هروب الازواج من اللقاء الحميم دعوة للاببتسامة

عادي خل روحك رياضية اتصير باكبر العائلات
دايما يكسرون خاطرنا ...ويعطونا ركب
::::::::::::::::::::::::::::::
تعالي اسمعي حكاوي القهاوي!!
وشوفي كم متزوجة تعاني!!
::::::::::::::::::::::::::::::::::::::
شوفي كم واحدة سحب عليها زوجها
واضحكي...ترى الدنيا ماتستاهل...اليوم يزعلك ...وبكره ياعيني يرضيك
:::::::::::::::::::::::::::::::::::::::::::::::::: :::
تسحيبة رقم 1
1- اعترف ان عندي عادة بايخة شوي!!
يعني لو كنت مشتاقة لزوجي البس الاحمر واولع النور الاحمر واترس الغرفة ورد احمر...والخ من هالرومانسيات الي ذبحونا فيها التاجرات.
لكن لو (كانت درجة حرارتي عادية) يعني مو مشتاقة ...ام...البس قميص هادي ...
واطفي النور..واتسطح عالسرير...لو طلب شي اوك...ولو ماطلب انعم بنوم مريح!!
دخل زوجي مرة البيت في ساعه متاخرة بالليل جاي من الاستراحة..ولما قرب من غرفة النوم شاف
ان اللون الاحمر مسوي حفلة بالغرفة !!
وعرف ان درجة حرارتي مرتفعه فوق ال40 .... وانتظرته يدخل الغرفة لكن مابيّن !!
لبست عباتي ورحت ادور عليه >>>اقصد روبي!
ولقيته في وضع مؤسف بالصاله >>>الظاهر ان خوياه بالاستراحه شافطين مجهوده شفط
وماخلوا لي غير النوم بعيونه
لقيته متمدد على الكنبه وكل قطعه من ملابسه بركن وفاتح فمه..ويشخر بعد!!
>>>وجهي
قلت بنفسي : هذا ويش اسوي فيه اغتصبه يعني !! -الله يقطع الاسترااحات والي اخترع الاستراحات-
ورحت لغرفتي وسرّحت المعزومين ( الحمر ) وقلت لهم اشوفكم بكرة ..... ونمت عزابية
::::::::::::::::::::::::::::::::::::::
تسحيبة رقم 2
2- زوجي يفهم طبيعتي.....بالذات في فصل الشتاء!!
يعرف انه في الشتاء احب الدفء..واشتاق لاحضانه ..يعني بالعربي الفصيح( اطلب منه مجهود مضاعف اكثر من اي فصل اخر)>>>صار يكره الشتاء!
ولما كان فصل الشتاء على الابواب قلت له وانا عالسرير : ها ترى الشتاء جا... >>المح
قال بعبط : ايه نسيت اقولك!!...ترى احنا مشغولين هالشتاء ماعندنا وقت يادوب مقاضي واشغال ومدارس واختبارات >>> يتهرب
قلت له مستفسرة : انت حشرة!
>>> وجه زوجي
قلت بعصبية: ايه حشرة ..ويش مقاضي واشغال واختبارات ..ناوي على سبات شتوي مثل الحشرات!!
ونمت زعلانة
::::::::::::::::::::::::::::::::
تسحيبة رقم 3
3- يقول لي زوجي دايما : نفسي تطلبين مني هالشي لو مرة!
قلت : يعني ماينفع التلميح!
قال : لا ابيك تجريني من اذاني وتسحبيني لغرفة النوم سحب!
قلت : لا يافشلة ...يافضيحه .......ماقدر...استحي !!
>>>>وجه زوجي
قال : يمكن ماعلموها اهلها اني زوجها!
قلت : طيب ...احاول ....!!
ومرات كثيرة ابغى ابادر لكن فيه شي يمنعني ...مادري حياء ولا ويش بالضبط المهم ماقدرت!!
وفي يوم...تشجعت...ودفعت نفسي للميدان بقوة >>وين حرب!
المهم ......ابشركم ...جات!
صحى زوجي من النوم الساعه 8 الصبح ...عيونه متنفخه لسه ماصحصح ...لقاني بقميص نوم ربع متر!!
قال : لسه ماغيرتي !
قلت : انتظرك ياحبيبي!
