج عن ارادتي عجز قلبي يبيه حتى الجنس وربي جثه يقلب فيها ما اشاركه بس خوف من ربي اضغط ع نفسي واعطيه ماعمري رديته ع رغم التعب اللي فيني تخيلو الم بجنبي الايسر ملازمني طول ما انا عنده وادور الزله عليه وازعل ع اشياء تافهه ماتستاهل ولاتستحق هذا الزعل وربي مو قصدي اعذبه واظلمه رحت المستشفى قا لو لي سليمه رحت اقرا عند اكثر من مطوع وكلهم قالو حسد وعين الا واحد قرا ع لوحدي وقال لي انتي فيك قرين عاشقك ومأذيك ومايطلع لك الا الشين لاعب بتفكيرك واعصابك وهو اللحين عارف كل شي عني عن طريق امي لاني مااقدر اكلمه ولا حتى اشوفه والى يومكم هذا كل ماتذكرت شكله وايش اللي يسويه لي وقت ماينام معاي اقوم من نومي واصيح وش اسوي وين اروح امي من جهه والالم والقهر اللي احس به من جهه والكلام اللي يقوله ويوصلني من جهه تخيلو يقول لأخته انتي اللي دخلتيني بها السالفه طلعيني منها ماهميته مع العلم ان ابوي قال له اذا ماتبي تصبر عادي طلق والله يوفقك من حقك وانا الى ها اللحين ما اطيقه اذا شفت رقمه بجوال امي اتمنى الله ماخلقني حتى كارهه اهله معه بس وربي كل هذا غصب عني احس اني اصير وحده ثانيه اذا جابو طاريه وانا لي شهر وانا اقرا وابدن ماتغير في داخلي شي من يمه وش الحل ابي رايكم وش اسوي؟؟؟؟