>>> وجه زوجي
قال : عاد الحين!!...يالله صباح خير...!!
قلت : انت مو تمنى اطلب!...هيا لاعاد تطلبني ...انا هذا كيفي ومزاجي...ورحت لغرفتي كملت نومي زعلانه!
>>التماس كهربائي على طول
::::::::::::::::::::
تسحيبة رقم 4
4- دخلت المطبخ ولقيت زوجي يسوي له كوب شاهي ...وجلست عالطاولة اتفرج عليه...وكأني اشتهيته >>>مو الشاهي
قلت بنفسي : هذا باسحبه لغرفة النوم ..بس اشلون!
شفته يحرك السكر بالكوب ....حطيت يدي على خدي وذوبت عيوني وقلت : اتصدق!
قال : ايش!
قلت : احلى علاقة هي الي تربط الملعقة بالكوب!!
نظر بدهشة و قال : هذا شعر ولا فيزياء!
قلت : حب
>>>>وجه زوجي
قلت : الملعقة تتحرك والكوب مستسلم والسكر يذوب بكل حنان داخل الكوب !!
قال : مانتي بسهله !
قلت : ماتبغانا انكون انا واياك زي الملعقة والكوب! >>ابوك يالغزل
فطس زوجي من الضحك وقال : انتي تسمين هذا غزل يعني!..اتصدقين كنت احسبه درس فيزياء وكنت باهج من الفصل!!
قلت : فيزياء ..كيمياء ...غزل ..المهم ابي تشربني قبل شاهيك!
قال: يزعل الشاهي!
قلت : بكيفه!
قال : الحين نبدا بالشاهي ولو بقى وقت يصير خير!
وجاه اتصال...وقال ...قفلنا...راجعينا بكرة...!!...وراح ....وتركني ماده بوزي شبرين قدام كوبه الفارغ !!
:::::::::::::::::::::::::::::::::::::::::::::
تسحيبة رقم 5
5- بالليل ..كنا جالسين بالصالة ونتابع برنامج ..ولما جا ينام زوجي ..قال : ماتبين تنامين؟!!...
قلت : لو بتنومني اجي!!
قال : ماعندي رضاعة!!
قلت : الا عندك !!...
قال : مافيها ولا قطرة!!
قلت : اشحنها لين اجيك!!
قال : الرضاعة ماتنشحن!!.. >>>> ضحكت بقوة ...وقلت خلاص معذور ...تصبح على خير..!!
:::::::::::::::::::::::::::::::::::::::::::::::::: :::::::::::::::::::
تسحيبة رقم 6
6- زوجي ماعمره سوى شي بالنهار...كله بالليل!!!
انا نهارية!!
قلت له : احد قال لك انه بالنهار حرام!!...ياخي تذكرنا لو مرة والشمس شارقه!!
قال : ابشري بس دبري عيالك لايفضحونا!
قلت : مايهمك خلهم علي
واليوم الثاني نزلت السوق واشتريت لهم احدث شريط سوني نزل بالاسواق وعزمتهم على فشار وحلويات بغرفتهم وقلت لهم انبسطوا ..
ولاتطلعون ولااسمع حسكم >>>حظر تجول
ورحت لابوالشباب لقيته متمدد بالصالة بسرواله وفنيلته البيضاء >>>ماركة سعودية!
ويتفرج على توم وجيري!!... >>فاضي ..باشغله لكم ماعليكم!!
رحت وسويت من هالحركات المكشوفة الي تخبرون...وسحبت نفسي لغرفة النوم وانتظرته ...انتطرته ...ماجاا
طلعت ادوره بالصالة ...لقيت ولدي ...
قلت : الحين انت ايش مطلعك مالعبت بالشريط!!
قال : يمه هذا اشتريتيه لنا مثله الشهر الي فات!! >>>صدقوني اول مرة اصرفهم
قلت : وابوك وينه!
قال : يلعب بالشريط!
>>>>وجهي
قلت معصبة روح جيبيه لي حي ولا ميت!
>>>>وجه ولدي
رحت لغرفة العيال لقيته يلعب بالشريط وياكل فشار بعد !!
:::::::::::::::::::::::::::::::::::::::::::::::::: :::::::::
الي عندها تسحيبه ..تنزلها>>>